Jo-Hibrania 5:7 - MUMA MALER 2015

⁷ E ndalo mane Yesu odak e pinyni ka dhano, ne olemo, kendo osayo Nyasaye mane nyalo rese e tho, ka oywak malit, kendo pi wang’e chuer. Nyasaye nowinjo ywakne nikech dembruokne.

Motingʼo Loko Manyien

⁷ E ndalo mane Yesu ngima e pinyni, nolamo kosayo Nyasaye mane nyalo rese e tho, koywak malit kendo ka pi wangʼe chwer, mi Nyasaye nowinjo ywakne nikech dembruokne.

Jo-Hibrania 5:7 ပူးပေါင်းရင်းမြစ်များ

Zaburi 22:24

nimar ok ojwang’ jochan, bende ok opand wang’e ni chandruokgi. Ok obolrenigi gi chien, to okonyogi ka gikwaye.

Zaburi 69:1

A Nyasaye, resa, nimar pi oima, mochopo e ng’uta!

Zaburi 88:1

A Ruoth Nyasaye ma Jawarna, aywakni odiechieng’ gotieno duto pile.

Isaya 49:8

Ruoth Nyasaye wacho kama: “Abiro dwoko kwayoni e kinde mowinjore. Adier, abiro konyi e ndalo mar resruok. Anariti mi achiwi ka ng’ama kelo winjruok e kinda gi ji, mondo ichak idwok piny kare, mi ipog ni ji puothe mojwang’.

Isaya 53:11

Bang’ chandruokne duto enone ler, kendo enong’e malong’o ni osetimo gima kare. Kaka jatichna en ng’at makare, omiyo en bende enomi ji mang’eny bedo joma kare, koting’o richogi.

Isaya 53:3

Ji ne ojare, kendo okwere. Ne ne ng’at ma neno chandruok, kendo mong’iyo gi rem. Adier, ne wajare, mi wakwane ka gima nono, ma, ka ng’ato oneno, to loko wang’e kucha.

Tim jo-Lawi 2:2

Eka nokele ni jodolo ma joka Harun, kendo jadolo achiel nojuk mogo sanja moruw gi mo, mi nowang’ kaachiel gi ubani duto ka rapar e kendo-mar-misango. Mano en misango miwang’o mondo tikne odum mang’ue ng’ar ni Ruoth Nyasaye.

Mathayo 27:46

kendo kar sa ochikono Yesu nokok matek niya, “Eli, Eli, lama sabakthani?” tiende ni, “Nyasacha, Nyasacha, iweya nang’o?”

Mathayo 27:50

To Yesu nochako okok matek, eka noweyo chunye owuok, motho.

Mariko 15:34

kendo kar sa ochiko nogono, Yesu nokok matek niya, “Eloi, Eloi lama sabakthani?” tiende ni, “Nyasacha, Nyasacha, iweya nang’o?”

Mariko 15:37

Bang’ mano, Yesu nokok matek, eka chunye ochot;

Luka 23:46

Eka Yesu nokok matek niya, “Wuora, aketo chunya e lweti.” To kane osewacho kamano, chunye nochot.

Johana 1:14

Wach nodoko dhano, mi odak kodwa, kende ne waneno duong’ne maler. En duong’ machalo gi duong’ mar Wuowi ma miderma, mopong’ gi ng’wono kod adiera.

Johana 11:35

Pi wang’ Yesu nochuer.

Johana 11:42

An ang’eyo ni iwinja ndalo duto, to asewacho wechegi mondo oganda mochung’ ka ong’e ni in ema niora.”

Johana 17:1

Kane Yesu osetieko wacho wechego, nong’iyo polo, mowacho niya, “Wuora, sana koro osechopo. Mi wuodi duong’.

Jo-Rumi 8:3

Gima Chik Musa ne ok nyal timo nikech nyawo mar dhano e gima Nyasaye notimo kane ooro Wuode e kido mar ringruok machal mana gi ringrewa matimo richo, mondo obed misango magolo richo. Kamano, kane en e ringruokno, nomiyo bura oloyo richo,

Jo-Galatia 4:4

To kane ndalo mowinjore ochopo, Nyasaye nooro Wuode owuon. Wuodeno, dhako ema nonywolo, mi odak e bwo Chik Musa,

1 Timotheo 3:16

Chutho, mano kaka adiera mar yie mwapuonjo duong’ ahinya! Owacho niya, “Kristo nobiro e ringruok ka dhano. Roho ne onyis ni oonge gi ketho. Malaika ne onene. Ne oland nyinge e kind ogendini. Ji ne oyie kuome e piny ngima Ne otere malo e duong’.”

Jo-Hibrania 10:10

Wan to opwodhowa nikech Yesu Kristo nochiwo ringre owuon nyadichiel kende, kotimo mana gima ne Nyasaye dwaro.

Jo-Hibrania 10:5

Mano emomiyo, kane Kristo biro e piny, nowacho ni Nyasaye niya, “Ok misengni kod chiwo ema nidwaro, to ringruok ema iseikona.

Jo-Hibrania 11:7

Yie ema nomiyo Nowa owinjo siem mane Nyasaye osiemego kuom gik mabiro. Ne omako wach, omiyo nohondho yie mi oresogo joode. Kamano noketo ni piny bura, kendo en owuon yieneno nomiyo obedo e winjruok gi Nyasaye.

Jo-Hibrania 12:28

Emomiyo wagouru erokamano ni Nyasaye, nikech wanwang’o piny manyien ma ok nyal yiengni, walameuru kaka owinjore, ka wamiye duong’ kod luor,

Jo-Hibrania 13:20

Nyasach kue mane ochiero Ruodhwa Yesu oa kuom joma otho gi teko mar remb muma mochwere, mi okete Jakwath Maduong’ mar rombe,

Jo-Hibrania 2:14

Emomiyo kaka nyithindogo nigi ringruok mar dhano, e kaka Yesu bende nokawo ringruok mar dhano. Notimo kamano mondo, kuom thone, oketh loch jal man gi teko mar tho, tiende ni Satan,

1 Johana 4:3

To ng’ato ka ng’ato ma ok hul ni Yesu nobiro e ringruok onge gi Roho mar Nyasaye. Mano e tich ma Jasik Kristo tiyo. Usewinjo ni Jasiguno onego bi, to kata mana koroni enie piny.

2 Johana 1:7

Jowuond mathoth osewuok e piny. Gin e jogo ma ok oyie ni Yesu Kristo nobiro kaka dhano. Ng’at ma kamano en jawuond, kendo en Jasik Kristo.