Jo-Hibrania 7:25 - MUMA MALER 2015

²⁵ Kuom mano en gi teko mochwere mar reso jogo makadho kuome kasudo ir Nyasaye, nikech ongima nyaka chieng’ mondo okwanigi Nyasaye.

Motingʼo Loko Manyien

²⁵ Kuom mano onyalo waro chuth joma kadho kuome kasudo ir Nyasaye, nikech ongima nyaka chiengʼ mondo okwanegi Nyasaye.

Jo-Hibrania 7:25 ပူးပေါင်းရင်းမြစ်များ

Ayub 22:17

Gin e joma ne odagi Nyasaye, kendo mane paro ni ok onyal kumogi.

Ayub 23:3

Mad bed ni ang’eyo kuma dayudie Nyasaye, kendo ni ang’eyo kaka dadhi ire,

Isaya 45:22

Un ogendini manie tung’ piny gi tung’ piny, genuru kuoma, mondo uyud resruok, nimar an e Nyasaye, kendo moro onge.

Isaya 45:24

Ji nowach niya, ‘Ruoth Nyasaye kende ema nigi teko, kendo ema miyo ji locho. Ji duto mapiem kode nochung’ e nyime ka wigi okuot.

Isaya 53:12

Kuom mano, anamiye pok kaachiel gi joma dongo, kendo enopog gik moyaki gi joma rateke, nimar ne ochiwore chuth, mi otho, kendo ne okwane kaka achiel kuom joricho, nikech ne oting’o richo ji mang’eny, kochung’ kar joricho e nyim Nyasaye.

Isaya 59:16

Noneno ni onge ng’ama dikony, mi mirima mager omake. Mano omiyo ne olocho gi tekone owuon, kendo adierane ema ne okonyorego.

Isaya 63:1

Mano ng’a, mabiro koa Bozra e piny Edom, ka lepe otimo remono? Orwakore gi lep duong’, kendo owuotho gi tekone duto. “An Ruoth Nyasaye ema abiro, ka ahulo ni Jerusalem oseresi, kendo an ema an gi teko mar waro ji.”

Jeremia 3:22

Duoguru un nyithinda moseweya, mondo aloku joma kare. Udwoka niya, ‘Ee, waduogo iri, nimar in e Ruoth Nyasaye ma Nyasachwa.

Daniel 3:15

Koro sani ka uwinjo tung’ gi thum nyatiti gi asili kod thumbe mamoko ka ywak, to nyaka ukulru piny kendo ulam kidono. To kudagi timo kamano, to ibiro witu e mach makakni, piyopiyo ma ok odeko. Koso uparo ni nitie Nyasaye moro manyalo resou?”

Daniel 3:17

To kapo ni Nyasaye ma walamo nyalo resowa e mach kendo e tekoni, to kara obiro resowa.

Daniel 3:29

Kuom mano, koro agolo chik ni, ng’ato ang’ata ma owuoyo marach kuom Nyasach Shadrak gi Meshak kod Abednego, to ibiro jak embene gi bedene, bed ni oa e oganda mane, kata dhoot mane, kata owacho dhok mane, kendo nolok ode gunda, nimar onge nyasaye moro amora manyalo reso ji kamano.”

Daniel 6:20

kendo kane ochopo machiegni, ne okok ka chunye parore, kowacho niya, “Daniel, jatich Nyasaye mangima! Donge Nyasaye ma itiyone gi adiera duto oseresi e dho sibuoche?”

Daniel 9:16

A Ruoth Nyasaye in ng’at makare, omiyo koro we kecho gi Jerusalem, nikech en dalani kendo en godi maler. Jopinje mokiewo kodwa duto jaro Jerusalem, kendo gijaro jogi mana nikech kethowa kaachiel gi timbewa manono mane kwerewa otimo.

Johana 14:13

Kendo gimoro amora mukwayo e nyinga natim, mondo Wuoro oyud duong’ kuom Wuowi.

Johana 14:16

Anakwa Wuoro, mi nomiu Jakony machielo mondo osik kodu nyaka chieng’.

Johana 14:6

Yesu nodwoke niya, “An e yo, kendo an e adiera. Onge ng’ama dhi ka Wuora mak okadho kuoma.

Jo-Rumi 5:10

Kane pod wan wasik Nyasaye, to ne omiyo wasedoko osiepne, kuom tho mar Wuode. To tinde kaka koro wasedoko osiepene, donge ibiro resowa moloyo nikech ngima mar Wuode?

