Jo-Hibrania 6:8 - MUMA MALER 2015

⁸ To ka lowono nyago mana kudho kod buya, to ikwane ni oonge ohala. Nyasaye chiegni kuong’e, kendo mach nowang’e mi tieke!

Motingʼo Loko Manyien

⁸ To ka bangʼ yudo koth maber to ochiego mana kuthe gi buya to oonge tich, kendo ochiegni yudo kwongʼ. Giko ibiro wangʼe e mach.

Jo-Hibrania 6:8 ပူးပေါင်းရင်းမြစ်များ

Chakruok 4:11

Omiyo koro in ng’ama okuong’, kendo oriemb e lowo ma nong’amo dhoge, momadho remb owadu misechwerono.

Chakruok 5:29

Nowacho niya, “Wuowini nodwog chunywa kuom tich matek moseket kuomwa nikech kuong’ ma Ruoth Nyasaye osekuong’ogo lowo.” Kuom mano nochake ni Nowa.

2 Samuel 23:7

Ng’at madwaro mulogi nyaka konyre gi nyinyo, kata gi bond tong’. Eka bang’e owang’gi chutho gi mach.”

Ayub 31:40

to ber mondo kuthe gi kayongo ema odong’ie kar cham.” Weche Ayub ogik ka.

Zaburi 107:34

Piny momew bende omiyo lokore piny motimo kado ma ok nyal pur.

Isaya 27:4

to ok onyagna olemo ma anyalo losogo divai. Omiyo ochalo mana gi puodho ma kudho gi pedo ema opong’o. Kuom mano, abiro monje, mi awang’e pep,

Jeremia 17:6

Ochalo kudho manie thim, madongo e piny motwo, mana e lowo motimo chumbi, ma onge gima dongoe maber. Onge gima ber ma ng’atno nyalo yudo.

Jeremia 44:22

Kata mana sani, pinyu okethore maonge ng’ama odakie. Oselokore gima bwogo ji, kendo giluongo nyinge ka gima okuong’, nikech Ruoth Nyasaye ne ok nyal weyo mak okumou kuom timbeu maricho.

Ezekiel 20:47

Nyis bungu man yo milambono ni an Ruoth Nyasaye awacho kama: Abiro moko mach, kendo abiro wang’o yiendi duto motwo, koda ka mago mang’ich! Onge gima noneg majno, to nolandre chakre yo milambo nyaka nyandwat, korewo wenge ji duto.

Malaki 4:1

Ruoth Nyasaye Manyalo Gik Moko Duto owacho niya, “Winjuru, ndalo biro ma josunga gi joma richo duto nowang’ie ka tiang’. Chieng’no giniwang’ adier, kendo onge gima nodong’ kuomgi.

Mathayo 25:41

“Bang’ mano enowach ni joma nie bade koracham ni, ‘Un joma okuong’! Ayeuru kuoma, udhi e mach mak tho, moseiki ni Satan kod malaikane,

Mathayo 3:10

Kata mana kawuono, le oseketi e tiend yien, omiyo yien duto ma ok nyag olemo mabeyo ibiro tong’ oko, mi wit e mach!

Mathayo 7:19

To yath ka yath ma ok nyag olemo mabeyo iting’o mi wit e mach.

Mariko 11:14

Nokuong’o yadhno, kowacho niya, “Onge ng’ama nochak ocham olembi kendo nyaka chieng’!” Jopuonjrene nowinje kowacho kamano.

Mariko 11:21

Petro noparo gima ne Yesu osewacho, mi onyiso Yesu niya, “Japuonj, neye kaka yadh ng’owo manyoro ikuong’ocha osetwo!”

Johana 15:6

Ka ng’ato ok obet kuoma to iwite oko, mana kaka iwito bad yath, mi two. Bede ma kamago ichoko, kendo iwito e mach, mi wang’.

Rapar mar Chik 29:28

Osedhuologi gi lop tiendgi e pinygi gi mirimbe mager, mi oterogi e piny machielo ma pod gintie nyaka chil kawuono.’

Jo-Hibrania 10:27

Gima odong’ en mana kibaji, kwang’eyo ni wachomo bura, gi mirima mager ka mach, ma Nyasaye biro tiekogo joma otamore yie kuome.

Jo-Hibrania 12:17

Ung’eyo ni bang’e, kane odwaro mondo wuon mare oguedhe gi gueth ma wuowi makayo onego oyudi to ne okwere, nikech ne ok onyal yudo yo molokogo gima nosetimo, kata obedo ni ne odwaro yo ma dolokego gi pi wang’ kamano.

Fweny 20:15

Ng’ato ang’ata mane nyinge ok onwang’ kondik e kitap ngima, ne owit e ataro mar mach.