Jo-Hibrania 12:2 - MUMA MALER 2015

² Nyaka wachom wang’wa kuom Yesu ma jatendwa e yor yie, a chakruok nyaka giko. Ne oyie tho e msalaba, kochayo wichkuot mar tho ma kamano, nikech mor mane obiro yudo achien. To koro osebet piny e bat korachwich mar komduong’ mar Nyasaye.

Motingʼo Loko Manyien

² Wachomuru wangʼwa kuom Yesu, ma en jachak kendo jachop yie marwa. Nikech nogeno yudo mor mane oikne ni nonwangʼ achien, nochayo tho malit mar msalaba ka ok odewo wichkuot ma tho ma kamano kelo, kendo koro obet piny e bat korachwich mar kom duongʼ mar Nyasaye.

Jo-Hibrania 12:2 ပူးပေါင်းရင်းမြစ်များ

Zaburi 110:1

Ruoth Nyasaye ne owacho ni ruodha niya, “Bed abeda korachwich ka nyaka chop aket wasiki obed raten tiendi.”

Zaburi 138:8

Ibiro timo gik moko duto ma isesingorina. A Ruoth Nyasaye, herani mosiko ochwere, omiyo kik iwe tich ma isechako, mak itieko.

Isaya 31:1

Mano kaka utimo gima ofuwo, un joma dhi Misri mondo uyud konyruok! Uketo genou kuom farese, kendo kuom geche mag lweny mang’eny ka kuoyo, kod joidh farese gana gi gana, to ok udew Ruoth Nyasaye ma Ng’ama Ler mar Israel, kata kwaye mondo otelnu.

Isaya 45:22

Un ogendini manie tung’ piny gi tung’ piny, genuru kuoma, mondo uyud resruok, nimar an e Nyasaye, kendo moro onge.

Isaya 53:3

Ji ne ojare, kendo okwere. Ne ne ng’at ma neno chandruok, kendo mong’iyo gi rem. Adier, ne wajare, mi wakwane ka gima nono, ma, ka ng’ato oneno, to loko wang’e kucha.

Isaya 8:17

Arito Ruoth Nyasaye ma pando wang’e ni joka Jakobo, ka ageno mana en.

Mika 7:7

An to abiro manyo Ruoth Nyasaye. Abiro rito Nyasaye jawarna, kendo Nyasacha biro winjo wachna.

Zekaria 12:10

Anami joka Daudi gi jo-Jerusalem chuny mang’won, kendo mohero lemo. Eka bange giniteg wang’gi kuom jal mane gichwowo, mi otho, kendo giniywage mana ka joma ywago nyathi ma miderma. Adier, giniywag malit mana ka joma ywago wuodgi makayo.

Kwan 21:9

Kamano Musa noloso thuond mula moketo e luth, ni, ka ng’ato thuol okayo, mi orango thuond mulano, to chango.

Mathayo 16:21

Chakre kindeno, Yesu nochako nyiso jopuonjrene malong’o niya, “Nyaka adhi Jerusalem mondo jodongo gi jodolo madongo kod jopunj Chik osanda, kendo onega, to chieng’ mar adek anachier.”

Mathayo 20:28

mana kaka Wuod Dhano bende ne ok obiro mondo ji otine, to mana ni mondo oti ni ji, kendo mondo ochiw ngimane owargo ji mang’eny.”

Mariko 14:36

Nowacho niya, “Baba! Wuora! In ema inyalo gik moko duto, gol kikombe mar masirani oa kuoma. To kik obed kaka an ema adwaro, to mana kaka in ema idwaro.”

Mariko 15:28

Kamano wach mondiki e Muma ni, “Nokwane ka achiel kuom joma richo,” nochopo kare.]

Mariko 16:19

Kane Ruoth Yesu osewuoyo kodgi kamano, ne otere e polo, mi obet e bat korachwich mar Nyasaye.

Mariko 9:12

Nodwokogi ni, “Adier Elija nyaka bi mokwongo mondo olos gik moko duto obed kare. To ere gima omiyo Musa wuoyo kuom Wuod Dhano ni nyaka one masiche mang’eny, kendo ni ji nochaye?

