Jo-Hibrania 3:1 - MUMA MALER 2015

¹ Emomiyo owetena ma Nyasaye osemiyo obedo joge owuon, kendo ma bende oseluongo mondo odhi ire e polo, paruru Yesu, mane ooro mondo obed Jadolo Maduong’ mar yie ma wahulo.

Motingʼo Loko Manyien

¹ Emomiyo, owetena maler kendo ma oseluongi gi luong mar polo, keturu pachu duto kuom Yesu, ma en jaote kendo jadolo Maduongʼ mar yie mwahulo.

Jo-Hibrania 3:1 ပူးပေါင်းရင်းမြစ်များ

Zaburi 110:4

Ruoth Nyasaye osekuong’ore, kendo ok nolokre nga’ng’, kuom wachne mowacho ni, “In jadolo nyaka chieng’, e tich dolo mar Melkizedek.”

Isaya 1:3

Dhiang’ ong’eyo wuon-go, kendo kanyna bende ong’eyo kund wuon. Jo-Israel to ok ong’eya. Adier, joga awuon onge gi paro!

Isaya 41:20

mondo ji duto one kendo ong’e ni, Ruoth Nyasaye, ma Ng’ama Ler mar Israel ema osetimo kamano.

Isaya 5:12

Utimo sewni gi kong’o mogundho kod thumbe mopogore opogore to ok udew gik ma Ruoth Nyasaye osetimo, bende ok unegi.

Ezekiel 12:3

“Koro in wuod dhano, tue misigo mana ka ng’at maringo tony e lweny, mondo ichak iwuoth mana godiechieng’. Nyaka iwe ji duto neni kiwuok idhi kamoro machielo. Ka gineno kidhi kamano, to kamoro dipo ka gineno ni gin joma jopiem.

Ezekiel 18:28

nimar ne oneno ni timbene mono, mi oweyo, omiyo ok enotho, to enobed abeda mangima.

Hagai 1:5

Mano emomiyo koro an Ruoth Nyasaye Manyalo Gik Moko Duto awacho ni, nonuru timbeu!

Hagai 2:15

To paruru ane gima biro timore chakre kawuono. Kane pok uchako gero Hekalu mar Ruoth Nyasaye kendo, to ere kaka ne uchalo?

Johana 17:3

Ka ng’ato ong’eyi, in Nyasaye ma achiel kende, kendo ong’eyo Jal mane ioro, ma en Yesu Kristo, to en gi ngima ma nyaka chieng’.

Johana 20:21

Yesu nowachonigi kendo niya, “Kue obed kodu! Kaka ne Wuora oora, e kaka an bende koro aorou.”

Johana 20:27

Eka nowacho ni Thoma niya, “Kel lith leti ka, ine luetena. Lueti bende kel mondo iso e ng’etna. We bedo ng’at ma ok oyie, to bed ng’at man gi yie!”

Tich Joote 1:15

Chieng’ moro Petro nochung’ mondo olosi e chokruok mar joma oyie kuom Kristo, ma dirom ji mia achiel gi piero ariyo.

Jo-Rumi 11:17

En adier ni Nyasaye oserwakou un joma ok jo-Yahudi, mi ubedo joge, kendo uyudo gueth kaachiel gi jo-Yahudi. To rwakuno chalo mana gi bede yadh zeituni mong’ad oko, eka ochom bad yadh zeituni ma thim kargi, ma koro yudo chiembe koa e tiend yath kaachiel gi bede mamoko.

Jo-Rumi 15:27

Ne gineno ni ber mondo gitim kamano, to chutho gin jogop jogo, nikech kaka joma ok jo-Yahudi oseyudo gueth mag chuny kuom jo-Yahudi, omiyo owinjore gin bende gikony jo-Yahudi gi gik ma gichando mag pinyni.

Jo-Rumi 15:8

Awachonu ni Kristo nodoko jatich jo-Yahudi mondo onyis ji ni Nyasaye en jaadiera, tiende ni mondo omi gima ne Nyasaye osingore ni kwerewa otimre,

Jo-Rumi 9:24

Jogo e wan, ma moko Nyasaye oluongo kuom jo-Yahudi, to moko oseluongo kuom joma ok jo-Yahudi bende.

1 Jo-Korintho 1:2

Wandikonu un kanyakla mar joma oyie kuom Nyasaye man Korintho, ma un joma osewal ni Kristo Yesu, mi oluong mondo obed jo-Nyasaye kaachiel gi ji duto kuonde duto maluongo nying Ruodhwa Yesu Kristo, ma Ruodhgi kendo Ruodhwa.

