Jo-Hibrania 4:1 - MUMA MALER 2015

¹ Koro Nyasaye oseweyonwa singruok ni wanyalo donjo kama entie mondo wayue kode. Omiyo watang’uru mondo ng’ato kuomwa kik par ni thuolo mar donjo e yueyono osekadhe,

Motingʼo Loko Manyien

¹ Kuom mano, kaka singruok mar donjo kama entie mondo waywe pod nitie, wabeduru motangʼ mondo kik yud ngʼato kuomu ma nigi rem moro ma dimone donjo e yweyono.

Jo-Hibrania 4:1 ပူးပေါင်းရင်းမြစ်များ

Ngeche 14:16

Ng’at mariek tang’, kendo loko dieng’eye ni richo. Ng’ama ofuwo to mwomore amwoma nikech ok oluoro gimoro.

Ngeche 28:14

Ng’at ma pile oluoro Ruoth Nyasaye en jahawi. Ng’ama wiye tek to masira mako.

Jeremia 32:40

Anatim kodgi singruok mochwere ni ok nawe timonigi maber, kendo anami giluora gi chunygi duto, mi ok ginibar giweya.

Kwan 14:34

Ne ubet ka urango pinyno kuom ndalo piero ang’wen omiyo unuchul richou kuom higni piero ang’wen, ka higa achiel ikwano kar ndalo achiel, mi unung’e kaka ajok kodu.

Mathayo 24:48

To ka en jatich marach, to onyalo paro e chunye ni ruodhe biro deko kapok oduogo.

Tich Joote 3:19

Mano omiyo, lokreuru uduog ir Nyasaye mondo richou oruchi,

Jo-Rumi 11:20

to ne ong’adgi oko nikech ne ok giyie, to un koro usiko asika kuom yath nikech uyie. To mano kik mi usungru, to beduru gi luoro e nyim Nyasaye.

Jo-Rumi 3:23

Ji duto oseketho, kendo girem kuom duong’ mar Nyasaye.

1 Jo-Korintho 10:12

Emomiyo, ng’at ma paro ni ochung’ motegno mondo otang’ kik opodhi.

2 Jo-Korintho 6:1

Kaka joma tiyo kaachiel gi Nyasaye, wamedo sayou ni kik uwe ng’wono mar Nyasaye museyudo bed kayiem nono,

Jo-Galatia 5:4

Ka udwaro mondo ubed e winjruok gi Nyasaye kuom mako Chik, to usepogoru gi Kristo, kendo usea kuom ng’wono mar Nyasaye.

2 Timotheo 2:13

Kata ka wan ok wabedo joadiera, en to pod en mana jaadiera, nikech ok onyal loko kite.”

Jo-Hibrania 12:15

Ritreuru mondo une ni onge ng’ato kuomu molal, kendo oweyo ng’wono mar Nyasaye, bende kik sigu moro bed e kindu, manyalo kelo chandruok, mi keth ji mang’eny.

Jo-Hibrania 12:25

Ritreuru mondo kik utamru winjo dwond Jal mawuoyo kodu. Joma notamore winjo dwond Musa kane Nyasaye omiyo owuoyo gi ji e piny, ne ok otony. Wan to dwatony nadi ka watamore winjo Jal mawuoyo kodwa gie polo?

Jo-Hibrania 13:7

Paruru jotendu mane owachonu wach Nyasaye. Paruru kaka ngimagi ne chalo, kod tich mane gitiyo, mondo un bende ubed gi yie machalo gi yie mane gin-go.

Jo-Hibrania 3:11

Kuom mano mirima ne omaka, mi akuong’ora ni, “Ok ginidonj kama antie mondo giyue koda.” ’ ”

Jo-Hibrania 4:11

Emomiyo waketuru chunywa mondo wadonji e yueyono. Kik watamre yie kaka jogo notamore, nono to walal.

Jo-Hibrania 4:9

Mano nyiso ni yueyo machalo gi yueyo mar chieng’ Sabato pod nitie ma jo-Nyasaye nyalo yudo,

1 Samuel 2:30

Nasingora ni dhoodu ni ginitina nyaka chieng’. To koro awacho ni ok nobed kamano ngang’, nimar joma miya duong’ ema nami duong’, to jogo mochaya, ok nokwan ka gimoro.