Jo-Hibrania 2:10 - MUMA MALER 2015

¹⁰ Nyasaye mane ochweyo gik moko duto mondo otine ne dwaro mondo okel nyithinde mang’eny e duong’ne maler. Omiyo noneno ni ber mondo omi jal matelonigi e warruok bed ng’ama kare chuth bang’ neno sandruok.

Motingʼo Loko Manyien

¹⁰ Ne en gima kare mondo Nyasaye manochweyo kendo morito gik moko duto oket jachak warruok margi kare chuth e yor sandruok, mondo eka okel nyithi Nyasaye duto oyud pok mar duongʼne.

Jo-Hibrania 2:10 ပူးပေါင်းရင်းမြစ်များ

Chakruok 18:25

Adier, ok dineg jomaonge ketho kaachiel gi joma nigi ketho. Ok inyal timo kamano, nikech kapo ni itimo kamano, to jomaonge ketho diyud mana kum maromre gi joma nigi ketho. To mano ok nyalre, nikech Jang’ad Bura mar piny ngima nyaka ng’ad bura kare.”

Ngeche 16:4

Gik moko duto ma Ruoth Nyasaye osechweyo nigi gikogi, kendo giko joricho en mana tho.

Isaya 43:21

Gin ji mane atimo ogandana awuon, mondo oland weche ma miya duong’.

Isaya 55:4

Ne akete mondo obed jaote ni ogendini duto. Ee, nakete jatelo kendo japuonj ji.

Hosea 8:10

To koro abiro chokogi mondo akumgi! Piyopiyo nono gibiro neno malit ka ruodh Asuria sandogi.

Mika 2:13

Jal ma noyawnigi rangach ema nogolgi oko. Ginipusre e dhorangach, mi gitony. Ruodhgi, ma en Ruoth Nyasaye owuon, ema notelnigi ka giwuok.”

Kwan 7:15

gi nyarwath gi im gi nyaim ma hike achiel mitimogo misango miwang’o pep,

Luka 13:32

To nowachonigi niya, “Dhiuru unyis andhogano ni, agolo jochiende kendo achango ji kawuono gi kiny, to chieng’ mar adek abiro tieko tija.

Luka 2:14

“Duong’ obed ni Nyasaye e polo malo, kendo kue obedi e piny, ni joma Nyasaye oyiero!”

Luka 24:26

Donge ne owinjore ni nyaka Mesia ne masichegi kapok oyudo duong’ne maler koso?”

Luka 24:46

kendo nowachonigi niya, “Ondiki e Muma ni Mesia nyaka sandi, mi chier kuom joma otho chieng’ mar adek,

Johana 11:52

To ne ok okoro ni Yesu biro tho mana ne jo-Yahudi kende, to ni obiro tho mondo ochok nyithind Nyasaye obed e kanyakla achiel.

Johana 19:30

Kane Yesu osenyodhe, nowacho ni, “Tija duto koro orumo!” Eka nolung’o wiye, moweyo chunye owuok, mi otho.

Tich Joote 3:15

Kamano ne unego ng’at mamiyo ji ngima, to Nyasaye nochiere kuom joma otho kendo wan joneno kuom wachno.

Tich Joote 5:31

En ema Nyasaye osekete e bade korachwich kaka Jatelo kendo Jawar, mondo omi jo-Israel olokre mondo owenigi richogi.

Jo-Rumi 11:36

En ema ne ochueyo gik moko duto, kendo ema omiyo gisiko gintie, bende en ema omiyogi gima omiyo gintie. Duong’ obedne nyaka chieng’! Amin.

Jo-Rumi 9:23

To bende notimo kamano mondo omigo ji ong’e duong’ne kaka lich. En duong’ ma omiyo joma otimonigi ng’wono, ma gin joma ne oseloso chon mondo oyud duong’ kamano.

1 Jo-Korintho 2:7

To rieko ma wapuonjo en rieko mopondo mar Nyasaye mapok ofwenyre. En rieko mopand ni ji, mane Nyasaye osechanonwa chon kane pok ochue piny, mondo wayud duong’.

1 Jo-Korintho 8:6

wan to wan mana gi Nyasaye achiel, ma en Wuoro, kendo ma gik moko duto a kuome. Wantie mana ni mondo watine. Bende nitie Ruoth achiel kende, ma omiyo gik moko duto nitie, koda ka wan bende.

