Jo-Hibrania 7:11 - MUMA MALER 2015

¹¹ Chik mane omi jo-Israel notenore kuom tich dolo mar jo-Lawi. To ka dine bed ni tich dolo mar jo-Lawi ochopo tichne maonge gima orem, to onge gima dine mi jadolo moro machielo wuogi e kanyakla mar Melkizedek, to ok e kanyakla mar Harun.

Motingʼo Loko Manyien

¹¹ Kapo ni tich dolo mar jo-Lawi nikech chik mane omi jo-Israel notenore kuome ne nyalo miyo dhano doko makare chuth, to koro ere gimomiyo ne pod nitie dwaro mondo oyud jadolo machielo koluwo kit Melkizedek? Angʼo momiyo ne nyaka jadolo mopogore gi Harun yudre?

Jo-Hibrania 7:11 ပူးပေါင်းရင်းမြစ်များ

Jo-Galatia 2:21

Ok adwar miyo mich ma Nyasaye ochiwo kuom ng’wonone obed kayiem nono. To ka en adier ni mako Chik ema miyo ng’ato bedo e winjruok gi Nyasaye, to kara Kristo notho kayiem nono!

Jo-Galatia 4:3

Kamano wan bende, kane pod wan nyithindo, ne oketwa wasumbini mag timbe machon mag piny.

Jo-Galatia 4:9

To koro kaka ung’eyo Nyasaye, (to moloyo onego awachi ni koro kaka Nyasaye ong’eyou,) ere kaka udok e timbe machon mag piny, manyap kendo modhiergo, mondo uchak ubed wasumbgi kendo?

Jo-Hibrania 5:10

mi Nyasaye nochake ni Jadolo Maduong’ e kit tich dolo mar Melkizedek.

Jo-Hibrania 5:6

Muma wacho bende kamoro machielo niya, “In jadolo nyaka chieng’ e kit tich dolo mar Melkizedek.”

Jo-Hibrania 6:20

Kanyo ema Yesu nodonjoe nikech wan kotelonwa, kendo nodoko jadolo maduong’ nyaka chieng’ e kit tich dolo mar Melkizedek.

Jo-Hibrania 7:10

nimar Lawi ne pod nie ringre Ibrahim kwar mare kane Melkizedek oromo gi Ibrahim.

Jo-Hibrania 7:12

To ka kit tich dolo oloki, to mano nyiso ni chik bende nyaka loki.

Jo-Hibrania 7:13

Awacho kamano nikech Jal mwawuoyo kuomeni, tiende ni ruodhwa, noa e dhoot moro ma ng’ato pok oaye mondo oti tich dolo kendo-mar-misango.

Jo-Hibrania 7:15

To tiend wachni medo nenore malong’o moloyo, ka jadolo machielo owuok machalo Melkizedek.

Jo-Hibrania 7:21

Yesu to ne oket jadolo gi kuong’ruok, kaka Muma wacho ni, “Ruoth Nyasaye osekuong’ore, kendo ok nolokre ngang’ kuom wachne mawacho ni, ‘In jadolo nyaka chieng’.’ ”

Jo-Hibrania 8:7

Ka dine winjruok mokwongo bed ma onge wach moro moremie, to Nyasaye ok dodwaro winjruok mar ariyo.

Jo-Hibrania 9:6

Kamano e kaka ne ochan gigo. Jodolo donjo e hema maoko pile, kendo tiyo tijegi mag lemo.