Jo-Hibrania 11:11 - MUMA MALER 2015

¹¹ Yie ema nomiyo Sara owuon bende onwang’o teko mar mako ich, kata obedo ni ne en migumba, kendo ndalone mar nywol nosekadho kamano. Noyudo tekono nikech nokwano ni Jal mane osesingorene en jaadiera.

Motingʼo Loko Manyien

¹¹ Yie ema nomiyo Ibrahim obedo wuoro, kata obedo ni noseti ahinya, kendo Sara chiege ne migumba, to nomiye teko mar bedo wuoro nikech nogeno ni ngʼat mane omiye singruok ne en ja-adiera.

Jo-Hibrania 11:11 ပူးပေါင်းရင်းမြစ်များ

2 Ruodhi 4:17

To bang’e nomako ich, monywolo wuowi e ndalo mane Elisha owacho.

Luka 1:36

Bende ng’e ni Elizabeth, wayu moti cha, osemako ich nyathi ma wuowi, kendo dhako ma yande iluongo ni migumbano, koro nigi ich mar dueche auchiel,

Jo-Rumi 9:8

Mano nyiso ni nyithindo duto mane Ibrahim onywolo ok gin nyithind Nyasaye, to mana mago monywol kaluwore gi singruok mar Nyasaye ema ikwano ka nyithind Nyasaye adier,

Jo-Galatia 4:23

Wuod dhako ma misumbano nonywol kuom dwaro mar dhano, to wuod dhako man thuolo nonywol mondo singruok mar Nyasaye ochopi.

Jo-Hibrania 10:23

Wamakuru matek gik mwahulo ni wageno kuomgi, mak wamindni, nikech Nyasaye mane omiyowa singruokne en jaadiera.