Jo-Hibrania 4:16 - MUMA MALER 2015

¹⁶ Emomiyo wasuduru gi chir e nyim kom Nyasachwa mang’won, mondo okechwa, kendo okonywa kuom ng’wonone e kinde ma wadwaroe kony.

Motingʼo Loko Manyien

¹⁶ Kuom mano, wasuduru but kom duongʼ mar ngʼwono ka wan gi chir, mondo wayud kech gi ngʼwono e sa mwadware kony.

Jo-Hibrania 4:16 ပူးပေါင်းရင်းမြစ်များ

1 Weche mag Ndalo 28:11

Daudi nonyiso Solomon wuode kit gedo mar agoch Hekalu kod utene, gi ut keno gi ut gorofa gi udi maiye, kod raum mar Sandug Muma, miluongo ni kar-ng’wono.

Isaya 27:11

Bende mon mamoto nojak bede yien motwo, ochwakgo mach. Mano notimre nikech ogandano onge gi rieko. Omiyo, Jachuechgi ok nokechgi. Adier, Ng’ama nochueyogi ok nong’wonnigi.

Tim jo-Lawi 16:2

Ruoth Nyasaye nowacho ni Musa niya, “Nyis Harun owadu ni kik okadh pasia, mi odonj e Kama Ler e nyim raum Sandug Muma miluongo ni kar ng’wono, mak mana e kinde moketi, nono to otho, nikech afwenyora gi e bor polo man ewi raum.

Jo-Efeso 2:18

Kuom Kristo ema wan waduto, wanie gi thuolo mar dhiyo e nyim Wuoro kuom Roho achiel.

Jo-Efeso 3:12

Ka wan e achiel gi Kristo, kendo kwayie kuome, to wan gi thuolo mar sudo ir Nyasaye gi chir mondo walos kode.

Jo-Hibrania 13:6

Mano emomiyo wanyalo wacho gi chir niya, “Ruoth e jakonyna, emomiyo ok nabed maluor. Ere gima dhano ditimna?”

Jo-Hibrania 3:6

To Kristo en jaadiera e od Nyasaye kaka wuowi ma jatend od wuon mare. Wan e jood Nyasaye, to mana ka wasiko gi chir kod geno ma ok dog chien.

Jo-Hibrania 7:19

nimar Chik ne ok ochopo gima ne oketene. To geno manyien koro osekel, mamiyo wasudo machiegni gi Nyasaye.

Jo-Hibrania 7:25

Kuom mano en gi teko mochwere mar reso jogo makadho kuome kasudo ir Nyasaye, nikech ongima nyaka chieng’ mondo okwanigi Nyasaye.

Jo-Hibrania 9:5

To ewi Sandugno ne nitie kido mag malaika miluongo ni kerubi, manyiso duong’ maler mar Nyasaye. Buombegi noumo kama igoloe richo. To ok wanyal wuoyo matut kuom gigo sani.

1 Petro 2:10

“Chon ne ok un oganda kata matin, to tinde un oganda Nyasaye. Chon ne un mabor gi ng’wono mar Nyasaye, to koro useyudo ng’wonone.”