Jo-Hibrania 11:34 - MUMA MALER 2015

³⁴ Yie ema ne omiyo giumo dho sibuoche, kendo ginego gero mar mach, bende gitony e lweny. Kata obedo ni ne gin joma nyap, to yie nomiyo gibedo joma rateke, kendo gidoko joma ger e lweny, mi giriembo jolweny mane oa e pinje mamoko.

Motingʼo Loko Manyien

³⁴ kendo neginego gero mar mach; bende negitony e lak ligangla. Nyawo margi nolokore teko mi gidoko joma ger e lweny, ka giloyo jolwenj pinje mamoko duto mane kedo kodgi.

Jo-Hibrania 11:34 ပူးပေါင်းရင်းမြစ်များ

1 Ruodhi 19:1

Ahab nonyiso Jezebel gik moko duto mane Elija otimo, kendo kaka nonego jonabi duto.

1 Ruodhi 19:3

Elija noluor, mi noringo mondo otony. Kane ochopo Beer-sheba, dala mar Juda, noweyo jatichne kuno.

2 Ruodhi 6:1

Oganda mar jonabi nowacho ni Elisha niya, “Kama wadakie kodini tin, wahewo.

2 Ruodhi 6:32

Noyudo ka Elisha obet ewi ode kaachiel gi jodongo. Ruoth nooro jaote ire, to kane pok jaoteno ochopo, Elisha nowacho ni jodongo niya, “Uneno kaka ng’at ma janekno oro ng’ato mondo obi ong’ad wiya oko? Ka jaoteneno ochopo ka, to ulor dhoot matek, nikech ruodhe luwo bang’e machiegni.”

Ayub 42:10

Kane Ayub oselemo ni osiepene adekgo kamano, Ruoth Nyasaye ne omiyo ochako obet maber, mi odwokone gik mane en go, nyadiriyo moloyo mokwongo.

Ayub 5:20

Ka kech owuok, to enoriti ibed mangima, kendo kata ka lweny nitie, to enoresi e tho.

Zaburi 124:7

Wasetony mana ka winyo mobwodho e obadho. Obadho ne otur, kendo koro wan thuolo.

Zaburi 144:10

Imiyo ruodhi locho, kendo ireso Daudi jatichni.

Zaburi 6:8

Auru kuoma, un joricho duto, nimar Ruoth Nyasaye osewinjo ywakna.

Zaburi 66:12

Ne iweyo wasikwa onyonowa, mi mach owang’owa, kendo ohula oywoyowa, to koro isekelowa kama wanyalo yweyoe.

Wuok 18:4

Bende nosewacho niya, “Nyasach wuora en jakonyna mane oresa ka Farao dwaro nega.” Omiyo nochako wuode machielo ni Eliezer, (tiende ni, Nyasaye en Jakonyna).

Isaya 43:2

Ka ukadho e pige matut, to an kodu. Adier, ka ng’ado aore, to ok giniteru, bende kata ka uwuotho e mach mang’ang’ni to ok unuwang’,

Jeremia 26:24

Jeremia to notony, mi ok ochiw e lwet ji mondo onege, mana nikech Ahikam wuod Shafan nokonye.

Luka 21:24

Moko kuomgi noneg e lweny, to moko nomaki mi ter e pinje mamoko duto, kendo ogendini ma ok jo-Yahudi nonyon Jerusalem nyaka chop ndalo lochgi rum.

1 Petro 4:12

Osiepena, ka uyudo tem mager mawang’ou ka mach, to kik ubuogi, ka gima ok ung’eyo ni gik ma kamago nyaka timrenu, nikech mano timore mana ni mondo otemugo.

Jong’ad Bura 15:8

Nogoyogi arudha, monegogi mang’eny. Eka nodhi modak e lwanda morokore man Etam.

1 Samuel 18:11

mi nobayogo Daudi koparo ni mondo ochwowego oriwe gi kor ot, to Daudi noleng’o motony. Gima kama notimore diriyo.

1 Samuel 19:10

mi notemo chwowo Daudi gi tong, mondo oriw gi kor ot, to Daudi noleng’o, mi tong’ ochwowo mana kor ot. Eka Daudi nopusore motony.

1 Samuel 20:1

Daudi noringo oa Nayoth e Rama. Nodhi ir Jonathan, nopenje niya, “Ang’o ma asetimo? Ere kethona? Ere gima rach ma wuoru oneno ni asetimo momiyo odwaro nega?”