Jo-Hibrania 10:12 - MUMA MALER 2015

¹² Kristo to notimo misango achiel kende mar golo richo, moromo nyaka chieng’, mi obet e bad Nyasaye korachwich, mana kaka Muma wacho.

Motingʼo Loko Manyien

¹² Kristo to notimo misango mar golo richo dichiel kende, mi obet piny e bat korachwich mar Nyasaye.

Jo-Hibrania 10:12 ပူးပေါင်းရင်းမြစ်များ

Zaburi 110:1

Ruoth Nyasaye ne owacho ni ruodha niya, “Bed abeda korachwich ka nyaka chop aket wasiki obed raten tiendi.”

Mariko 16:19

Kane Ruoth Yesu osewuoyo kodgi kamano, ne otere e polo, mi obet e bat korachwich mar Nyasaye.

Jo-Rumi 8:34

Koso ere ng’ama ding’adnwa bura, ka Kristo Yesu ema ne othonwa? To ok tho ema nothonwa kende, to bende ne ochier, mi obet e bat korachwich mar Nyasaye, kendo en ema okwayonwa!

Jo-Efeso 5:2

Beduru gi hera, mana kaka Kristo noherowa, mi ochiwonwa ngimane obedo misango madum tik mamit ni Nyasaye.

Jo-Kolosai 3:1

Osechieru kaachiel gi Kristo ua kuom joma otho, omiyo nyaka uket chunyu kuom gik man malo, kuma Kristo obetie e bat korachwich mar Nyasaye.

Jo-Hibrania 1:3

En ema orieny kaka duong’ maler mar Nyasaye, kendo en e kit Nyasaye hie, kendo en ema omiyo gik moko duto osiko nikech wachne man gi teko. Kane en owuon oseloso yor pwodhruok kuom richo, nobet piny e bat korachwich mar Nyasaye manie polo.

Jo-Hibrania 10:10

Wan to opwodhowa nikech Yesu Kristo nochiwo ringre owuon nyadichiel kende, kotimo mana gima ne Nyasaye dwaro.

Jo-Hibrania 10:14

Osemiyo joma opwodhi kamano odoko joma long’o chuth nyaka chieng’ kuom misango achiel mane otimono.

Jo-Hibrania 5:1

Jodolo madongo duto iyiero kuom ji, kendo iketogi mondo giti ni ji e nyim Nyasaye, ka gichiwo mich gi misengni migologo richo.

Jo-Hibrania 5:3

Mano emomiyo nyaka gitim misengni ma gigologo richogi giwegi mana kaka gitimo ni ji.

Jo-Hibrania 7:27

Onge gima dimi otim misengni pile, kaka jodolo madongo moko kwongo timo misengni ma gipwodhogo richogi giwegi, to eka gitimo misengni mipwodhogo richo oganda. En to notimo misango dichiel kende, kane ochiwore en owuon ka misango.

Jo-Hibrania 8:1

To wach maduong’ kuom weche ma wasewacho e ma: Chutho wan gi jadolo maduong’ ma kamano. Obet e bat korachwich mar Kom Duong’ manie polo.

Jo-Hibrania 9:12

Kristo nodonjo Kama Ler dichiel kende, to ok koting’o remb diek kata remb nyiroye, to mana koting’o rembe owuon, mi oyudonwa warruok mochwere.

Jo-Hibrania 9:14

to koro remb Kristo dipwodh chunywa maler marom nadi! Kuom Roho mochwere, Kristo nochiwore owuon ni Nyasaye ka misango maonge songa, mi ogolowa e timbe materowa e tho, mondo walam Nyasaye mangima.