Jo-Hibrania 7:27 - MUMA MALER 2015

²⁷ Onge gima dimi otim misengni pile, kaka jodolo madongo moko kwongo timo misengni ma gipwodhogo richogi giwegi, to eka gitimo misengni mipwodhogo richo oganda. En to notimo misango dichiel kende, kane ochiwore en owuon ka misango.

Motingʼo Loko Manyien

²⁷ En ok ochune ni nyaka otim misango pile pile kaka jodolo madongo mamoko timo, kokuongo gi timo misango mare owuon eka otimo mar joma moko. En to notimo misango ni richogi dichiel kende kane ochiwo ringre owuon.

Jo-Hibrania 7:27 ပူးပေါင်းရင်းမြစ်များ

Ezekiel 43:19

Jodolo ma jo-Lawi ma nyikwa Zadok kende ema nyaka bi e nyima mondo otina. An Ruoth Nyasaye ema agolo chikno. “Nyaka imigi nyarwath mondo gitimgo misango mar golo richo.

Tim jo-Lawi 16:11

Harun nyaka chiw rwath mondo otimgo misango mar golo richo, kopwodhorego kaachiel gi joode.

Tim jo-Lawi 16:15

Bang’ mano noyang’ diel mitimogo misango mar golo richo ni oganda jo-Israel, mi noter rembe ei kama ogeng’ gi pasia, kendo nokir remono ewi raum, kendo e nyim raum, mana kaka nokiro remb rwath.

Tim jo-Lawi 16:6

Nyaka otim misango mar golo richo gi rwath mondo opwodhrego kaachiel gi joode.

Jo-Rumi 6:10

Tho mane othogo, notho ni richo dichiel kende, to koro kaka ongima, ongima ni mondo oti ni Nyasaye.

Jo-Efeso 2:22

Un bende igerou kuome kaachiel kodwa mondo ubed kar dak mar Nyasaye kuom Roho.

Jo-Efeso 5:2

Beduru gi hera, mana kaka Kristo noherowa, mi ochiwonwa ngimane obedo misango madum tik mamit ni Nyasaye.

Tito 2:14

En ema ne ochiwore owuon nikech wan, mondo oreswa e richo duto, kendo opuodhwa wabed joge moyiero, mondo watim timbe mabeyo.

Jo-Hibrania 5:1

Jodolo madongo duto iyiero kuom ji, kendo iketogi mondo giti ni ji e nyim Nyasaye, ka gichiwo mich gi misengni migologo richo.

Jo-Hibrania 5:3

Mano emomiyo nyaka gitim misengni ma gigologo richogi giwegi mana kaka gitimo ni ji.

Jo-Hibrania 8:4

Ka da en e pinyka, to da ok obedo jadolo kata matin, nikech nitie jodolo machiwo mich kaka Chik Musa dwaro.

Jo-Hibrania 9:12

Kristo nodonjo Kama Ler dichiel kende, to ok koting’o remb diek kata remb nyiroye, to mana koting’o rembe owuon, mi oyudonwa warruok mochwere.

Jo-Hibrania 9:14

to koro remb Kristo dipwodh chunywa maler marom nadi! Kuom Roho mochwere, Kristo nochiwore owuon ni Nyasaye ka misango maonge songa, mi ogolowa e timbe materowa e tho, mondo walam Nyasaye mangima.

Jo-Hibrania 9:25

Ok odonj mondo ochiwre pile, kaka jadolo maduong’ donjo Kama Ler higa ka higa gi remb chiayo,

Jo-Hibrania 9:26

nikech ka da bed ni otimo kamano, to dine osande pile, chakre chuech piny. To e ndalo ma piny rumoeni osefwenyore mana dichiel kende, ni mondo otiek richo, kochiwore owuon ka misango.

Jo-Hibrania 9:28

Mano e kaka Kristo bende ne ochiw ka misango dichiel kende, mondo oting’ richo mag ji mang’eny, to obiro fwenyore kendo mar ariyo, to ok ni mondo ogol richo, to mana ni mondo okel warruok ni jogo morite.

Jo-Hibrania 9:7

Hema mar ariyo to jadolo maduong’ kende ema donjoe nyadichiel higa ka higa. To bende ok onyal donjo kanyo ka oonge gi remo ma ochiwo mondo obed misango mopwodhogo richone owuon, kendo mopwodhogo richo ma oganda otimo ka ok ong’eyo.