Jo-Rumi 5:2

Yesu ma wayie kuomeni ema oseyawonwa yo ma wayudogo gueth mar Nyasaye ma wan-goni, kendo wamor nikech wageno ni wanane duong’ mar Nyasaye.

Jo-Rumi 8:34

Koso ere ng’ama ding’adnwa bura, ka Kristo Yesu ema ne othonwa? To ok tho ema nothonwa kende, to bende ne ochier, mi obet e bat korachwich mar Nyasaye, kendo en ema okwayonwa!

1 Jo-Korintho 1:21

To Nyasaye nochano gi riekone ni dhano ok nyal ng’eye gi riekone owuon, nikech ne odwaro ni mondo fuwo mar wach mwalando ema mondo obed yo ma owarogo joma oyie.

Jo-Efeso 2:18

Kuom Kristo ema wan waduto, wanie gi thuolo mar dhiyo e nyim Wuoro kuom Roho achiel.

Jo-Efeso 3:12

Ka wan e achiel gi Kristo, kendo kwayie kuome, to wan gi thuolo mar sudo ir Nyasaye gi chir mondo walos kode.

Jo-Efeso 3:20

Duong’ obed ni Nyasaye, manyalo timonwa gik moko duto moloyo kaka wakwayo kata kaka waparo, kuom tekone matiyo kuomwa.

Jo-Filipi 3:21

Obiro kawo ringrewa manyap kendo matho, mi olok obed machal gi ringre owuon man gi duong’, kotiyo gi teko mamiyo oketo gik moko duto e bwo lochne.

1 Timotheo 2:5

Nyasaye en achiel, to e kinde kod ji bende nitie jagach achiel, ma en Yesu Kristo, ma bende en dhano kaka ji.

2 Timotheo 1:12

Mano ema omiyo aneno masira kama, to wiya ok nyal kuot, nikech ang’eyo Jal mane ayie kuome, kendo aonge gi kiawa ni gima asemiye, onyalo ritona nyaka chop chieng’ Bura.

Jo-Hibrania 11:6

To ng’at maonge gi yie ok nyal bet malong’o ni Nyasaye, nimar ng’ama dwaro biro ir Nyasaye nyaka yie ni Nyasaye nitie, kendo ni en gi mich momiyo joma dware.

Jo-Hibrania 13:15

Emomiyo, kuom Yesu, pile watimuru ni Nyasaye misango mar pak. Adier, dhowa mohulo nyinge mondo opake pile.

Jo-Hibrania 2:18

Kaka koro en owuon osekadho e tem mar neno masira, omiyo koro onyalo konyo jogo mitemo.

Jo-Hibrania 2:9

To gima waneno, en mana Yesu, mane Nyasaye omiyo obedo matin moloyo malaika kuom kinde manok mondo otho ni ji duto kuom ng’wonone mar Nyasaye. En ema Nyasaye nosesidhone osimbo mar duong’ kod pak, nikech rem mar tho mane oneno.

Jo-Hibrania 5:7

E ndalo mane Yesu odak e pinyni ka dhano, ne olemo, kendo osayo Nyasaye mane nyalo rese e tho, ka oywak malit, kendo pi wang’e chuer. Nyasaye nowinjo ywakne nikech dembruokne.

Jo-Hibrania 7:16

Ne ok okete e tich dolo kaka chik pinyni dwaro, to nokete kuom teko mar ngima maonge gima nyalo ketho,

Jo-Hibrania 7:19

nimar Chik ne ok ochopo gima ne oketene. To geno manyien koro osekel, mamiyo wasudo machiegni gi Nyasaye.

Jo-Hibrania 7:24

Yesu to nigi tich dolo ma ok we ni ng’at moro machielo, nikech osiko nyaka chieng’.

Jo-Hibrania 7:8

To korka jodolo, to waneno ni joka Lawi, ma gin joma yudo achiel kuom apar mag gik mokogo, gin joma tho. Korka Melkizedek to waneno ni ng’at mane oyudo achiel kuom apar, Muma wacho ni pod ngima.

Jo-Hibrania 9:24

Awacho kamano nikech Kristo ne ok odonjo Kama Ler molos gi lwedo, ma en mana kido mar Kama Ler hie, to nodonjo e polo hie, mondo koro ochung’nwa e nyim Nyasaye.

Juda 1:24

Wapakuru Jal manyalo ritou mondo kik upodhi, kendo manyalo miyo uchung’ e nyim duong’ne maler kumor kendo kuonge ketho.