Jo-Hibrania 6:5 - MUMA MALER 2015

⁵ kendo obilo Wach Nyasaye, mi oyudo ni mit, mi ong’eyo teko mar piny mabiro,

Motingʼo Loko Manyien

⁵ joma osebilo ber mar Wach Nyasaye, mi ongʼeyo teko mar piny mabiro,

Jo-Hibrania 6:5 ပူးပေါင်းရင်းမြစ်များ

Zaburi 34:8

Neye kendi kaka Ruoth Nyasaye ber! Ng’at ma ogeno kuome en jahawi.

Mathayo 12:32

Ng’at mowacho wach moro marach kuom Wuod Dhano, to owene, to ng’at mowuoyo marach kuom Roho Maler ok nowene e pinyni kata e piny mabiro.

Mariko 6:20

nikech Herode noluoro Johana, kong’eyo ni en ng’at makare, kendo moluoro Nyasaye. Kuom mano, norite maber, kendo nohero winjo puonjne, kata nobedo ni puonjnego ne miyo chunye chandore kamano.

Luka 8:13

To kodhi mane olwar kama otimo lwanda ochung’ kar jogo ma winjo wachno, kendo yiego gi mor. To wachno ok mok e chunygi, to gibedo gi yie mana kuom ndalo matin kende, to ka tem obiro, to gipodho.

Jo-Efeso 6:17

Rwakuru warruok ka ogut lweny, kendo makuru wach Nyasaye ka ligangla ma Roho miyou.

Jo-Hibrania 11:3

Yie ema omiyo wang’eyo ni Wach Nyasaye ema nochueyo gik moko duto manie polo gi piny. Ne omiyo gik mantie owuok kuom gik maonge.

Jo-Hibrania 2:5

Wawuoyo kuom piny mabiro, to Nyasaye ne ok oketo malaika mondo obed jotend pinyno.

Jo-Hibrania 4:12

Wach Nyasaye ngima kendo tiyo, bende obith moloyo ligangla ma dhoge ariyo. Opowo chuny dhano, kendo odonjo nyaka iye mogik, kama opogoe paro gi chuny, kod fuoni gi ondhudho. Bende oketo bura ni paro kod dwaro manie chuny ng’ato.

1 Petro 1:25

Wach Nyasaye to osiko nyaka chieng’.” Wachno e Wach Maber mane olandnu.

1 Petro 2:3

nimar kaka Muma wacho, usebilo ng’wono mar Ruoth.

2 Petro 2:20

Ka ji osetony e kethruok mar pinyni nikech ging’eyo Ruodhwa kendo Jawarwa Yesu Kristo, to eka gichako giduodore e kethruok, mi kethruok makogi, to ngima ma gibedogo achien doko marach moloyo ngima mane gin-go mokwongo.