Jo-Hibrania 2:7 - MUMA MALER 2015

⁷ Ne imiyo obedo matin moloyo malaika kuom kinde manok. Bang’e ne isidhone osimbo mar duong’ kod pak,

Motingʼo Loko Manyien

⁷ Ichweye mapiny ne malaike to koro isesidhone osimbo mar duongʼ kod luor;

Jo-Hibrania 2:7 ပူးပေါင်းရင်းမြစ်များ

Zaburi 8:5

To kata kamano ne ichueye ma in kende ema iloye. Bende ne isidhone osimbo mar duong’ kod pak,

Zaburi 8:6

kendo ne ikete ruodh gik moko duto mane ichueyo. Adier, ne iketo gik moko duto e bwo tiende,

Jo-Rumi 2:10

To ng’ato ka ng’ato matimo maber noyud duong’ gi pak kod kue. Jo-Yahudi ema nokwong yudogi, eka joma ok jo-Yahudi bende.

Jo-Rumi 2:7

Joma osiko katimo maber, kendo dwaro pak gi duong’ moa kuom Nyasaye, kod ngima ma ok rum, nomi ngima ma nyaka chieng’.

1 Timotheo 1:17

Opak Ruoth mochwere! En Ruoth ma ok tho, kendo ma ok ne. En e Nyasaye kende. Duong’ obedne ma nyaka chieng’. Amin.

Jo-Hibrania 2:9

To gima waneno, en mana Yesu, mane Nyasaye omiyo obedo matin moloyo malaika kuom kinde manok mondo otho ni ji duto kuom ng’wonone mar Nyasaye. En ema Nyasaye nosesidhone osimbo mar duong’ kod pak, nikech rem mar tho mane oneno.