Jo-Hibrania 11:32 - MUMA MALER 2015

³² To an dachak awach ang’o? Thuolo ditama mar wuoyonu kuom Gidion gi Barak gi Samson gi Jeftha gi Daudi gi Samwel kod jonabi.

Motingʼo Loko Manyien

³² Angʼo kendo ma damed wacho? Thuolo ditama mar wuoyonu kuom Gideon, gi Barak, gi Samson, gi Jeftha, gi Daudi, gi Samuel, kod Jonabi mamoko.

Jo-Hibrania 11:32 ပူးပေါင်းရင်းမြစ်များ

1 Samuel 16:1

Ruoth Nyasaye nowacho ni Samuel niya, “Ibiro kuyo nyaka karang’o, to asedagi ni kik Saulo obed ruoth? Koro ol mo e tung’ni mondo aori ir Jesse ja-Bethlehem, nikech aseyiero wuode moro mondo obed ruoth.”

1 Samuel 1:20

Nomako ich, kendo kane ndalo ogik, nonywolo wuowi, mi owacho niya, “Achake ni Samuel, nikech ne akwaye Ruoth Nyasaye.”

1 Samuel 16:13

Omiyo Samuel nokawo mo, mowirogo Daudi e nyim owetene, mi Roho mar Nyasaye nobiro kuom Daudi gi teko, mobedo kode chakre chieng’no. Bang’e Samuel nowuok, modok Rama.

Johana 21:25

Bende nitie gik mang’eny mane Yesu otimo. Ka da bed ni ondikgi duto, moro ka moro, to aparo ni kata mana piny ngima ok dirom kano kitepe mondikgie.

2 Petro 1:21

nikech onge wach mane okor mana nikech dwaro mar dhano. To ji ne wacho wach moa kuom Nyasaye, mana kaka Roho Maler ne telonigi.

Jo-Rumi 7:7

Koro ere gima dwawachi? Dwawach ni Chik en richo koso? Ngang! Ayie ni ka da Chik onge, to ok dang’eyo ni richo en ang’o. Ka da ni Chik ok owacho ni ‘Kik igombi,’ to da ok ang’eyo ni gombo en ang’o.

Jo-Rumi 4:1

Koro ere gima dwawachi kuom Ibrahim ma kwarwa? Ang’o mane oneno?

Jo-Rumi 3:5

To ng’ato nyalo wacho ni richowa nyiso ji tim makare mar Nyasaye, omiyo Nyasaye ok ni kare kakumowa.

Tich Joote 13:20

Bang’ higni ma dirom mia ang’wen gi piero abich, nomiyogi jong’ad bura moritogi nyaka ndalo janabi Samuel.

Tich Joote 10:43

Jonabi duto nowuoyo kuome, kawacho ni ng’ato ka ng’ato moyie kuome nowene richone nikech en.”

Tich Joote 3:24

Kamano bende e kaka jonabi duto, chakre Samwel kod jogo duto mane oluwe nowacho, ka gikoro gik ma tinde timore ndalogi.

1 Samuel 12:11

Omiyo Ruoth Nyasaye nooro Jerubaal, Barak gi Jeftha, kod Samson, kendo noresou e lwet wasiku koni gi koni, mi nubedo gi kue.

2 Petro 3:2

kaparonu weche mane jonabi maler owacho e ndalo machon, kod chik mar Ruoth kendo Jawar mane jooteu okelonu.

Jakobo 5:10

Owetena, ka udwaro neno kaka onego uhoru mos e sand, to paruru jonabi mane owuoyo e nyim Ruoth,

Jo-Rumi 6:1

To koro ere gima dwawachi? Dwawachi ni ber kwasiko watimo richo mondo ng’wono mar Nyasaye omedre koso?

Luka 16:31

Ibrahim to nokone niya, ‘Ka ok ginyal winjo weche Musa kod Jonabi, to ok giniwinj kata mana ng’at mochier oa kuom joma otho!’ ”

Luka 13:28

“Mano kaka unuyuagru malit, kumwodo laku, ka uneno Ibrahim gi Isaka kod Jakobo kod jonabi duto e Piny Ruoth Nyasaye, to un oriembu oko.

Mathayo 5:12

Ka gik makamago otimorenu, to beduru mamor ahinya, nikech pok maduong’ okannu e polo, nimar kamano bende e kaka ne gisando jonabi mane okwongonu.

Jeremia 15:1

Ruoth Nyasaye nowachona niya, “Kata da bed ni Musa gi Samuel ema jochung’ e nyima ka, to ok anyal weyo ni jogi richogi. Wachnigi mondo gia e wang’a.

Zaburi 99:6

Musa gi Harun ne jodolo mage. Samuel bende ne achiel kuom joma lame. Giduto ne giywak ni Ruoth Nyasaye, mi owinjogi.

1 Samuel 2:18

Samuel ne tiyo e nyim Ruoth Nyasaye ka pod en nyathi, korwakore gi nanga mar katana.

1 Samuel 2:11

Bang’ mano nodok Rama, to nyathi nodong’, katiyo ni Ruoth Nyasaye e nyim Eli jadolo.

Jong’ad Bura 13:24

Bang’e dhakono nonywolo nyathi ma wuowi, mochako ni Samson. Nyathino nodongo Mahane-dan, manie kind Zora gi Eshtaol. Ruoth Nyasaye noguedhe,

Jong’ad Bura 6:11

Bang’ mano, malaika mar Ruoth Nyasaye nobiro, mobet piny e tiend yath moro man Ofra. Yadhno ne mar Joash ja-Abiezer. Noyudo ka Gideon wuod Joash dino cham e bur lwanda mar biyo mzabibu, mondo kik jo-Midian juke gi chamgo.

Jong’ad Bura 4:1

Bang’ tho Ehud, timbe jo-Israel nochako obedo maricho e nyim Ruoth Nyasaye,

Jong’ad Bura 6:1

Timbe jo-Israel nochako obedo maricho e nyim Ruoth Nyasaye mi nochiwogi e lwet jo-Midian kuom higni abiriyo.

Jong’ad Bura 6:14

Eka Ruoth Nyasaye nochike ni “Dhiyo mondo ires jo-Israel e lwet jo-Midian gi teko ma in-go. An ema aori.”

Jong’ad Bura 15:20

Samson nobedo jatelo e Israel kuom higni piero ariyo, e ndalo mane jo-Filistia rito pinyno.

1 Samuel 2:4

“Tunge mag joma rateke otur, to joma yomyom manore gi teko.

1 Samuel 17:45

Daudi nodwoko ja-Filistiano niya, “Ibirona gi ligangla gi tong’ abaja kod tong’ dindo, to an abironi mana e nying Ruoth Nyasaye Manyalo Gik Moko Duto ma Nyasach jolweny mag Israel, mithianonigi.