Jo-Hibrania 11:23 - MUMA MALER 2015

²³ Yie ema ne omiyo, kane onywol Musa to jonywolne nopande kuom dueye adek, nikech ne gineno ka en nyathi man gi chia. Mano omiyo ne gibedo gi chir, mi giketho chik ruodh Misri.

Motingʼo Loko Manyien

²³ Yie ema nomiyo jonywol Musa opande kuom dweche adek bangʼ nywolne, nikech negineno kopogore gi nyithindo minywolo mamoko; kendo negitimo kamano ka ok giluoro siem mar ruodh Misri.

Jo-Hibrania 11:23 ပူးပေါင်းရင်းမြစ်များ

Wuok 1:22

Bang’e Farao nochiko joge duto niya, “Nyithindo ma chwo duto ma jo-Hibrania onywolo, mondo uwit e aora Nael, to nyiri uwe odongi.”

Wuok 1:16

“Ka ucholo mond jo-Hibrania, mi uneno ka dhako moro onywolo nyathi ma wuowi, to neguru nyathino. To ka en nyathi ma nyako, to kik unege.”

Jo-Hibrania 13:6

Mano emomiyo wanyalo wacho gi chir niya, “Ruoth e jakonyna, emomiyo ok nabed maluor. Ere gima dhano ditimna?”

Mathayo 10:28

Kik uluor joma nego mana ringruok kende, to ok nyal nego chuny. To luoruru Jal ma nyalo tieko chuny kaachiel gi ringruok e mach mak rum.

Tich Joote 7:20

E ndalogo ema nonywolie Musa, mane nyathi ma jaber ahinya. Ne opidhe e odgi kuom dueche adek,

Isaya 41:14

In oganda Jakobo, in kudni akuda, to kik ibed maluor. Yaye, in Israel ma onge ndhathe, kik kibaji goyi. An Ruoth Nyasaye ema awacho kamano.

Zaburi 118:6

Ruoth Nyasaye ni koda, omiyo ok anabed maluor. Ere gima dhano ditimna?

Daniel 6:10

Kane Daniel owinjo ni oseket sei e chikno, nodhi e ode. To ewi ode ne nitie ot moro mane nigi dirise mochomo yo Jerusalem. Ei odno Daniel ne pod dhi adhiya nyime gi goyo chonge piny e dho dirisego, kolamo Nyasaye nyadidek e odiechieng’ achiel kaka ne ojatimo pile.

Isaya 51:12

An awuon ema ahoyou. Kuom mano, ere gima omiyo uluoro dhano adhana matho, kendo maonge ndhathe ka lumni?

Isaya 51:7

Winjuru, un joma ong’eyo tim makare kaka obet, kendo ma keto chunygi kuom chikna. Kik uluor achaya mag ji, kendo ayany ma giyanyougo kik gou kibaji,

Isaya 41:10

Kik uluor gimoro nikech an kodu. Kik kibaji gou, nimar an e Nyasachu. Amiyou teko, kendo akonyou, bende asirou gi bada ma korachwich ma alochogo.

Zaburi 56:4

Ageno kuom Nyasaye, kendo apako singruok mare. En ema ageno kuome. Omiyo ok anyal bedo maluor. Ere gima dhano adhana ditima?