1 Jo-Korintho 10:17

Kaka nitie mana makati achiel kende, mano nyiso ni kata obedo ni wan ji mang’eny kamano, to wan mana ringruok achiel, nikech waduto wariwore e chamo makati achielno.

1 Jo-Korintho 9:23

Mago atimo nikech Injili, mondo ayud pok miyudo kuom Injili.

2 Jo-Korintho 1:7

kendo geno mwagenougo ogurore nikech wang’eyo ni kaka uyudo sand kodwa e kaka uyudo kony kodwa bende.

2 Jo-Korintho 9:13

Chiwouni biro nyiso ni umako chik Nyasaye, kendo ni uhulo Wach Maber man kuom Kristo gi adiera, omiyo gibiro miyo Nyasaye duong’, kendo ginipake nikech ng’wono ma utimonigi, kendo ni ji duto.

Jo-Efeso 3:6

To wach mopondono en ni, kaluwore gi Wach Maber, to joma ok jo-Yahudi, chamo gikeni kodwa wan jo-Yahudi, kendo gin ringruok achiel kodwa, bende giriwore kodwa e singruok mane Nyasaye ochopo kuom Kristo Yesu.

Jo-Efeso 4:1

Emomiyo, an ng’at motue nikech Ruoth, akwayou ni mondo uwuoth mowinjore gi luong mane Nyasaye oluongougo.

Jo-Efeso 4:4

Nitie ringruok achiel gi Roho achiel, mana kaka nitie geno achiel ma Nyasaye oseluongoue.

Jo-Filipi 3:14

kendo aringo matek mondo achop kar pok, ma en ngima mae polo ma Nyasaye luongowae kuom Kristo Yesu.

Jo-Kolosai 1:12

Gouru erokamano gi mor ni Wuoro, ma osemiyo ubedo joma owinjore yudo gueth kaachiel gi joge owuon e piny ler.

Jo-Kolosai 1:22

To koro kuom tho mane Wuode othogo e ringruok, Nyasaye osemiyo ubedo gi winjruok kode mondo okelu e nyime kuler, kuonge mbala, kendo kuonge ketho.

Jo-Kolosai 3:12

Emomiyo, kaka Nyasaye oseyierou mondo ubed joge owuon mohero, nyaka ubed gi miwafu, gi ng’wono, gi bolruok, gi muolo kod horuok.

1 Jo-Thesalonika 2:12

Ne wajiwou kwahoyo chunyu kendo wasiemou mondo ubed joma bedo malong’o ni Nyasaye ma luongou e lochne man gi duong’.

1 Jo-Thesalonika 5:27

Achikou matek e nying Ruoth mondo usom baruani ni owete duto.

2 Jo-Thesalonika 1:11

Mano emomiyo walemonu pile, kwakwayo ni mondo Nyasachwa omi ubed joma owinjore gi ngima moluongoue, kotiyo gi tekone mondo ochop dwaro mabeyo duto ma un-go, kendo omi tichu duto, mutiyo nikech yie ma un-go, odhi maber.

2 Jo-Thesalonika 2:14

Ne oluongou mondo uyud warruokni kuom Wach Maber ma walando, kendo mondo un bende uyud duong’ mar Ruodhwa Yesu Kristo.

1 Timotheo 6:12

Ked lweny maber mar yie kimako ngima mochwere, ma en ngima mane oluongie kane ihulo malong’o ni iyie kuom Kristo e nyim ji mang’eny.

1 Timotheo 6:2

To wasumbini man gi ruodhi moyie kuom Kristo kik cha ruodhigigo mana nikech gin owete, to nyaka gitinigi maber moloyo, nikech joma gitiyonigigo gin owete ma gihero. Ka ipuonjo to wechego ema nyaka ijiw malong’o.

2 Timotheo 1:9

Nyasaye nowarowa kendo oluongowa mondo wabed joge owuon, ok nikech gimoro maber ma wasetimo, to mana nikech mano ema nodwaro kuom ng’wonone. Nyaka nene ne omiyowa ng’wononeno kuom Kristo Yesu.

2 Timotheo 2:7

Par gima awachoni, kendo Ruoth nokonyi ng’eyo tiend weche duto.

