Jo-Hibrania 10:7 - MUMA MALER 2015

⁷ Omiyo nowacho niya, ‘Era e! A Nyasaye, asebiro mondo atim dwaroni, mana kaka Muma wacho kuoma e Kitap Chik.’ ”

Motingʼo Loko Manyien

⁷ Eka nawacho ni, ‘Eri an ka, yaye Nyasaye, asebiro timo dwaroni, mana kaka ondiki kuoma e Muma.’ ”

Jo-Hibrania 10:7 ပူးပေါင်းရင်းမြစ်များ

Chakruok 3:15

Anaket sigu e kindi gi dhako, kendo e kind kothi gi kothe. Nyikwaye noto wiyi, to in nika ofunj tiendgi.”

Ezra 6:2

To kitabu moro noyud Ekbatana, dala ruoth manie piny Media, mondikie niya:

Ngeche 8:31

ka ahero piny mosechueyo, kendo amor gi ji modakie.

Isaya 50:5

Ruoth Nyasaye oseyawo ita, mi ok asetamora winjo wachne, bende ok aselokora mi aweye.

Jeremia 36:2

“Kaw kitabu mondo indikie weche duto ma asenyisi kuom Israel gi Juda kod ogendini duto, chakre chieng’ mane akwongo losoe kodi e ndalo loch ruoth Josia nyaka chil kawuono.

Ezekiel 2:9

Bang’ wechego, ne aneno lwedo moting’o kalatas modol, korie kochomo kuma antie.

Ezekiel 3:1

Eka Nyasaye nowachona niya, “In wuod dhano, cham kalatas manie nyimini, mondo idhi iwuo gi jo-Israel.”

Johana 4:34

Yesu nowachonigi ni, “Chiemba en timo gima Jal mane oora dwaro, kendo tieko tich mane omiya.

Johana 5:30

“An ok anyal timo gimoro gi tekona awuon. Ang’ado bura mana kaka Nyasaye onyisa, kendo bura mang’ado en bura makare, nikech ok adwar timo gima an ema adwaro, to atimo mana gima Jal mane oora dwaro.

Johana 6:38

nikech ok aselor aa e polo mondo atim gik ma Jal mane oora dwaro.