Jo-Hibrania 10:34 - MUMA MALER 2015

³⁴ Ne usandoru kaachiel gi joma ne otue e jela, bende ne uyie mondo oyak giu, kung’eyo ni un gi mwandu maber moloyo, kendo mosiko.

Motingʼo Loko Manyien

³⁴ Chunyu ne sandore kaachiel gi joma otwe nikech Kristo, kendo numor kimayou giu githuon nikech nungʼeyo ni un uwegi un gi mwandu mabeyo moloyo kendo mosiko.

Jo-Hibrania 10:34 ပူးပေါင်းရင်းမြစ်များ

Eklesiastes 3:6

kinde mar dwaro gimoro, gi kinde ma gimoro lalie, kinde mar rito gimoro, gi kinde mar wito gimoro,

Mathayo 19:21

Yesu nowachone niya, “Ka idwaro doko malong’o chutho, to dhiyo mondo ilok mwanduni pesa, mondo ipog ni joma odhier, eka inibed gi mwandu e polo, to kisetimo kamano, to bi iluwa.”

Luka 10:42

to gimoro achiel kende ema dwarore, kendo Maria ema oseyiero gino. En gima ber moloyo, kendo onge ng’ama nomaye.”

Luka 12:33

Lokuru giu duto pesa mondo upog ni joma odhier, eka ubed gi mwandu mak rum e polo, kuma jakuo ok dhiye, kendo kuma olwenda ok kethie gik moko,

Luka 9:25

Ere ohala ma ng’ato yudo, ka onwang’o piny duto, to en owuon owito ngimane, mi olal?

Tich Joote 21:33

Jaduongno nodhi ir Paulo, mi omake, kendo ogolo chik mondo otweye gi nyoroche ariyo. Eka ne openjo ji ni, “En ng’a? To ang’o ma osetimo?”

Tich Joote 28:20

Mano emomiyo aseluongou mondo alos kodu, nimar otueya gi nyororoni mana nikech ageno kuom Jal ma jo-Israel duto bende ogeno kuome.”

Tich Joote 5:41

Joote noa e od bura kamor ahinya, nimar Nyasaye noseyierogi mondo giyud wichkuot nikech nying Yesu.

2 Jo-Korintho 5:1

Wang’eyo ni ka ringrewa, ma en kiru mwadakie e pinykani, omuki, to wan gi ot ma Nyasaye osegeronwa e polo. En ot mosiko nyaka chieng’, ma ok oger gi lwet dhano.

Jo-Efeso 3:1

Mano emomiyo an Paulo, ng’at motue mar Kristo Yesu nikech un joma ok jo-Yahudi, agoyo chonga piny mondo alem.

Jo-Efeso 4:1

Emomiyo, an ng’at motue nikech Ruoth, akwayou ni mondo uwuoth mowinjore gi luong mane Nyasaye oluongougo.

Jo-Efeso 6:20

ma an jaotene, kata an ng’at ma otue kamano. Adier, lemnauru mondo awuo kuome gi chir kaka owinjore awuo.

Jo-Filipi 1:7

En kare mondo apar kamano kuomu uduto, nikech aherou ahinya, kendo nikech uduto uriworu koda e ng’wono ma Nyasaye osemiya mar bedo e tuech, kendo mar temo siro adiera mar Injili kendo jiwo.

Jo-Kolosai 1:5

Kane wach maradier, ma en Wach Maber obironu mokwongo, ne uwinjo wach geno ma okelo. Kuom mano, yieu kod herau owuok kuom gima ugeno ma okannu maber e polo.

1 Timotheo 6:19

Ka gitimo kamano, to ginikan mwandu ma nobednigi mise maber e ndalo mabiro, mondo giyud ngima ma en ngima maradier.

2 Timotheo 1:16

To Ruoth mondo oguedh jood Onesiforo, nikech noduogo chunya ndalo mang’eny, kendo wiye ne ok okuot koda kane an e jela,

2 Timotheo 2:9

Wach Maberno ema omiyo isanda kendo itueya gi nyororo ka ng’at motimo gik maricho. To wach Nyasaye ok nyal tue!

2 Timotheo 4:8

Koro gima okanna en mana osimbo mimiyo joma kare, ma Ruoth ma jang’ad bura makare biro miya chieng’ birone. To ok an kenda ema nomiya osimbo, to nomi koda ka ji duto morito birone gi chunygi duto.

Jo-Hibrania 11:16

To koro ne gigombo piny maber moloyo, tiende ni piny polo. Mano emomiyo wi Nyasaye ok kuodi kiluonge ni Nyasachgi, nikech oseikonigi dala.

Jo-Hibrania 13:14

nimar e pinyni waonge gi dala mosiko, to wageno yudo dala mapod biro.

Jo-Hibrania 13:3

Paruru joma nie jela, mana ka gima un bende otueu kodgi. Joma chandore bende paruru mana ka gima un bende un kodgi.

Jo-Hibrania 9:15

Omiyo Kristo e jal makelo winjruok manyien, mondo jogo mane oluongi oyud mwandu mochwere mane Nyasaye osingore ni gibiro yudo. Mano nyalo timore nikech tho osebetie makelo resruok kuom richo mane otim e ndalo winjruok machon.

Jakobo 1:2

Owetena, ka uyudo tem mayoreyore, to kwanreuru ka johawi,

1 Petro 1:4

En geno mar yudo mwandu mosiko nyaka chieng’. Okanonugo e polo, kuma ok onyal kethoree kata towie.

1 Johana 3:2

Osiepna, kata mana sani wan nyithind Nyasaye, to kaka wabiro bet pok ofwenyore, to wang’eyo ni ka Kristo ofwenyore, to wanabed machal kode, nikech wananene kaka ochal.