Jo-Hibrania 4:12 - MUMA MALER 2015

¹² Wach Nyasaye ngima kendo tiyo, bende obith moloyo ligangla ma dhoge ariyo. Opowo chuny dhano, kendo odonjo nyaka iye mogik, kama opogoe paro gi chuny, kod fuoni gi ondhudho. Bende oketo bura ni paro kod dwaro manie chuny ng’ato.

Motingʼo Loko Manyien

¹² Nimar wach Nyasaye ngima kendo tiyo. Obith moloyo ligangla ma dhoge ariyo, kendo opowo chuny dhano nyaka iye mogik, nyaka kuma pach dhano gi chunye jorome, kaachiel gi fuoni gi ondhudho. Kuno ema oketoe bura ne paro kod dwaro malingʼ-lingʼ manie chuny dhano.

Jo-Hibrania 4:12 ပူးပေါင်းရင်းမြစ်များ

Zaburi 110:2

Ruoth Nyasaye biro miyo lochni yarore chakre Sayun, kowacho niya, “Bed gi loch kuom wasiki.”

Zaburi 119:130

Tiend wachni koel, to kelo ler, kendo omiyo weche donjo kata ni ng’ama riekone tin.

Zaburi 139:2

Ing’eyo gik moko duto ma atimo. Adier, ing’eyo parona duto gi kuma bor!

Zaburi 149:6

Onego gikog matek ka gipako Nyasaye, kendo ka gimako ligengni mabitho e lwetgi,

Zaburi 45:3

Tue liganglani e nungoni, yaye ruoth maratego, man gi teko kod duong’.

Ngeche 5:4

to achien enochalni kwiri mager kata ka ligangla mabith!

Eklesiastes 12:11

Weche mag joma riek chalo gi ludhe ma jokwath kwayogo rombe, kata ka musmande ma ogo matek. Nyasaye ma jakwadhwa achiel kende waduto, ema osechiwo wechego.

Isaya 11:4

To nong’ad bura gi adiera ni joma odhier, kendo nochwak joma muol kaka owinjore. Dhoge ema nobed luth mogoyogo joma timbegi mono. Ee, wachne ema noneggo joricho.

Isaya 49:2

Ne opiago lewa, modoko liganglane mabith, kendo ne opanda e tipo mar lwete. Ne otima asere moywe maler, kendo ne opanda e olalone.

Isaya 55:11

e kaka wach mawuok e dhoga nochal, ok noduog ira ka pok otiyo tije, to enotim gima ne ochano, mi ochop ote mane aoree.

Jeremia 17:10

An Ruoth Nyasaye amanyo paro mar dhano, kendo apimo rieko mag ji. Atimo ni ng’ato ka ng’ato mana kaka ochalo, kendo mana ka luwore gi timbene.

Jeremia 23:29

Wachna chalo gi mach kendo chalo gi nyundo ma baro lwanda matindotindo. An Ruoth Nyasaye ema awacho kamano.

Luka 8:11

Eka nowacho ni jopuonjrene niya, “Tiend ngerono e ma: Kodhi en wach Nyasaye.

Johana 12:48

To ng’at modaga, kendo ma ok oyie wechena, nigi jang’adne bura. Wach ma asewacho ema nong’adne bura chieng’ giko piny,

Johana 6:51

An e kuon mangima mane olor oa e polo. Ng’at mochamo kuonni nobed mangima nyaka chieng’. To bende kuon ma abiro chiwo mondo piny oyud ngima en ringra.”

Tich Joote 2:37

Kane ji owinjo wachno, chunygi nochandore, mi gipenjo Petro kod joote mamoko ni, “Jowadwa, ere gima dwatim?”

Tich Joote 4:31

Kane gisetieko lemo, ot mane oyudo gichokoree noyiengni, kendo Roho Maler nopong’ogi giduto, mi gichako lando Wach Nyasaye gi chir.

Tich Joote 5:33

Kane jobura owinjo kamano, mirima mager nomakogi, mi ging’ado wach mondo oneg joote.

Tich Joote 7:38

Bende en ema ne en gi jo-Israel, kochokore e thim. Ne en kuno gi kwerewa kod malaika mane owuoyo kode e got Sinai, kendo en ema noyudo weche mangima mag Nyasaye mondo onyiswa.

Jo-Rumi 1:16

Aonge gi wich kuot moro amora kuom Wach Maber, nimar en e teko mar Nyasaye, mawaro ji duto moyie. Mokwongo nobiro ni jo-Yahudi, to bang’e nobiro ni joma ok jo-Yahudi bende.

