Jo-Hibrania 10:1 - MUMA MALER 2015

¹ To Chik Musa oting’o mana kido mar gik mabeyo mabiro, to ok giting’o gigo hie. Misengni ma jodolo timo ka luwore gi Chik gitimo higa ka higa. To mano nyiso ni Chik ok nyal miyo jolemo bed kare chutho,

Motingʼo Loko Manyien

¹ Chik en mana tipo mar gik mabeyo mabiro to ok en gigo hie. Kuom mano ok nyalre mondo misengini minuoyo higa ka higa oket joma sudo ir Nyasaye kalame obed makare chuth.

Jo-Hibrania 10:1 ပူးပေါင်းရင်းမြစ်များ

Tim jo-Lawi 9:16

Bang’ mano nokelo chiayo mane ibi timgo misango miwang’o pep, mi notiyo kode kaka chik dwaro.

Jo-Rumi 8:3

Gima Chik Musa ne ok nyal timo nikech nyawo mar dhano e gima Nyasaye notimo kane ooro Wuode e kido mar ringruok machal mana gi ringrewa matimo richo, mondo obed misango magolo richo. Kamano, kane en e ringruokno, nomiyo bura oloyo richo,

Jo-Kolosai 2:17

Gigo duto gin mana tipo mar gik mabiro, to adiera wuon en Kristo.

Jo-Hibrania 10:22

wasuduru ir Nyasaye gi chuny maradier, kendo ka wan gi yie motegno, bende ka chunywa manyisowa ni wan joketho opwodhi, kendo ka ringrewa olwoki gi pi maliw.

Jo-Hibrania 7:11

Chik mane omi jo-Israel notenore kuom tich dolo mar jo-Lawi. To ka dine bed ni tich dolo mar jo-Lawi ochopo tichne maonge gima orem, to onge gima dine mi jadolo moro machielo wuogi e kanyakla mar Melkizedek, to ok e kanyakla mar Harun.

Jo-Hibrania 8:5

Tich ma jodologo chiwo en kido gi tipo mar tich manie polo, mana kaka tich Musa bende nobet, nikech kane Musa chako tich gero Hema mar Romo gi Nyasaye, to Nyasaye nowachone niya, “Neni iloso gik moko duto machal gi kido mane onyisi e got.”

Jo-Hibrania 9:11

To koro Kristo osebiro. En jadolo maduong’ ma wuon gik mabeyo ma koro nitie ka. Hema ma otiyoe en hema man gi duong’ moloyo kendo malong’o chuth. En hema ma ok olos gi lwedo, tiende ni ok en mar piny mochueni.

Jo-Hibrania 9:23

Kane owinjore ni gigo, ma gin mana kido mag gik manie polo, nyaka pwodh gi misengni ma kamago, to kara gik manie polo hie nyaka pwodh gi misengni mabeyo moloyo mago.

Jo-Hibrania 9:25

Ok odonj mondo ochiwre pile, kaka jadolo maduong’ donjo Kama Ler higa ka higa gi remb chiayo,