Jo-Hibrania 7:3 - MUMA MALER 2015

³ Onge wach moro mondiki ni en gi wuon kata min kata anywolane, kendo onge wach chakruok mar ndalone kata giko mar ngimane. En kaka Wuod Nyasaye. Osiko jadolo nyaka chieng’.

Motingʼo Loko Manyien

³ Kaka Melkizedek ne onge gi wuon kata min kata anywolane bende ne oonge gi chakruokne kata gikone, En kaka Wuod Nyasaye, kendo tij dolo mare osiko nyaka chiengʼ.

Jo-Hibrania 7:3 ပူးပေါင်းရင်းမြစ်များ

Wuok 6:18

Yawuot Kohath ne gin Amram gi Izhar gi Hebron kod Uziel. Kohath nodak higni mia achiel gi piero adek gadek.

Kwan 1:18

kendo ne gichoko oganda jo-Israel chieng’ mokwongo mar due mar ariyo. Ne gichano anywolagi e dhoutgi kaluwore gi kweregi, ka gindiko nying ng’ato ka ng’ato ma dichwo ma hike oseromo piero ariyo kata mokadho kanyo, kaka Ruoth Nyasaye nosechiko Musa.

Mathayo 4:3

Eka Satan nobiro ire, mowachone niya, “Ka in Wuod Nyasaye adier, to nyis kitegi mondo olokre kuon.”

Jo-Hibrania 4:14

Emomiyo koro wamakuru yie ma wahulo matek, nikech wan gi Jadolo Maduong’ nosedhi nyaka e nyim Nyasaye. En Yesu Wuod Nyasaye.

Jo-Hibrania 7:1

Melkizedekno ne ruodh Salem, kendo ne en jadolo mar Nyasaye Manyalo Gik Moko Duto. Noromo gi Ibrahim kane Ibrahim dok dala koa loyo ruodhi, mi noguedhe.

Jo-Hibrania 7:17

mana kaka Muma wacho niya, “In jadolo nyaka chieng’ e kit tich dolo mar Melkizedek.”

Jo-Hibrania 7:2

En ema ne Ibrahim omiye achiel kuom apar, mag gik moko duto mane omayo ruodhigo. To tiend nying mar Melkizedek gin ariyo: mokwongo en ni ‘Ruoth Makare’, to bende en ruodh Salem, tiende ni ‘Ruodh Kue’

Jo-Hibrania 7:6

Melkizedek to ne ok en nyakwar Lawi, to kata kamano Ibrahim nomiye achiel kuom apar mag gik mope, mi noguedho kata mana Ibrahim, ng’at mane oyudo singruok mag Nyasaye!