Jo-Hibrania 2:2 - MUMA MALER 2015

² Wach Chik mane malaika okelo ne nigi teko, omiyo ng’at mane ok oluwe, kendo ok orite, noyudo kum moromo kode.

Motingʼo Loko Manyien

² Nikech ka weche mane malaike owuoyoe ne gin weche migeno, kendo ngʼato angʼata mane ok oritogi noyudo kum mowinjore gi timne,

Jo-Hibrania 2:2 ပူးပေါင်းရင်းမြစ်များ

Zaburi 68:17

Kane Ruoth Nyasaye owuok Sinai kadhi e Hekalu mare, ne en gi geche lweny madongo gana gi gana.

Kwan 11:33

To Ruoth Nyasaye nokecho kodgi, mi ogoyogi gi tho marach mana ka koro eka gichako kayo ring alurugo kendo pok gimwonyo.

Kwan 16:49

To ji alufu apar gang’wen gi mia aboro notho, ka ok kwan joma ne otho nikech ketho mar Korah.

Kwan 21:6

Eka Ruoth Nyasaye nooro thuonde man gi kwiri mager, mokayo jo-Israel kendo onego ji mang’eny.

Kwan 25:9

To noyudo ka thono osenego ji piero ariyo gang’wen.

Tich Joote 7:53

Un e joma noyudo Chik Nyasaye mane malaika okelo, to utamoru rito!”

Jo-Galatia 3:19

Koro ere gima omiyo oket Chik Musa? Nokete mondo onyis ketho, kendo mana ni mondo obedie nyaka chop nyakwar Ibrahim mane otimne singruok bi. To bende kane Nyasaye ooro Chik Musa, nomiyo malaika mondo okel, mi malaika nokete e lwet jaote,

Rapar mar Chik 17:12

Ng’ato ang’ata modagi wach jadolo matiyo ni Ruoth Nyasaye ma Nyasachu kanyo, kata modagi wach jang’ad bura, nyaka negi. Kamano e kaka unupwodh jo-Israel kuom richo ma kamano.

Rapar mar Chik 17:2

“Kapo ni unwang’o ng’at ma dichwo e dala moro amora ma Ruoth Nyasaye ma Nyasachu biro miyou, kotimo gima rach e nyim Ruoth Nyasaye, mi oketho singruok kendo odagi chikna,

Rapar mar Chik 17:5

to nyaka ukel ng’at motimo kamano e dhoranga dala, mi ugoye gi kite nyaka otho, kata da bed ni en dhako kata en dichwo.

Rapar mar Chik 27:26

“ ‘Okuong’ ng’at ma ok orito kata ma ok ochopo weche duto mag chikni. Bang kuong’ ka kuong’ to ji duto nyaka duok ni, ‘Obed kamano.’

Rapar mar Chik 32:2

Puonj mara mondo obed ka koth machue e lek, kendo wechena mondo obed ka tho mamiyo lum doko mang’ich.

Jo-Hibrania 1:1

Chon Nyasaye nomiyo jonabi owuoyo gi kwerewa e yore mang’eny kendo mopogore opogore,

Jo-Hibrania 10:28

Ja-Yahudi moro amora machayo Chik Musa to inego ma ok okechi, ka nitie joneno ariyo kata adek manyalo hulo ni otimo kamano.

Jo-Hibrania 10:35

Emomiyo kik uwit geno ma un-go, nikech obiro kelo pok maduong’.

Jo-Hibrania 11:26

nimar noneno ni achaya miyudo nikech Mesia nigi mwandu maduong’ moloyo mwandu mag Misri. Noketo chunye kuom pok mane Nyasaye biro miye.

Jo-Hibrania 11:6

To ng’at maonge gi yie ok nyal bet malong’o ni Nyasaye, nimar ng’ama dwaro biro ir Nyasaye nyaka yie ni Nyasaye nitie, kendo ni en gi mich momiyo joma dware.

Jo-Hibrania 12:25

Ritreuru mondo kik utamru winjo dwond Jal mawuoyo kodu. Joma notamore winjo dwond Musa kane Nyasaye omiyo owuoyo gi ji e piny, ne ok otony. Wan to dwatony nadi ka watamore winjo Jal mawuoyo kodwa gie polo?

2 Petro 1:19

Omiyo wamedo yie matek moloyo kuom wach mane jonabi okoro. Ber mondo urit wachno chuth, nikech en kaka taya maliel kama otimo mudho, nyaka piny yawre, mi sulue mar okinyi wuog karieny e chunyu.

Juda 1:5

Adwaro mondo aparnu weche moko, kata obedo ni useng’eyogi duto kamano. Ruoth noreso jo-Israel, mi ogolo e piny Misri. To achien notieko jogo mane odagi yie.