1 Jo-Korintho 1:24

To joma Nyasaye oseluongo, bed ni gin jo-Yahudi kata joma ok jo-Yahudi, to ong’eyo ni wachno en Kristo, ma en teko Nyasaye kendo riekone,

2 Jo-Korintho 2:17

Wan ok wachal gi ji mathoth makonyore gi Wach Nyasaye e yo ma ok kare, mondo oyudgo ohala. Ooyo, wan joma Nyasaye oseoro, omiyo wawuoyo e nyim Nyasaye gi adiera ka joma ni kuom Kristo.

2 Jo-Korintho 4:2

Wasekwedo timbe mag mudho kendo makuodo wich. Ok wawuoth gi miganga, bende ok wagaj Wach Nyasaye, to wawacho mana adiera e lela e nyim Nyasaye, kwanyiso wawegi ni wan kare, kendo wamiyo ji duto yie kodwa.

Jo-Efeso 5:13

To ka gik moko duto ogol e lela, to kitgi madiera nenore,

Jo-Efeso 5:26

Ne ochiwore kamano mondo opwodhe, kolwoke gi pi kendo gi wach,

Jo-Efeso 6:17

Rwakuru warruok ka ogut lweny, kendo makuru wach Nyasaye ka ligangla ma Roho miyou.

1 Jo-Thesalonika 2:13

To bende wagoyo erokamano pile, nikech kane uyudo Wach Nyasaye mane wakelonu, to ne ok urwake mana ka wach dhano, to ne urwake ka Wach Nyasaye adier, matiyo e chunyu un joma oyie.

1 Jo-Thesalonika 5:23

Nyasaye owuon ma wuon kue mondo omi ubed maler chutho, kendo orit chunyu gi ngimau kod ringreu, mondo ka Ruodhwa Yesu Kristo obiro, to ubed joma onge bura chuth.

Jo-Hibrania 13:7

Paruru jotendu mane owachonu wach Nyasaye. Paruru kaka ngimagi ne chalo, kod tich mane gitiyo, mondo un bende ubed gi yie machalo gi yie mane gin-go.

Jo-Hibrania 6:5

kendo obilo Wach Nyasaye, mi oyudo ni mit, mi ong’eyo teko mar piny mabiro,

Jakobo 1:18

Kuom dwarone owuon ne ochweyowa manyien kuom wach mar adiera, mondo wabed kaka olemo mokwongo nyak kuom chuechne duto.

1 Petro 1:23

nikech kuom wach mangima kendo mosiko mar Nyasaye, osenyuolu nywol manyien, to ok kaka nyithind joma otho, to kaka nyithind Jal ma ok tho.

Fweny 1:16

Ne en gi sulue abiriyo e lwete ma korachwich, kendo ligangla mabith ma dhoge abiriyo ne wuok e dhoge. Pat wang’e ne nenore ka wang’chieng’ mang’angni gi tekone duto.

Fweny 19:15

To ligangla mabith wuok e dhoge kendo ochwowogo ogendini. Obiro ritogi gi ludh nyinyo, kendo obiro ng’adonigi bura gi mirimb Nyasaye Manyalo Gik Moko Duto.

Fweny 19:21

To joma odong’ ne oneg gi ligangla mane wuok e dho Jal moidho faras, kendo ringgi noyieng’o winy duto.

Fweny 2:16

Emomiyo lok chunyi! To ka ok ilokori, to abiro biro iri piyo, mi aked kodgi gi ligangla mawuok e dhoga!

Fweny 2:23

Nyithinde bende abiro nego, eka kanyakla duto mag jo-Kristo nong’e ni an ema ang’eyo chuny ji gi parogi, kendo ni amiyo ng’ato ka ng’ato kuomu pok mowinjore gi timne.

Fweny 20:4

Bang’ mano ne aneno kombe mag duong’, kendo joma ne obet e kombego ne omi teko mar ng’ado bura. Bende ne aneno chuny joma noseng’ad wiyegi nikech ne gihulo wach man kuom Yesu, kendo nikech ne gilando wach Nyasaye. Gin ne ok gilamo Ondiek kata gima ket kode, bende ne ok oketnigi alama mar Ondiek e lela wengegi kata e luetgi. Ne gidoko mangima, mi gilocho gi Kristo kuom higni alufu achiel. Mano e chier mokwongo.

Jong’ad Bura 3:16

Ehud nothedho pand ligangla ma dhoge ariyo, to borne romo nus mita, mi notweye ei lawe e bathe ma korachwich.