Jo-Hibrania 4:3 - MUMA MALER 2015

³ To wan mwaseyie koro wadonjo kama Nyasaye nitie mondo wayue kode. Nyasaye wacho e Muma niya “Mirima ne omaka, mi akuong’ora ni, ok ginidonji kama antie mondo giyue koda.” Owacho kamano, kata obedo ni tije noserumo, chakre ndalo mane otieko chueyo piny,

Motingʼo Loko Manyien

³ Koro wan maweseyie wadonjo e yweyono, mana kaka Nyasaye osewacho niya, “Omiyo mirima nomaka kodgi, mi nasingora ka akwongʼora ni, ‘Ok ginidonji e yweyona ngangʼ.’ ” Nyasaye nowuoyo kama kata obedo ni nosetieko tije chon chakre kinde manochweyo piny.

Jo-Hibrania 4:3 ပူးပေါင်းရင်းမြစ်များ

Chakruok 1:31

Eka Nyasaye nong’iyo gik moko duto mane osechueyo, kendo noneno ni gibeyo ahinya. Piny noyuso kendo noru, mi mano nodoko chieng’ mar auchiel.

Zaburi 95:11

Mirima ne omaka, mi akuong’ora ni, ‘Ok ginidonj e piny mane adwaro miyogie yueyo.’ ”

Wuok 20:11

nimar Ruoth Nyasaye mochweyo polo gi piny kod nam, kaachiel gi gik moko duto manie igi kuom ndalo auchiel, to chieng’ mar abiriyo noyueyo. Mano emomiyo Ruoth Nyasaye noguedho chieng’ Sabato, kowale mondo obed maler.

Isaya 28:12

Chon Nyasaye nowachonigi niya, “Achiwonu yueyo maradier, kendo joma ool mondo oyue. Adier, mano e yueyo.” To ne gidagi winjo.

Jeremia 6:16

Ruoth Nyasaye wacho ni joge niya, “Chung’uru e akek yo, mondo urang wang’yore machon, kupenjo kuma yo maber nitie. Wuothuru e wang’yorno, mi unuyud kue.” To gidwoko niya, “Ok wanawuothi e wang’yorno.”

Ezekiel 20:38

Bende anagol kuomu joma jopiem, kendo maketho chikena. Anagolgi e pinje ma koro gidakie, to ok anayienigi giduogi e piny Israel. Eka unung’e ni kara an e Ruoth Nyasaye.

Mathayo 13:35

Mano notimore mondo gima ne janabi owacho otimre. Janabino nowacho ni, “Anawuo kodgi mana gi ngeche, ka anyisogi gik mosebet kopondo nyaka ne piny chakre.”

Mathayo 25:34

Eka nowachi ni joma ni e bade korachwich niya, ‘Biuru, un joma Wuora oseguedho, mondo ukaw piny moseiknu chakre chwech piny,

Jo-Efeso 1:4

Kuom herane, noyierowa kuom Kristo kapok ochue piny, mondo wabed maler kendo maonge mbala e nyime.

Jo-Hibrania 3:11

Kuom mano mirima ne omaka, mi akuong’ora ni, “Ok ginidonj kama antie mondo giyue koda.” ’ ”

Jo-Hibrania 3:14

nimar ka wamako geno mane wachakogo nyaka giko matek, to wanabed jocham gikeni kaachiel gi Kristo.

Jo-Hibrania 9:26

nikech ka da bed ni otimo kamano, to dine osande pile, chakre chuech piny. To e ndalo ma piny rumoeni osefwenyore mana dichiel kende, ni mondo otiek richo, kochiwore owuon ka misango.

1 Petro 1:20

Nyasaye ne oseyiere chon kane pok ochue piny, to ne ofwenye ni ji e ndalo mogikni nikech un,