Jo-Hibrania 10:30 - MUMA MALER 2015

³⁰ Wang’eyo Jal mane owacho niya, “An ema nachul kuor. Adier, anachul maonge kiawa!” kendo mane owacho ni ni, “Ruoth nong’ad bura ni joge.”

Motingʼo Loko Manyien

³⁰ Nikech wangʼeyo Jal manowacho niya, “An awuon ema anachul kuor. Adier abiro chulo kuor maonge kiawa,” kendo niya, “Ruoth biro yalo joge.”

Jo-Hibrania 10:30 ပူးပေါင်းရင်းမြစ်များ

Zaburi 135:14

Ruoth Nyasaye nong’ad ni joge bura maber, konyiso ni gin kare kendo kong’wononigi.

Zaburi 50:4

Oluongo polo gi piny mondo obed joneno ka ong’ado ni joge bura.

Zaburi 94:1

A Ruoth Nyasaye, in Nyasaye machulo kuor. Nyiswa kaka ichalo!

Zaburi 96:13

nikech obiro mondo orit piny. Adier, obiro rito ji duto mae piny gi bura makare kod adiera.

Zaburi 98:9

nimar obiro mondo orit piny. Adier, obiro rito ogendini duto mae piny gi bura makare kod adiera.

Isaya 59:17

Ne orwakore gi tim makare ka law akor mar nyinyo, kendo ne orwako warruok ka ogut lweny. Bende ne orwako chulo kuor ka ng’ama rwako law, kendo mirima mager ema ne obolo kuome ka law abola.

Isaya 61:2

Bende oseora mondo ahul ni ma e higa ma Ruoth Nyasaye biro guedhoe joge, kod chieng’ ma Nyasachwa biro chuloe kuor.

Isaya 63:4

Ne asechano chieng’ ma achuloe kuor, kendo higa ma aresoe joga osechopo.

Ezekiel 18:30

“Emomiyo an Ruoth Nyasaye anyisou un jo-Israel ni abiro kumo ng’ato ka ng’ato kuomu mana maromre gi timbene. Kuom mano, weuru timbeu mamono duto mondo kik uwe richo tieku.

Ezekiel 34:17

“Koro un jamba, an Ruoth Nyasaye awachonu ni abiro ng’ado bura moro ka moro kuomu, mi apog mabeyo kuom maricho, kendo anapog imbe kuom nyuogi.

Tim jo-Lawi 19:18

Kik ichul kuor kata kik ibed mamon gi jowadu, to nyaka iher wadu kaka iherori iwuon. An e Ruoth Nyasaye.

Nahum 1:2

Ruoth Nyasaye en Nyasaye ma janyiego kendo ma jachul kuor gi mirimbe mager. Okano mirima e chunye mondo ochulgo ni wasike kuor.

Jo-Rumi 12:19

Osiepena, kik uchul kuor, to kar chulo kuor to weuru mondo mirimb Nyasaye ema otim kamano, nikech ondiki e Muma ni Ruoth Nyasaye owacho niya, “An ema nachul kuor. Adier, anachul maonge kiawa!”

Jo-Rumi 13:4

nikech gin jotich Nyasaye matiyo mondo okonyi. To ka itimo marach to gin jotich Nyasaye matoyo mirimb Nyasaye kuom joketho.

2 Jo-Korintho 5:10

nikech waduto nyaka wachung’ e nyim kom bura mar Kristo, mondo ng’ato ka ng’ato oyud pok moromo gi gik mabeyo kata maricho mane otimo kapod en e ringruok.

1 Samuel 25:26

Emomiyo koro ruoth, Ruoth Nyasaye osegeng’i mondo kik ichuer remo, kichulo kuor gi lweti iwuon. Gi nying Ruoth Nyasaye, kendo gi nyingi iwuon, wasiki duto kod jogo duto ma dwaro timoni marach mondo obed kaka Nabal.

1 Samuel 26:10

Eka nomedo wacho niya, “Gi nying Ruoth Nyasaye, Ruoth Nyasaye ema chieng’ notieke, kata ka chieng’ thone ochopo, kata kodhi e lweny.