Mariko 9:24

Gikanyono wuon rawerano nokok niya, “Ayie to konya nikech yiena orem.”

Luka 17:5

Joote nowacho ni Ruoth Yesu niya, “Medwa yie.”

Luka 23:11

Herode kaachiel gi askechene nojare, kendo nonyiere. Eka Herode nogolo chik, morwakne kandhu maber, bang’e odwoke ir Pilato.

Luka 24:26

Donge ne owinjore ni nyaka Mesia ne masichegi kapok oyudo duong’ne maler koso?”

Johana 1:29

Kinyne, Johana noneno Yesu kabiro ire, mowacho ni, “Neuru! Jalcha e Nyarombo Nyasaye, magolo richo mag piny!

Johana 12:24

Adier, adier, awachonu ni ka koth cham ok olwar e lowo, mi otho, to osiko mana kodhi achiel kende. To ka otho, to onyago kodhi mang’eny.

Johana 12:32

An to, ka oting’a malo, to anaywa ji duto ira.”

Johana 13:3

Kata obedo ni Yesu nong’eyo ni Wuoro oseketo gik moko duto e lwete, kendo ni ne osea ir Nyasaye, kendo koro odok ire,

Johana 6:40

Adier, Wuora dwaro ni mondo ng’ato ang’ata moneno Wuowi, mi oyie kuome, oyud ngima ma nyaka chieng’; kendo anachiere chieng’ giko piny.”

Johana 8:56

Kwaru Ibrahim ne mor koneno ndalona. Adier, nonene mobedo mamor.”

Tich Joote 2:36

“Jo-Israel duto koro nyaka ng’e maonge kiawa ni Nyasaye oseketo Yesu, mane uguro e msalaba, obed Ruoth kendo Mesia.”

Tich Joote 3:15

Kamano ne unego ng’at mamiyo ji ngima, to Nyasaye nochiere kuom joma otho kendo wan joneno kuom wachno.

Tich Joote 5:31

En ema Nyasaye osekete e bade korachwich kaka Jatelo kendo Jawar, mondo omi jo-Israel olokre mondo owenigi richogi.

Tich Joote 5:41

Joote noa e od bura kamor ahinya, nimar Nyasaye noseyierogi mondo giyud wichkuot nikech nying Yesu.

1 Jo-Korintho 1:18

Wach msalaba en mana fuwo ni joma lal, to en teko mar Nyasaye ni wan joma ireso,

1 Jo-Korintho 1:23

Wan to walando wach Kristo mane ogur e msalaba. En wach ma chwanyo chuny jo-Yahudi, to joma ok jo-Yahudi to kwane ka wach mofuwo.

Jo-Efeso 2:16

Ne otho e msalaba mondo otiek sigu mae kindwa, kendo otimwa ringruok achiel kuom Nyasaye.

Jo-Efeso 5:2

Beduru gi hera, mana kaka Kristo noherowa, mi ochiwonwa ngimane obedo misango madum tik mamit ni Nyasaye.

Jo-Filipi 1:6

Ang’eyo malong’o ni Nyasaye mane ochako tich maber e chunyu biro dhi kode nyime nyaka chope chieng’ ma Yesu Kristo obiroe.

Jo-Filipi 3:20

Wan to polo e thurwa, kendo warito Ruoth Yesu Kristo mondo oa e polo obi oreswa.

2 Timotheo 4:8

Koro gima okanna en mana osimbo mimiyo joma kare, ma Ruoth ma jang’ad bura makare biro miya chieng’ birone. To ok an kenda ema nomiya osimbo, to nomi koda ka ji duto morito birone gi chunygi duto.

Jo-Hibrania 1:13

Nyasaye pok onyiso malaikane moro ni, “Bed e bada korachwich ka, nyaka chop aket wasiki obed raten tiendi.”

