Jo-Hibrania 3:16 - MUMA MALER 2015

¹⁶ Ng’ano giri mane ong’anyo kane owinjo dwonde? Donge gin jogo duto mane Musa owuokgo Misri?

Motingʼo Loko Manyien

¹⁶ To gin jomage manowinjo mi ongʼanyone? Donge ne gin ji duto mane Musa otelonegi kogolo Misri?

Jo-Hibrania 3:16 ပူးပေါင်းရင်းမြစ်များ

Zaburi 78:17

To kata kamano, pod ne gisiko mana ka gitimo richo e nyime, kendo ne gipiem e thim gi Ngama Duong’ Moloyo.

Zaburi 78:40

Ne gipiem kode e thim ndalo mang’eny, kendo ne gimiye mirima ndalo mathoth!.

Jeremia 32:29

Jo-Babulon ma koro monjo Jerusalem biro moke mach, mi obiro wang’ pep kaachiel gi udi ma ji osebedo kawang’o ubani ni Baal e tetgi, kendo timoe misengni miolo piny ni nyiseche mamoko, ka gimiyago mirima.

Jeremia 44:3

Ne atimo kamano nikech joma ne odak kuondego ne otimo timbe maricho ka gimiyago mirima. Ne gilamo nyiseche mamoko, ma gin kata un kata mana kwereu ne pok olamo, mi gitimonigi misengni.

Jeremia 44:8

To mano ema biro timore, kumedo miya mirima gi kido mag nyisecheu manono, kendo kuom timo misengni ni nyiseche mamoko e piny Misri, kama usebiro mondo udagieni. Koso utimo kamano mana ni mondo urum, kendo mondo ogendini duto mae piny ojaru, kendo oluong nyingu ka gima okuong’?

Kwan 14:11

Ruoth Nyasaye nowacho ni Musa niya, “Jogi biro chaya kamano nyaka karang’o? Pod gibiro tamore gena marom nadi, to eka asetimonigi ranyisi mang’eny?

Kwan 14:2

Giduto ne ging’ur ni Musa gi Harun, ka giwacho niya, “Mad ne watho e piny Misri, kata e thimni!

Kwan 14:24

To jatichna Kaleb ema osebedo gi chuny maber, nimar oseluwa gi chunye duto. Kuom mano abiro kele e piny mane osedhiye, mi nyikwaye nokaw. En piny pap, ma jo-Amalek kod jo-Kanaan odakie.

Kwan 14:30

Onge ng’ato kuomu ma nodonj e piny mane akuong’ora kating’o bada ni nobed maru, to mak mana Kaleb wuod Jefune gi Joshua wuod Nun.

Kwan 14:38

To Joshua wuod Nun gi Kaleb wuod Jefune kende ema nokwo kuom joma nodhi chengo pinyno.

Kwan 14:4

Eka ne gimedo wacho niya, “Wayier ng’ato mondo odwokwa Misri.”

Kwan 26:65

nimar Ruoth Nyasaye nosewacho ni nyaka githo giduto e thim. Onge ng’ato kuomgi mane pod ngima, mak mana Kaleb wuod Jefune kod Joshua wuod Nun.

Rapar mar Chik 1:38

to Joshua wuod Nun matiyoni ema nodonj kuno. Kuom mano, jiwe mondo obed motegno, nimar en ema nomi jo-Israel okaw pinyno.

Juda 1:5

Adwaro mondo aparnu weche moko, kata obedo ni useng’eyogi duto kamano. Ruoth noreso jo-Israel, mi ogolo e piny Misri. To achien notieko jogo mane odagi yie.