Jo-Hibrania 13:2 - MUMA MALER 2015

² Kik uwe mak urwako welo e miechu, nikech rwako welo nomiyo jomoko opo mana korwako malaika!

Motingʼo Loko Manyien

² Kik uwe mak urwako welo e uteu, nikech jomoko kuom timo kamano oserwako koda ka malaike ka ok gingʼeyo.

Jo-Hibrania 13:2 ပူးပေါင်းရင်းမြစ်များ

Chakruok 18:1

Ruoth Nyasaye nofwenyore ni Ibrahim but yien milemoe mag Mamre. Noyudo oyueyo e dho hembe, ka chieng’ kech.

Chakruok 19:1

Malaika ariyogo nochopo Sodom kar ang’ich welo, moyudo ka Lut obet e dhoranga dalano. Kane onenogi, nodhi mondo oromnigi, mi nogoyo chonge piny e nyimgi, mokulore nyaka e lowo.

2 Ruodhi 4:8

Chieng’ moro, Elisha nodhi Shunem, kuma dhako moro ma jamoko nodakie. Dhakono nochune mondo ochiem e ode. Bang’ mano, kinde duto mane Elisha luwoe yorno, nothoro rawo kanyo mondo ochiemie.

Ayub 31:19

Kane ayudo ng’at ma jachan ma koyo nego, kendo ma onge gi lewni ma dorwaki,

Ayub 31:32

Jowuoth bende aserwako e dalana, kendo pok aweyo ginindo e yo.

Isaya 58:7

Koso donge en ni mondo upog chiembu ni joma kech ohewo, kendo urwak joma odhier, ma onge kuonde dak, e miechu, bende umi joma wuotho duk lewni, kendo kik upand wang’u ni wedeu?

Tim jo-Lawi 19:34

Nyaka urite mana kaka wuodu, kendo uhere mana kaka uheroru uwegi, nikech un bende ne un jodak e piny Misri. An e Ruoth Nyasaye ma Nyasachu.

Mathayo 25:35

nikech ka ne kech kaya, to ne umiya chiemo, kendo kane riyo oloya, to ne umiya pi amodho, bende kane an wendo, to ne urwaka,

Mathayo 25:40

Eka Ruoth nodwokgi ni, ‘Awachonu adier ni gimoro amora mane utimo ni ng’at achiel matinie moloyo kuom owetenagi, to an ema nutimona.’

Mathayo 25:43

bende ne an wendo, to ne ok urwaka, kendo ne an duk, to ne ok umiya lewni. Ne atuo kendo ne anie jela, to ne ok ubiro unena.’

Tich Joote 16:15

Eka ne obatise kaachiel gi joode. Bang’ mano noluongowa e ode, kowacho ni, “Ka useneno ni ayie adier kuom Ruoth, to biuru e oda.” Eka nomiyo wadhi e ode.

Jo-Rumi 12:13

Poguru giu ni jo-Nyasaye modhier, kendo beduru joma ohero rwako welo.

Jo-Rumi 16:23

Gayo, ma an wendone, kendo ma bende jarwak jo-Kristo duto man ka e ode, omosou. Erasto ma jakeno mar dala, kod owadwa Kwarto, jomosou. [

1 Timotheo 3:2

Kuom mano jatend kanyakla mar jo-Kristo nyaka bed ng’at ma wach moro marach onge kuome, kendo mokendo dhako achiel kende, bende nyaka obed ng’at moritore, mobidhore, modimbore, mohero rwako welo, kendo ma japuonj molony.

1 Timotheo 5:10

kendo ma ji oyiego ni timbene beyo, bende moserito nyithinde maber. Bende nyaka obed dhako mohero rwako welo kendo moyie konyo jo-Nyasaye kadwokore piny e tich moro amora kaka lwoko tiend jo-Nyasaye, kendo nyaka oket chunye kuom tiyo tije mabeyo duto.

Tito 1:8

To nyaka obed ng’at mohero rwako welo, kendo mohero gik malong’o. Bende nyaka obed ng’at mabidhore, kendo ma jang’ad bura kare, kendo ma timbene ler, kendo mong’eyo ritore owuon.

1 Petro 4:9

Rwakuru joweteu ma ok ung’ur.

3 Johana 1:5

Osiepna, in jaadiera kuom gimoro amora mitimo ni owete, kata ka gin joma welo.