Jo-Hibrania 10:19

Emomiyo owetena, koro wanyalo donjo Kama Ler Moloyo gi chir, nikech Yesu osethonwa,

Jo-Hibrania 10:21

Kaka koro wan gi jadolo maduong’ e od Nyasaye,

Jo-Hibrania 10:23

Wamakuru matek gik mwahulo ni wageno kuomgi, mak wamindni, nikech Nyasaye mane omiyowa singruokne en jaadiera.

Jo-Hibrania 13:22

To akwayou owetena ni yieuru gi wach ma ajiwougoni, nikech asendiko mana weche manok kende.

Jo-Hibrania 2:11

Jal mapwodho ji, kaachiel gi jogo mipwodho, giduto gin nyithind ng’at achiel. Mano emomiyo oluongogi ni owetene, ma ok wiye okuot,

Jo-Hibrania 2:17

Mano emomiyo nyaka ne obed machalo gi owetene e yore duto, mondo odog jadolo maduong’ mang’won kendo maradier, matiyo e nyim Nyasaye, katimo misango migologo richo mag jo-Nyasaye.

Jo-Hibrania 3:12

Owetena, beduru motang’ mondo kik ng’ato kuomu bed gi chuny marach matamore yie, mamiyo oweyo Nyasaye mangima.

Jo-Hibrania 3:14

nimar ka wamako geno mane wachakogo nyaka giko matek, to wanabed jocham gikeni kaachiel gi Kristo.

Jo-Hibrania 6:20

Kanyo ema Yesu nodonjoe nikech wan kotelonwa, kendo nodoko jadolo maduong’ nyaka chieng’ e kit tich dolo mar Melkizedek.

Jo-Hibrania 7:26

To jadolo maduong’ ma kamano ema wadwaro, nikech oler, kendo oonge ketho; chilo moro onge kuome, bende osepoge kuom joricho, kendo oseting’e malo moyombo polo.

Jo-Hibrania 7:28

Chik Musa to keto dhano adhana manyap mondo obed jodolo madongo, to weche singruok mane Nyasaye okuong’orego mane obiro achien bang’ Chik, oketo Wuowi mosedoko ng’ama kare chuth jadolo maduong’.

Jo-Hibrania 9:11

To koro Kristo osebiro. En jadolo maduong’ ma wuon gik mabeyo ma koro nitie ka. Hema ma otiyoe en hema man gi duong’ moloyo kendo malong’o chuth. En hema ma ok olos gi lwedo, tiende ni ok en mar piny mochueni.

Jo-Hibrania 9:15

Omiyo Kristo e jal makelo winjruok manyien, mondo jogo mane oluongi oyud mwandu mochwere mane Nyasaye osingore ni gibiro yudo. Mano nyalo timore nikech tho osebetie makelo resruok kuom richo mane otim e ndalo winjruok machon.

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!

1 Petro 3:5

Mano e kaka chon mon maler mane oketo genogi kuom Nyasaye, ne obidhore kuom winjo chwogi.

1 Petro 5:1

Koro an gi wach moro ma adwaro kwayou, un jodongo. Awuoyo kodu kaka jaduong’ wadu, mane oneno kaka Kristo sandore, kendo mageno yudo pok kuom duong’ mabiro fwenyore.

1 Petro 5:10

To ka usenwang’o chandruok kuom kinde matin, to Nyasach ng’wono duto, ma oseluongou kuom Kristo e duong’ne mochwere, noduog chunyu, mi miu teko, kendo omiu chuny motegno, koketou e mise ma ok yiengni.

1 Johana 1:3

Wanyisou bende gik ma waseneno, kendo ma wasewinjo, mondo ubed e achiel kodwa, kaka wan bende wan e achiel gi Wuoro kod Wuode Yesu Kristo.

Juda 1:1

An Juda, ma misumba Yesu Kristo, kendo ma owadgi Jakobo, ema andikonu baruani un joma Nyasaye ohero kendo ma oseluongo, kendo ma Yesu Kristo rito gi tekone.

Fweny 17:14

Giniked gi Nyarombo, to Nyarombo nologi, nimar en Jaduong’ mar jodongo, kendo Ruodh ruodhi, kendo nikech joma luwe gin joma oluongi kendo ma oyier, kendo moyie kuome.

Fweny 18:20

“To in polo, gone siboi nikech osekethe. Un jo-Nyasaye gi joote kod jonabi, beduru mamor, nimar Nyasaye osekume kuom gima notimonu!