Jo-Hibrania 1:3

En ema orieny kaka duong’ maler mar Nyasaye, kendo en e kit Nyasaye hie, kendo en ema omiyo gik moko duto osiko nikech wachne man gi teko. Kane en owuon oseloso yor pwodhruok kuom richo, nobet piny e bat korachwich mar Nyasaye manie polo.

Jo-Hibrania 10:14

Osemiyo joma opwodhi kamano odoko joma long’o chuth nyaka chieng’ kuom misango achiel mane otimono.

Jo-Hibrania 10:33

Jomoko kuomu nodoko ka joma ourore e nyim ji, kiyanyogi kendo isandogi, to moko bende ne ok oringo oweyo joma ne itimonigi kamano.

Jo-Hibrania 11:36

Jomoko ne oyany kendo ochwadi, to jomoko ne otue mi oketi e jela.

Jo-Hibrania 12:3

Parieuru Jal mane odhil gi sigu mager mane joricho nigo kode mondo un bende kik uol kendo chunyu kik a.

Jo-Hibrania 13:13

Omiyo koro wawuoguru wadhi ire oko mar kambi, kwating’o achaye mane en bende oting’o,

Jo-Hibrania 5:9

Kendo kane osebedo ng’ama kare chuth, nodoko jakel warruok mosiko ni ji duto mawinjo wachne,

Jo-Hibrania 7:19

nimar Chik ne ok ochopo gima ne oketene. To geno manyien koro osekel, mamiyo wasudo machiegni gi Nyasaye.

Jo-Hibrania 8:1

To wach maduong’ kuom weche ma wasewacho e ma: Chutho wan gi jadolo maduong’ ma kamano. Obet e bat korachwich mar Kom Duong’ manie polo.

Jo-Hibrania 9:28

Mano e kaka Kristo bende ne ochiw ka misango dichiel kende, mondo oting’ richo mag ji mang’eny, to obiro fwenyore kendo mar ariyo, to ok ni mondo ogol richo, to mana ni mondo okel warruok ni jogo morite.

Jakobo 2:1

Owetena, kaka un joma oyie kuom Ruodhwa Yesu Kristo ma Ruodh duong’, omiyo kik uluor wang’ ji.

1 Petro 1:11

Roho mar Kristo mane ni kuomgi nonyisogi chon masiche mane Kristo biro yudo, kod duong’ mane biro luwo masichego, omiyo ne gitemo manyo kinde mane gigo biro timore, kendo kaka gibiro timore.

1 Petro 3:18

nimar Kristo owuon notho dichiel kendo mogik nikech richou. Kata obedo ni en ne en ng’ama kare kamano, to notho ni joma ok kare, mondo oterwa ir Nyasaye. Ne oneg ringre, to Nyasaye nomiyo chunye obedo mangima,

1 Petro 3:22

ma osedhi e polo, mi obet e bat korachwich mar Nyasaye, gi ruodhi mag polo duto, kendo kuom teko duto.

Juda 1:21

Nyaka ubed e hera mar Nyasaye, mondo urit ngima ma nyaka chieng’ ma Ruoth Yesu Kristo biro miyou kuom ng’wonone.

Fweny 1:11

Nowacho niya, “Gik moko duto mineno, ndiki e kitabu. Bang’e ior kitabuno ni kanyakla abiriyo mag jo-Kristo man: Efeso, Smurna, Pergamo, Thuatiro, Sarde, Filadelfia, kod Laodikia.”

Fweny 1:17

Kane anene to ne apodho e tiende ka ng’at mosetho. To noyieyo lwete ma korachwich kuoma, kowacho niya, “Kik iluor, an e Jal Mokwongo kendo Mogik,

Fweny 1:8

Ruoth Nyasaye wacho niya, “An e Chakruok kendo e Giko. An e Ruoth Nyasaye Manyalo Gik Moko Duto, Jal mantie, kendo mane nitie, kendo mapod biro betie.”

Fweny 2:8

“Ndik ni malaika mar kanyakla mar jo-Kristo man Smurna kama: ‘Weche mag Jal Mokwongo kendo Mogik e magi. En e Jal mane otho, kendo ochako obedo mangima.