Jo-Hibrania 3:5 - MUMA MALER 2015

⁵ Musa nobedo jaadiera e od Nyasaye duto, to mana kaka jatich, kendo nowuoyo kuom gik ma Nyasaye nowacho e ndalo mabiro.

Motingʼo Loko Manyien

⁵ Musa notiyo gi adiera e od Nyasaye gi chunye duto, mobedo janeno kuom gik mane ibiro ler tiendgi bangʼe.

Jo-Hibrania 3:5 ပူးပေါင်းရင်းမြစ်များ

Nehemia 9:14

kendo nipuonjogi wach Sabato mari maler. Bende nimiyogi chike mabeyo gi dho Musa jatichni.

Zaburi 105:26

Bang’e ne ooro jatichne Musa, kod Harun mane oseyiero.

Wuok 14:31

Kane jo-Israel oneno teko maduong’ mane Ruoth Nyasaye okumogo jo-Misri, ne giluore, mi ne giyie kuome kendo kuom Musa jatichne.

Wuok 40:16

Musa notimo gik moko duto mana kaka Ruoth Nyasaye nochike.

Kwan 12:7

To jatichna Musa ok en janabi ma kamano en kende e jaadiera kuom joga duto.

Mathayo 24:45

“Ere ng’ato kuomu ma chalo gi jatich mogen kendo mariek, ma ruodhe oketo mondo orit jotich wetene, kendo omigi chiemo e kinde mowinjore?

Mathayo 25:21

Ruodhe nowachone niya, ‘Isetimo maber ahinya! In jatich malong’o kendo modimbore! Iserito gik manok e yo maber, omiyo koro abiro keto gik mang’eny e lueti mondo iriti. Bi wabed mamor waduto’

Luka 12:42

Eka Ruoth Yesu nowacho niya, “Ere ng’ato kuomu machalo gi jatich mogen kendo mariek, ma ruodhe biro keto mondo orit jotich wetene, kendo opognigi chiemo e kinde mowinjore?

Luka 24:27

Bang’ mano, Yesu nonyisogi weche mane jonabi duto ondiko.

Luka 24:44

Nowacho nigi niya, “Magi e gik mane awachonu kapod an kodu, kane anyisou ni gik moko duto mondik kuoma e Chik Musa gi Kitepe Jonabi kod Zaburi nyaka timre.”

Johana 5:39

“Uketo chunyu kuom somo Muma, ka uparo ni Muma nyalo miyo uyud ngima ma nyaka chieng’. Adier, Muma ema wuoyo kuoma,

Tich Joote 28:23

Kuom mano ne giwinjore gi Paulo ni onego giduog chieng’ machielo, kendo chieng’no ne gibiro mang’eny kama odakie. Ne owuoyonigi chakre okinyi nyaka odhiambo, konyisogi malong’o wach Loch Nyasaye. Bende notemo lokogi mondo giyie kuon Yesu, kogolo weche e Chik Musa, kendo e kitepe mag Jonabi.

Tich Joote 7:37

En ema nowacho ni jo-Israel niya, ‘Nyasaye noyiernu janabi moa kuom jou uwegi, mana kaka ne oyiera.’

Jo-Rumi 3:21

To koro yo ma Nyasaye miyogo dhano bet e winjruok kode oseelore, kendo ok otenore kuom Chik kata matin. To kata kamano Chik Musa gi Jonabi wuoyo kuome.

1 Jo-Korintho 4:2

To gima dwarore kuom jorit en ni nyaka gibed joadiera.

Rapar mar Chik 3:24

‘A Ruoth Nyasaye, isechako nyisa duong’ni gi tekoni. Onge Nyasaye moro amora e polo kata e piny ma tekone nyalo romo gi tekoni, kata manyalo timo timbe madongo mitimogi.

Rapar mar Chik 34:5

Kamano, Musa jatich Ruoth Nyasaye notho e piny Moab kuno, mana kaka Ruoth Nyasaye nosewacho,

1 Timotheo 1:12

Agoyo erokamano ni Ruodhwa Yesu Kristo kuom miya teko mondo ati tijni, nikech nokwana ka jaadiera, mi oyiera mondo atine.

Jo-Hibrania 1:1

Chon Nyasaye nomiyo jonabi owuoyo gi kwerewa e yore mang’eny kendo mopogore opogore,

Jo-Hibrania 3:2

Ne obedo jaadiera ni Nyasaye mane okete e tich mana kaka Musa bende nobedo jaadiera e od Nyasaye.

Jo-Hibrania 3:4

Jodhoot ka dhoot nigi kwargi, to wuon gik moko duto en Nyasaye.

Jo-Hibrania 8:5

Tich ma jodologo chiwo en kido gi tipo mar tich manie polo, mana kaka tich Musa bende nobet, nikech kane Musa chako tich gero Hema mar Romo gi Nyasaye, to Nyasaye nowachone niya, “Neni iloso gik moko duto machal gi kido mane onyisi e got.”

Jo-Hibrania 9:24

Awacho kamano nikech Kristo ne ok odonjo Kama Ler molos gi lwedo, ma en mana kido mar Kama Ler hie, to nodonjo e polo hie, mondo koro ochung’nwa e nyim Nyasaye.

Joshua 1:15

Ka gin bende gisekawo piny ma Ruoth Nyasaye ma Nyasachu miyogi, kendo gidakie, eka unuduogi, mondo udag e pinyu uwegi man yo wuok chieng mar aora Jordan, mane Musa jatich Nyasaye omiyou.”

Joshua 1:2

“Musa jatichna osetho. Omiyo ikri gi jo-Israel duto mondo ung’ad aora Jordan, udhi e piny mamiyou.

Joshua 1:7

To bed mana gi chir, kendo gi jing’o, kiluwo chik duto mane Musa jatichna omiyi. Kik iwe chikno, kibaro koracham kata korachwich, mi inibed gi hawi kuonde duto midhiye.

Joshua 8:31

Nogere gi kite ma ok opa gi gir nyinyo, kaluwore gi chik mane Musa jatich Ruoth Nyasaye omiyo jo-Israel, kaka ondik e kitap Chik mar Musa. Ne gitimo ni Ruoth Nyasaye misengni miwang’o pep kod mag sawo e kendono.

Joshua 8:33

Mi jo-Israel duto gi joma nobiro kodgi, kaachiel gi jodongo gi jotelo kod jong’ad bura, nochung’ e dir Sandug Muma mar Ruoth Nyasaye koni gi koni, ka gimanyore gi jo-Lawi ma jodolo ma noting’e. Jo-Israel moko nochung’ kochomo got Gerazim, to modong’ nochomo got Ebal, mondo oguedhgi kaka Musa jatich Ruoth Nyasaye nosechiko chon.

Fweny 15:3

Ne giwero wend Musa jatich Nyasaye, kod wend Nyarombo, niya, “A Ruoth Nyasaye Manyalo Gik Moko Duto! Mano kaka tijeni dongo! A Ruodh ogendini, mano kaka yoreni kare kendo adier!