Jo-Hibrania 11:13 - MUMA MALER 2015

¹³ Jogo duto notho ka nigi yie. Ne ok ginwang’o gik mane Nyasaye osingorenigi ni nomigi, to ne ginenogi gi kuma bor, mi giyie ni gin gik mantie adier. Ne gihulo ratiro ni gin mana welo gi jowuoth e piny ka.

Motingʼo Loko Manyien

¹³ Jogo duto notho ka nigi yie. Ne ok giyudo gik mane Nyasaye osingore ni nomigi, to ne ginenogi kendo ne girwakogi mana gichien, ka gikwanore mana kaka welo gi jowuoth makadho akadha e pinyni.

Jo-Hibrania 11:13 ပူးပေါင်းရင်းမြစ်များ

Jo-Hibrania 11:27

Yie ema nomiyo owuok Misri ka ok oluoro mirimb ruoth. Ne odhil mana ka ng’ama oneno Nyasaye ma ok ne.

Zaburi 39:12

A Ruoth Nyasaye, winj lemona, kendo chik iti ni ywakna, kik iling’ kineno ka pi wang’a chwer. An wendoni e pinyni mana kuom kinde matin kende, kaka kwerewa bende nobedo wendi.

Chakruok 23:4

“An mana wendo, kendo jadak e kindu. Yieuru umiya lowo moromo kar yiko, mondo ayikie ng’ata e yo mowinjore.”

Johana 8:56

Kwaru Ibrahim ne mor koneno ndalona. Adier, nonene mobedo mamor.”

Jo-Hibrania 11:39

Jogo duto Nyasaye ne oyiego nikech yie mane gin-go, to kata kamano ne ok ginwang’o gik mane Nyasaye osesingore ni nomigi nikech nosechano gima ber moloyo, koparowa, tiende ni ne ok odwar miyo gidoko joma kare mak mana ka wan kaachiel kodgi.

Jo-Efeso 2:19

Emomiyo koro ok un welo kata jodak to un e oganda achiel gi jo-Nyasaye, kendo un jood Nyasaye.

Jo-Rumi 8:24

Adier genono ema ne oreswago. Ka waseyudo gima wageno yudo, to koro ok wanyal wacho ni wan gi geno, nikech ere kaka ng’ato nyalo geno yudo gima oseyudo?

1 Petro 2:11

Osiepena, akwayou ni kaka un welo kendo jodak e pinyni, beduru motang’ gi gombo mag ringruok makedo gi chunyu pile.

1 Petro 1:17

Ka ulemo, to uluongo Nyasaye ni Wuoro, Jal mang’ado ni ji duto bura, kaka tim ng’ato ka ng’ato obet, ma ok odewo wang’ ng’ato, omiyo nyaka uluore ndalo duto ma udakgo ka welo e pinyka.

Jo-Rumi 4:21

ka en gi ratiro ni Nyasaye nigi teko mar timo gima ne osesingore ni notim.

Ayub 19:25

To ang’eyo ni ng’ato nitie e polo, ma nobi mondo ochwaka chieng’ giko.

Chakruok 49:18

“A Ruoth Nyasaye, arito warruok moa kuomi!

Chakruok 47:9

Jakobo nodwoke ni, “Higni ma asewuotho e piny, gin mana mia achiel gi piero adek. Hignigo osebedo manok kendo maricho, kendo ok girom gi higni ma kwerewa nowuothogo e piny.”

Chakruok 25:8

mi notho moluwo kwerene, koseti ahinya, kendo ka hike oniang’.

1 Johana 3:19

Mano e kaka wabiro ng’eyo ni wan joma luwo adiera kendo ok wanabed gi luoro e nyim Nyasaye

Mathayo 13:17

Adier awachonu ni jonabi mang’eny nogombo neno gik ma koro unenogi, to ne ok ginyal neno, bende ne gigombo winjo gik ma uwinjogi, to ne ok ginyal winjo.”

Chakruok 49:33

Kane Jakobo osetieko chiko nyithinde kamano, nodwoko tiende e kitanda mi chunye nochot koluwo kwerene.

Zaburi 119:19

Anie pinyka mana kuom kinde matin, omiyo kik ipandna chikeni.

Kwan 24:17

Anene, to ok sani, kendo ang’iye, to ok machiegni. Sulue nobi koa kuom joka Jakobo, kendo ludh duong’ nowuog kuom jo-Israel. Obiro goyo oganda lweny mag jo-Moab, kendo nolo joma sungore.

Chakruok 49:10

Juda nomak ludh loch, kochunge e kind tiendene, kobedo ruoth nyaka wuon loch ma biro rito ogendini duto, chopi.

Johana 12:41

Isaya nowuoyo kamano nikech noneno duong’ maler mar Yesu, kendo noloso kuom Yesu.

Chakruok 50:24

Achien Josef nowacho ni owetene niya, “An koro achiegni tho, to Nyasaye biro ritou, kendo golou e pinyni, moteru e piny mane osingore ni nomi Ibrahim gi Isaka kod Jakobo.”

Chakruok 49:28

Mago e dhoudi apar gariyo mag jio-Israel, kendo ka ne Jakobo wuon-gi oguedhogi, nomiyo moro ka moro gueth moromo kode.

Chakruok 48:21

Eka Israel nowacho ni Josef niya, “Ne! An to koro atho, to Nyasaye nobed kodu, kendo nodwoku e piny kwereu.

Wuok 2:22

Zipora nonywolo ni Musa wuowi, mi Musa nochako ni Gershom, (tiende ni jadak ka). Nochake kamano nikech noneno ni osedoko jadak e piny ma ok margi.

Tim jo-Lawi 25:23

“Ka ng’ato ong’iewo lowo kuom wadgi, to lowono ok nobed mare nyaka chieng’, nikech an e wuon lowo, to un, un mana jodakna.

2 Jo-Korintho 4:18

nikech ok waketo parowa e gik mineno, to mana e gik ma ok ne. Gik mineno rumo, to gik ma ok ne osiko mochwere.

2 Jo-Korintho 5:6

Kuom mano, wan gi chir pile, nikech wang’eyo ni, kapod wadak e ringruok e pinyni, to ok wadak kanyachiel gi Ruoth.

Jo-Hibrania 11:14

Ka ji wuoyo kamano, to mano nyiso malong’o ni gigeno yudo piny ma margi giwegi.

Jo-Hibrania 11:17

Yie ema nomiyo Ibrahim ochiwo Isaka ka misango, kane Nyasaye oteme. Kata obedo ni Nyasaye nosesingorene,

1 Petro 1:1

An Petro, jaote mar Yesu Kristo, andikonu un jo-Nyasaye moke e pinje mag Ponto gi Galatia gi Kapadokia gi Asia kod Bithunia, kuma untie ka jodak.

Chakruok 21:34

Bang’e nomedo dak aming’a e piny jo-Filistiano.

Kwan 10:30

To Hobab nodwoke niya, “Ok adhi kodu, ber mondo adog e pinywa kuom jowa.”