Jo-Hibrania 4:13 - MUMA MALER 2015

¹³ Onge gimoro amora mochue, manyalo pondo ni Nyasaye, to gik moko duto elore e lela ni Jal ma nyaka wanyis gik ma wasetimo.

Motingʼo Loko Manyien

¹³ Onge gimoro kata achiel, kuom gik moko duto mane Nyasaye ochweyo, mopondone. Gik moko duto oyawore kendo oelore e nyim tong wangʼ Jal ma wan duto, ngʼato ka ngʼato, nyaka wabi wachungʼ e nyime kwahulo gik moko duto ma wasetimo.

Jo-Hibrania 4:13 ပူးပေါင်းရင်းမြစ်များ

1 Weche mag Ndalo 28:9

“To in Solomon wuoda, par Nyasach wuoru, kendo ichiwri mondo itine gi chunyi duto, nimar Ruoth Nyasaye ng’iyo chuny ji duto, kendo ofwenyo paro mag dhano. Kidware, to iniyude, to kiweye, to enojwang’i nyaka chieng’.

2 Weche mag Ndalo 16:9

nikech wang’ Ruoth Nyasaye ng’iyo piny duto koni gi koni mondo onyis tekone mokonyogo joma chunygi odimbore e nyime. Nitimo gima ofuwo kuom wachni, omiyo chakre kawuono ibiro bedo gi lwenje.”

2 Weche mag Ndalo 6:30

to yie mondo iwinj e polo kama idakie, iwene richone, kendo ichop lemone, kimiye pok moromo gi timbene nikech in kendi ema ing’eyo chuny ji duto,

Ayub 26:6

Adier, Piny Joma Otho, Nyasaye neno, kendo onge gima mone nene.

Ayub 34:21

Orango gimoro amora ma dhano timo,

Ayub 38:17

Bende ng’ato osenyisie dhorangeye mag Piny Joma Otho, kuma otimo mudho?

Zaburi 139:4

Kata ka pok awuoyo, to ing’eyo gima adwaro wacho.

Zaburi 44:21

to difwenyo, nikech in ing’eyo paro maling’ling’ mag ji.

Zaburi 7:9

Tiek timbe mamono mag joricho, kendo tim ni joma beyo gik ma owinjore gi timbegi. In Nyasaye ma timne kare, kendo inono chuny ji kod parogi maiye.

Zaburi 90:8

Iketo richowa mopondo e nyimi kamaa inenogie.

Ngeche 15:11

Ruoth Nyasaye ong’eyo gik matimore kata mana e piny joma otho. Koro ere kaka dhano dipandne paro manie chunye?

Ngeche 15:3

Ruoth Nyasaye neno gik matimore kamoro amora. Orango joma beyo gi joma richo mana machalre.

Ngeche 5:21

Ruoth Nyasaye neno gik moko duto mitimo, kendo orangi kamoro amora midhiye.

Eklesiastes 12:14

Nyasaye biro yalowa kuom gik moko duto ma watimo, kata mana gik motim ling’ling’, bed ni gibeyo kata giricho.

Jeremia 16:17

Aneno gik moko duto ma gitimo, kendo onge gima opondona, bende richogi ok nyal kadhona mak aneno.

Jeremia 17:10

An Ruoth Nyasaye amanyo paro mar dhano, kendo apimo rieko mag ji. Atimo ni ng’ato ka ng’ato mana kaka ochalo, kendo mana ka luwore gi timbene.

Jeremia 23:24

Onge ng’ama nyalo pondo kamoro ma ok anyal nene. Donge ung’eyo ni an, an kuonde duto, e polo kendo e piny.

Jeremia 29:23

Mano e gima biro timorenigi nikech ne gilokore joma ofuwo, ka giterore, kendo giwacho miriambo e nyinga, to ne ok amiyogi wach mondo gihul. Ang’eyo gima gisetimo, kendo asebedo janeno kuom timbegi. An Ruoth Nyasaye ema awacho kamano.’ ”

Daniel 2:22

Ofwenyo gik matut kendo mopondo, bende ong’eyo gik ma opand e mudho, kendo ler olwore koni gi koni.

Mathayo 6:4

mondo tim maber mitimono kik ng’ere, to obed maling’ling’. Eka Wuonu maneno gik motim ling’ling’ nomiyi pokni.

Johana 2:24

Yesu to ne ok oketore e luetgi, nikech nong’eyo kit dhano kaka chal.

Johana 21:17

Bang’e nopenje kendo mar adek niya, “Simon wuod Johana, ihera adier?” Petro noparore nikech mano koro ne penjo mar adek ni, “Ihera?” Omiyo nodwoke ni, “Ruoth in ing’eyo gik moko duto. Ing’eyo ni aheri.” Yesu nowachone ni, “Kwa romba.

Johana 4:16

Yesu nowachone ni, “Dhi iluong chwori, eka ubi ka.”

Tich Joote 17:31

nimar oseketo chieng’ ma obiro miyo ng’at moseyiero ng’adoe bura gi adiera. Bende osenyiso ji duto malong’o ni obiro timo kamano, kuom chiero ng’atno a kuom joma otho.”

Jo-Rumi 2:16

Kamano e kaka notimre chieng’ ma Nyasaye nomi Yesu Kristo yalie weche mopondo duto manie chuny dhano. Mano e kaka Wach Maber ma alando nyiso.

1 Jo-Korintho 4:5

Omiyo kik ung’ad ni ng’ato bura ka kinde moketi pok ochopo, to rituru biro mar Ruoth, nikech en ema nogol e lela weche mopandi e mudho, kendo noel paro mag chuny dhano. Eka Nyasaye nomi ng’ato ka ng’ato pak mowinjorego.

2 Jo-Korintho 5:10

nikech waduto nyaka wachung’ e nyim kom bura mar Kristo, mondo ng’ato ka ng’ato oyud pok moromo gi gik mabeyo kata maricho mane otimo kapod en e ringruok.

Fweny 2:23

Nyithinde bende abiro nego, eka kanyakla duto mag jo-Kristo nong’e ni an ema ang’eyo chuny ji gi parogi, kendo ni amiyo ng’ato ka ng’ato kuomu pok mowinjore gi timne.

1 Samuel 16:7

To Ruoth Nyasaye nowacho ni Samuel niya, “Kik ing’i wang’e kata borne, nikech asedage. Ruoth Nyasaye ok ng’ichi kaka dhano ng’icho. Dhano ng’iyo ringruok, to Ruoth Nyasaye ng’iyo chuny.”