Jo-Hibrania 6:16 - MUMA MALER 2015

¹⁶ Pile ji kuong’ore gi nying ng’ama duong’ moloyogi gi duong’, kendo kuong’ruok ema itiekogo weche duto manie kind ji, mondo kiawa moro obed maonge.

Motingʼo Loko Manyien

¹⁶ Joma timo singruok kwongʼore gi nying joma oloyogi gi duongʼ, kendo kwongʼruok ma gitimo golo kiawa moro amora e kind joma otimo winjruokgo.

Jo-Hibrania 6:16 ပူးပေါင်းရင်းမြစ်များ

Chakruok 14:22

To Abram nodwoke niya, “Akuong’ora gi nying Ruoth Nyasaye, ma Nyasaye Maduong’ Moloyo, kendo ma Jachuech polo gi piny,

Chakruok 21:23

Omiyo koro kuong’rina gi nying Nyasaye ni ok nitimna gimoro marach kata ni nyithinda kata ni nyikwaya. Kaka asetimoni maber, e kaka in bende onego itimna maber, kendo ni piny ma koro idakie.”

Chakruok 21:24

Ibrahim nodwoke niya, “Ayie.”

Chakruok 31:53

Nyasach Ibrahim gi Nyasach Nahor nopog kindwa kodi kwatimo kamano.” Bang’e Jakobo nokuong’ore e nying Nyasaye mane Isaka wuon mare lamo.

2 Samuel 21:2

Kuom mano ruoth noluongo jo-Gibeon ire. (Jo-Gibeon ne ok gin jo-Israel to ne gin jo-Amor ma nodong’ mane jo-Isarel otimogo winjruok. Kata kamano Saulo ne dwaro negogi, nikech nodwaro ni mondo jo-Israel gi jo-Juda ogurre motegno.)

Wuok 22:11

to ng’at mane oriembnegono nyaka kuong’re e nyim Nyasaye, konyiso ni en ok okawe. To ka oyud ni ok okwale adier, to wuon-go nyaka we wachno kamano, kendo ng’atno ok nochule.

Jo-Galatia 3:15

Owetena, weuru amiue ranyisi mar gima timore pilepile. Ka ji ariyo otimo winjruok mi osingore, to onge ng’ama nyalo ketho winjruokgino, kata medoe wach moro, kata obedo ni en mana winjruok mae kind dhano gi dhano kamano.

Jo-Hibrania 6:13

Kane Nyasaye osingore ni Ibrahim, to nokuong’ore gi nyinge owuon, nikech onge ng’ama duong moloye ma dine okuong’ore gi nyinge.