Jo-Hibrania 5:1 - MUMA MALER 2015

¹ Jodolo madongo duto iyiero kuom ji, kendo iketogi mondo giti ni ji e nyim Nyasaye, ka gichiwo mich gi misengni migologo richo.

Motingʼo Loko Manyien

¹ Jadolo maduongʼ moro amora iyiero e kind oganda kendo iwale mondo obedo jachungʼ mar oganda kuom weche ma wuoyo kuom Nyasaye, mondo ochiw mich gi misengini migologo richo.

Jo-Hibrania 5:1 ပူးပေါင်းရင်းမြစ်များ

Tim jo-Lawi 8:2

“Kaw Harun gi yawuote kendo kaw lep dolo gi mor wir gi rwath mitimogo misango mar golo richo gi imbe ariyo kod odheru moting’o makati ma ok ketie thowi,

Tim jo-Lawi 9:7

Nowacho ni Harun ni, “Sud but kendo-mar-misango, mondo itim misango mar golo richo, kod misango miwang’o pep, mondo ipwodhrigo, kendo ipwodhgo joodi. Bang’e itim misango gi jamni ma oganda ochiwo, kipwodhogo oganda, kaka Ruoth Nyasaye ochiko.”

Jo-Rumi 15:17

Kaka an ng’at man kuom Kristo, amor gi tich ma atiyo ni Nyasaye.

1 Jo-Korintho 15:3

Wach maduong’ie moloyo akelonu, kendo ma an bende nokelna, en ni: Kristo notho nikech richowa, kaka Muma wacho.

Jo-Hibrania 10:11

Jodolo duto mag jo-Yahudi chung’ katiyo tich lemo odiechieng’, kendo ginwoyo mana misengni ma gitimo pile, ma ok nyal golo richo kata matin.

Jo-Hibrania 10:12

Kristo to notimo misango achiel kende mar golo richo, moromo nyaka chieng’, mi obet e bad Nyasaye korachwich, mana kaka Muma wacho.

Jo-Hibrania 11:4

Yie ema nomiyo Habil otimo ni Nyasaye misango malong’o, moloyo misango mane Kain otimo. Kuom yie mare Nyasaye noyie kode ni en ng’at makare, nikech Nyasaye noyie gi gik mane ochiwo, kendo kuom yieneno pod owuoyo, kata obedo ni osetho.

Jo-Hibrania 2:17

Mano emomiyo nyaka ne obed machalo gi owetene e yore duto, mondo odog jadolo maduong’ mang’won kendo maradier, matiyo e nyim Nyasaye, katimo misango migologo richo mag jo-Nyasaye.

Jo-Hibrania 7:27

Onge gima dimi otim misengni pile, kaka jodolo madongo moko kwongo timo misengni ma gipwodhogo richogi giwegi, to eka gitimo misengni mipwodhogo richo oganda. En to notimo misango dichiel kende, kane ochiwore en owuon ka misango.

Jo-Hibrania 8:3

Jodolo madongo duto oketi mondo ochiw mich, kendo otim misengni, omiyo jadolowa maduong’ni bende nyaka bed gi gimoro mochiwo.

Jo-Hibrania 8:4

Ka da en e pinyka, to da ok obedo jadolo kata matin, nikech nitie jodolo machiwo mich kaka Chik Musa dwaro.

Jo-Hibrania 9:9

Mano en ranyisi manyiso kaka gik moko chalo e kinde ma kawuono. Onyiso ni mich gi misengni ma ichiwo ni Nyasaye ok nyal miyo chuny jalemo bedo malong’o chuth,