Jo-Hibrania 12:1 - MUMA MALER 2015

¹ Emomiyo ka koro oganda mang’ongo mar joneno opie molworowa ka bor polo kama, to wan bende waweuru ting’ duto kod richo maduodowa, kendo waringuru matek, kwanano ni ng’uech moseketwae.

Motingʼo Loko Manyien

¹ Emomiyo ka koro oganda maduongʼ mar joneno opie molworowa ka bor polo kama, to wan bende wawituru gimoro amora ma watingʼo manyalo duodowa e wuoth, kaachiel gi richo mora amora manyalo duodowa e ngimawa, koro waringuru matek ma ok waol e ngʼwech moseketwae.

Jo-Hibrania 12:1 ပူးပေါင်းရင်းမြစ်များ

Ayub 8:10

Kuom mano, we ipuonjri kuom rieko joma chon, mondo iyud rieko mang’eny mane gin-go.

Zaburi 18:23

Aonge gi ketho e nyim Ruoth Nyasaye, kendo aseritora kuom richo.

Isaya 60:8

Mago gin ang’o ma kwang’ ka boche polo, kata mahuyo ka akuche maduogo e odgigo?

Ezekiel 38:16

Ununur kuom joga Israel, mana ka rumbi maumo piny. Ka kindeno ochopo, anaori mondo imonj pinya, to gima natimni nonyis ogendini ni an Ng’ama Ler, mi ging’eya, yaye Gog!

Ezekiel 38:9

In gi jogi mag lweny, kod ogendini mang’eny man kodi, numonj pinyno mana ka yamb ahiti, kendo unuume mana ka rumbi.”

Mathayo 10:22

Ji duto nobed mamon kodu nikech an, to ng’ama otimo kinda nyaka giko ema nokwo.

Mathayo 24:13

To nga’ma otimo kinda nyaka giko ema nokwo.

Mariko 10:50

Kuom mano, nobolo lawe kucho, moa malo piyo, kodhi ir Yesu.

Luka 12:15

Eka nomedo wacho ni ji duto niya, “Beduru motang’, mondo uritru kuom gombo duto nikech mwandu ok nyal miyo ng’ato bed mangima, kata dabed ni omew machal nadi.”

Luka 16:28

mondo osiem owetena abich modong’ kuno, kik gibi kar sand malit.’

Luka 21:34

“Ritreuru mondo kik utim anjawo, kata kik ubed jomer kata joma parore kuom gik manie pinyni, nono to chieng’no biro poyou mana ka obadho,

Johana 3:32

Owacho gik moseneno, kendo mosewinjo, to onge ng’ama oyie ni gima owacho en adier.

Johana 4:39

Jo-Samaria mang’eny mane nitie dalano noyie kuom Yesu nikech wach mane dhakono osewachonigi ni, “Nohulona gik moko duto ma asetimo.”

Johana 4:44

nikech en owuon nosewacho niya, “Janabi ok mi duong’ e gweng’gi.”

Jo-Rumi 12:12

Geno ma un-go mondo omi ubed mamor. Kisandou, to timuru sinani, kendo lemuru mak uweyo.

Jo-Rumi 2:7

Joma osiko katimo maber, kendo dwaro pak gi duong’ moa kuom Nyasaye, kod ngima ma ok rum, nomi ngima ma nyaka chieng’.

2 Jo-Korintho 7:1

Osiepewa, mago e singruok ma osemiwa. Kuom mano, nyaka wapuodhre kuom gik moko duto mamiyo ringruok kod chuny doko mochido, mondo wadok joma ler chuth, kwabedo joma oluoro Nyasaye.

Jo-Galatia 2:2

Ne adhi nikech Nyasaye nonyisa ni mondo adhi, mi achokora gi jodong kanyakla mar jo-Kristo kar kendgi, kendo nanyisogi Wach Maber ma alando ni joma ok jo-Yahudi, nimar ne ok adwar ni mondo tich mane asebedo ka atiyo, kata mapod atiyo, obed kayiem nono.

Jo-Galatia 5:7

Ne onwang’o uchako maber. Ng’ano mane otamou mondo kik uwinj adiera? Ere kaka ne osemou?

Jo-Efeso 4:25

Emomiyo koro weuru miriambo! Ng’ato ka ng’ato mondo owach ni wadgi mana adiera, nikech wan duto wan fuond ringruok achiel.

Jo-Filipi 1:30

Lweny mukedoni en mana lweny achiel mane uneno ka akedo chon, kendo mapod uwinjo ni akedo.

Jo-Filipi 2:16

kunyisogi wach ngima. Ka utimo kamano, to unumi abed mamor chieng’ ma Kristo obiroe, nikech mano nonyis ni ng’uech ma aringoni, kod tich ma atiyo, ok ne akethoe tekra kayiem nono.

2 Timotheo 2:4

Jalweny maber ok dwar mondo oduodre gi weche mag dala, nimar odwaro bedo malong’o ni jal mane ondike.

2 Timotheo 4:7

Asekedo lweny maber, kendo asetieko ng’weya, bende aserito yie marwa.

Jo-Hibrania 6:15

Kuom mano, bang’ timo kinda, Ibrahim noyudo gima ne Nyasaye osesingorene.

Jakobo 1:3

nimar ung’eyo ni tem mitemogo yieu ema miyo ubedo gi kinda.

1 Petro 2:1

Kuom mano, weuru richo duto, kaka ich lit, gi wuond, gi gango wach gi nyiego kod ayany.

1 Petro 4:2

Ikreuru kamano, mondo kuom ndalo mapod udakgo e piny, kik utim mana gik ma dhano gombo, to timuru mana gik ma Nyasaye dwaro.

1 Petro 5:1

Koro an gi wach moro ma adwaro kwayou, un jodongo. Awuoyo kodu kaka jaduong’ wadu, mane oneno kaka Kristo sandore, kendo mageno yudo pok kuom duong’ mabiro fwenyore.

1 Petro 5:12

Andikonu barua machiekni, ka Silvano, ma ageno kaka owadwa maradier, konya. Adwaro jiwou kendo nyisou ni mano e kaka ng’wonono mar adier mar Nyasaye chalo. Omiyo chung’uru motegno kuom ng’wonono.

2 Petro 1:6

Rieko to jiwuru gi ritruok, to ritruok to ujiw gi kinda, to kinda ujiw gi luoro Nyasaye.

Fweny 1:9

An owadu Johana, an e achiel kodu e sand gi loch kod kinda ma wan-go kuom Kristo Yesu. Ne oketa e chula miluongo ni Patmo nikech nalando wach Nyasaye, kendo awuoyo kuom Yesu e lela.

Fweny 13:10

Ng’at ma onego tue nyaka tue, kendo ng’at monego negi e lweny, to nyaka negi e lweny, ma e kinde ma jo-Nyasaye nyaka timie kinda kendo nyaka bedie motegno.

Fweny 22:16

“An Yesu aseoro malaikana mondo ohulnu wechegi ukonygo kanyakla mag jo-Kristo. An Nyakwar Daudi, kendo an sulue mar okinyi.”

Fweny 3:10

Ne amiyi chik ni mondo itim kinda, kendo iserito chiknano, omiyo an bende abiro riti e ndalo mar masira mabiro kwako piny ngima, mondo otemgo ji duto modak e piny.