Jo-Hibrania 13:11 - MUMA MALER 2015

¹¹ Jadolo maduong’ tero remb jamni Kama Ler Moloyo mondo ochiw ka misango mar golo richo. Ringregi to iwang’o oko mar kambi.

Motingʼo Loko Manyien

¹¹ Jadolo maduongʼ tero remb jamni nyaka Kama Ler Moloyo mondo ochiw kaka misango mar golo richo ka ringregi iwangʼo oko mar kambi.

Jo-Hibrania 13:11 ပူးပေါင်းရင်းမြစ်များ

Wuok 29:14

To ring nyarwath kod piene, kaachiel gi ich iwang’ e tok kambi oko, nikech en misango mar golo richo.

Ezekiel 43:21

Bang’e kaw nyarwath motimgo misango mar golo richono, mondo iwang; pep kama onego wangg’ie, oko mar Hekalu.

Tim jo-Lawi 16:27

Rwath gi diel motimgo misengni mag golo richo, kendo ma rembgi oseter ei Kama Ler mondo opwodhgo richo, nogol ringgi gi piendegi kod owuochgi oko e tok kambi, kama nyaka wang’gie pep.

Tim jo-Lawi 6:11

Bang’e nolok lepe moko, eka nogol buru e kambi, mi oter oko kama oyangi.

Tim jo-Lawi 6:30

Ka remb chiayo motimgo misango mar golo richo okel e Hemb Romo mondo opwodhgo richo e Kama Ler, to misangono ok nocham, to nowang’e mana gi mach.”

Tim jo-Lawi 9:11

To ring’o gi pien notero oko mar kambi, mowang’o pep.

Tim jo-Lawi 9:9

Yawuote nokelone remo, mi olutoe lith lwete, kendo omienogo tunge mag kendo-mar-misango. To remo modong’ nopuko e tiend kendo.

Kwan 19:3

Nyaka ichiwe ni Eleazar jadolo mondo ogole oko yo wuokchieng’ mar kambi, kendo onege kuno.

Kwan 19:7

Bang’e enolwok lepe kendo nolwokre gi pi, eka onyalo donjo e kambi, to kata kamano, pod nosik kogak nyaka chieng’ podhi.