2 Jo-Korintho 3:18

Wan duto, ma waonge rageng’ e wang’wa, to wachalo gi rang’i, kendo wamiyo ler mar Ruoth nenore, kendo lerno medore ameda pile, ka kitwa medo lokore machal kode. Mano en tich Ruoth ma en Roho.

2 Jo-Korintho 4:17

nimar thagruok matin mwayudoni rumo piyo, to obiro kelonwa duong’ miwuoro kendo mosiko,

2 Jo-Korintho 5:18

Mago duto a kuom Nyasaye. En owuon ema ne omiyo wawinjore kode kuom Kristo, kendo nomiyowa tich mar kelo winjruok e kinde gi ji mamoko bende,

2 Jo-Korintho 6:18

Kutimo kamano to eka anabed wuonu, kendo unubed yawuota gi nyiga. An Ruoth Nyasaye Manyalo Gik Moko Duto ema awacho kamano.”

Jo-Galatia 3:26

nimar kuom yie uduto un nyithind Nyasaye kuom Yesu Kristo.

Jo-Efeso 2:7

Notimo kamano mondo onyisgo tienge duto mabiro mwandu mogundho mar ng’wonone mane omiyowa kuom hera maduong’ mane oherowago kuom Kristo Yesu.

Jo-Efeso 3:10

mondo koro kuom kanyakla mar jo-Kristo, omi joloch gi weg teko manie polo ong’e riekone mathoth mopogore opogore.

Jo-Kolosai 3:4

Kristo e ngimau maradier, kendo ka ochako oduogo, to un bende unubi kode e duong’ne maler.

2 Timotheo 2:10

Mano emomiyo adhil e weche duto nikech joma Nyasaye oseyiero, mondo gin bende giyud warruok man kuom Kristo Yesu, kod duong’ne mochwere.

Jo-Hibrania 12:2

Nyaka wachom wang’wa kuom Yesu ma jatendwa e yor yie, a chakruok nyaka giko. Ne oyie tho e msalaba, kochayo wichkuot mar tho ma kamano, nikech mor mane obiro yudo achien. To koro osebet piny e bat korachwich mar komduong’ mar Nyasaye.

Jo-Hibrania 6:20

Kanyo ema Yesu nodonjoe nikech wan kotelonwa, kendo nodoko jadolo maduong’ nyaka chieng’ e kit tich dolo mar Melkizedek.

Jo-Hibrania 7:26

To jadolo maduong’ ma kamano ema wadwaro, nikech oler, kendo oonge ketho; chilo moro onge kuome, bende osepoge kuom joricho, kendo oseting’e malo moyombo polo.

Jo-Hibrania 7:28

Chik Musa to keto dhano adhana manyap mondo obed jodolo madongo, to weche singruok mane Nyasaye okuong’orego mane obiro achien bang’ Chik, oketo Wuowi mosedoko ng’ama kare chuth jadolo maduong’.

1 Petro 1:12

Ne onyisgi ni tich koro mane gitiyo ne ok giti ni gin giwegi, to ne gitiyo mana ni un, kendo koro joland wach mane okelonu Injili kuom teko mar Roho Maler mane oor koa e polo, osehulonu wechego ratiro. Gin e weche ma kata mana malaika bende gombo ng’eyo ahinya.

1 Petro 5:1

Koro an gi wach moro ma adwaro kwayou, un jodongo. Awuoyo kodu kaka jaduong’ wadu, mane oneno kaka Kristo sandore, kendo mageno yudo pok kuom duong’ mabiro fwenyore.

1 Petro 5:10

To ka usenwang’o chandruok kuom kinde matin, to Nyasach ng’wono duto, ma oseluongou kuom Kristo e duong’ne mochwere, noduog chunyu, mi miu teko, kendo omiu chuny motegno, koketou e mise ma ok yiengni.

Fweny 4:11

“A Ruodhwa kendo Nyasachwa! Owinjore miyi duong’ gi pak kod teko, nikech in ema nichueyo gik moko duto. Adier, in ema ne imiyo ochuegi, kendo gisiko gintie.”

Fweny 7:9

Bang’ mano, ne ang’icho mi aneno ji mang’eny mokadho akwana moa e pinje duto gi dhoudi duto kod ogendini duto. Ne gichung’ e nyim kom duong’, kendo e nyim Nyarombo, ka girwakore gi lewni marachere, kendo giting’o othidhe e lwetgi.