Jo-Hibrania 5:5 - MUMA MALER 2015

⁵ Kamano bende Kristo ne ok oyierore kende owuon mondo okaw duong’ mar bedo jadolo maduong’, to Nyasaye ema nokete jadolo maduong’ kawachone ni, “In e Wuoda, tinendeni asedoko Wuoru,”

Motingʼo Loko Manyien

⁵ Omiyo Kristo bende ne ok okawo duongʼ mar bedo jadolo maduongʼ kende owuon. To Nyasaye nowachone niya, “In Wuoda, kawuono asedoko Wuonu.”

Jo-Hibrania 5:5 ပူးပေါင်းရင်းမြစ်များ

Zaburi 2:7

Ruodhno to wacho kama, “Abiro hulo gima Ruoth Nyasaye osewacho. Nowachona niya, ‘In e wuoda. Tinende asedoko wuoru.

Mika 5:2

Bethlehem Efratha, in e dala matinie moloyo miech Juda duto. To kuomi ema jatend Israel biro wuokie, ma anywolane nitie nyaka nene.

Johana 3:16

Nyasaye nohero piny ahinya kama, omiyo nochiwo Wuode ma miderma mondo ng’ama oyie kuome kik lal, to obed gi ngima ma nyaka chieng’.

Johana 7:18

Ng’at ma loso gi tekone owuon en ng’at madwaro mondo oyud duong’, to ng’at madwaro mondo ng’at mane oore oyud duong’ en jaadiera, kendo oonge gi miganga kata matin.

Johana 8:54

Yesu nodwokogi niya, “Ka amiyora duong’ awuon, to duong’na onge tich. Wuora ma uluongo ni Nyasachuno ema miya duong’.

Tich Joote 13:33

Nyasaye osetimonwa gima ne osingore ni kwerewa, mana kaka Muma wacho e Zaburi mar ariyo ni, ‘In e Wuoda, tiende ni asedoko Wuoru.’

Jo-Rumi 8:3

Gima Chik Musa ne ok nyal timo nikech nyawo mar dhano e gima Nyasaye notimo kane ooro Wuode e kido mar ringruok machal mana gi ringrewa matimo richo, mondo obed misango magolo richo. Kamano, kane en e ringruokno, nomiyo bura oloyo richo,

Jo-Hibrania 1:1

Chon Nyasaye nomiyo jonabi owuoyo gi kwerewa e yore mang’eny kendo mopogore opogore,

Jo-Hibrania 1:5

Onge malaika moro mane Nyasaye owachone ni, “In e Wuoda: tinendeni asedoko Wuoru,” kata mane owacho kuome ni, “Anabed wuon mare, kendo enobed wuoda.”

Jo-Hibrania 2:17

Mano emomiyo nyaka ne obed machalo gi owetene e yore duto, mondo odog jadolo maduong’ mang’won kendo maradier, matiyo e nyim Nyasaye, katimo misango migologo richo mag jo-Nyasaye.

Jo-Hibrania 3:1

Emomiyo owetena ma Nyasaye osemiyo obedo joge owuon, kendo ma bende oseluongo mondo odhi ire e polo, paruru Yesu, mane ooro mondo obed Jadolo Maduong’ mar yie ma wahulo.

Jo-Hibrania 5:10

mi Nyasaye nochake ni Jadolo Maduong’ e kit tich dolo mar Melkizedek.