Jo-Hibrania 1:9 - MUMA MALER 2015

⁹ Ihero timbe makare, to imon gi timbe maricho. A Nyasaye, mano emomiyo Nyasachi oseyieri ruoth, mowiri gi mo, komiyi mor mang’eny moloyo mor mosemiyo jowadu.”

Motingʼo Loko Manyien

⁹ Isehero tim makare to imon gi timbe maricho; emomiyo Nyasaye ma Nyasachi osetingʼi malo moyombo jowadu, nikech osewiri gi mo mamiyi mor.”

Jo-Hibrania 1:9 ပူးပေါင်းရင်းမြစ်များ

Zaburi 11:5

Onono joma beyo kaachiel gi joma richo, kendo chunye mon gi ng’at matimo timbe mahundu.

Zaburi 119:104

Chikeni ema miya rieko, omiyo achayo timbe duto maricho.

Zaburi 119:128

Kuom mano, aluwo chikeni duto, to yore maricho duto amon-go.

Zaburi 2:2

Ruodhi mag piny gi jotelo hodho wach mondo opiem gi Ruoth Nyasaye kod ruoth moyiero.

Zaburi 2:6

Owacho niya, “Ruoth ma ayiero aseketo ewi Sayun, goda maler.”

Zaburi 23:5

Iketo chiemo e nyima mana ka wasika duto neno. Irwaka gi ng’wono ka iwiro wiya gi mo, kendo ipong’o kikombena, mi o piny.

Zaburi 33:5

Ohero gik makare, kendo ma adiera, bende herane mosiko opong’o piny.

Zaburi 37:28

nikech Ruoth Nyasaye ohero gima kare, kendo ok ojwang’ joma oluore, to oritogi pile. Nyikwa joricho to notiek chuth.

Zaburi 40:8

Amor ahinya ka atimo gima idwaro. Ee, akano chikni e chunya.”

Zaburi 45:6

Lochni chalo gi loch Nyasaye mosiko nyaka chieng’, kendo irito pinyi gi adiera,

Zaburi 45:7

Ihero timbe makare to imon gi timbe maricho. Mano emomiyo Nyasaye ma Nyasachi oseyieri ruoth, mowiri gi mo komiyi mor mang’eny moloyo mor ma osemiyo jowadu.

Zaburi 89:20

Aseyiero Daudi jatichna, mi awire gi mo ka akete ruoth.

Zaburi 89:26

Enowachna niya, ‘In e wuora kendo Nyasacha. Bende in e lwandana ma ageng’orae.’

Ngeche 8:13

Luoro Ruoth Nyasaye en bedo mamon gi richo. An amon gi sunga kod wang’teko, kaachiel gi timbe mamono kod weche mag miriambo.

Isaya 61:1

Roho mar Ruoth Nyasaye ni kuoma, nikech Ruoth Nyasaye oseyiera, mowira mondo aland wach maber ni joma odhier. Oseora mondo akue chuny jogo ma neno masira, bende mondo ahul ni joma omaki ni koro gin thuolo, kendo ahul ni joma otue ni koro ogonygi.

Isaya 61:3

Abiro hoyo chuny ji duto man gi lit, kendo gik ma abiro miyogi e magi: Maua mabeyo, kar buru ma gibukorego; kendo mor, kar lit ma gin go, kod pak, kar bedo gi chuny mool. Enoluonggi ni, yien mag tim makare, ma Ruoth Nyasaye opidho mondo oyudgo duong’.

Isaya 61:8

nimar an Ruoth Nyasaye ahero adiera, to amon gi mecho kod timbe mamono. Omiyo abiro miyou pok ma ok lokre, mi atim kodu singruok mochwere.

Amos 5:15

Beduru mamon gi gik maricho, to heruru gik mabeyo, kendo gururu bura makare e ut bura, nikech dipo ka Ruoth Nyasaye Manyalo Gik Moko Duto otimo ng’wono ni joka Josef modong’.

Zekaria 8:17

Kik ng’ato chan timo gima mono ni wadgi, kendo kik ukuong’ru gi miriambo, nikech amon gi gik ma kamago duto. An Ruoth Nyasaye Manyalo Gik Moko Duto ema awacho kamano.”

Kwan 7:43

Nochiwo nyalaro mar fedha ma pekne romo kilo mia achiel gi piero adek, kopim gi rapim mitiyogo e tich Nyasaye, gi tawo mar fedha ma pekne shekel piero abiriyo. Giduto ne giting’o mogo moruw gi mo mitimogo misango mar cham.

Luka 4:18

“Roho mar Ruoth Nyasaye ni kuoma, nikech oseyiera mi owira, mondo aland Wach Maber ni joma odhier. Oseora mondo ahul ni joma otue ni koro ogonygi, kendo ni muofni ni oyaw wengegi, bende ni, mondo ahul ni joma isando ni giyudo thuolo

Johana 1:41

Gikanyono Andrea nodhi oyudo Simon owadgi, mowachone niya, “Wasenwang’o Mesia!” (Tiende ni Kristo.)

Johana 10:17

“Wuora ohera nikech ayie chiwo ngimana mondo chieng’ moro achak ayude kendo.

Johana 20:17

To Yesu nowachone ni, “We maka, nikech pok aidho adhi ka Wuora, to dhiyo ir owetena, mondo iwachnigi ni, an aidho adhi ka Wuora ma bende Wuonu. Adier, adhi ka Nyasacha ma Nyasachu.”

Johana 3:34

Jal mane Nyasaye ooro wacho mana weche Nyasaye, nimar Nyasaye chiwo Roho mogundho, ma ok ong’wonyo lwete.

Tich Joote 10:38

Ung’eyo kaka Nyasaye noyiero Yesu ja-Nazareth, komiye Roho Maler, kendo omiye teko. Ne odhi kuonde duto, kotimo timbe mabeyo, kendo ochango ji duto mane Satan sando, nikech Nyasaye ne ni kode.

Tich Joote 4:26

Ruodhi mag piny noikore, kendo jotelo nochokore kaachiel mondo opiem gi Ruoth Nyasaye kod Mesia mare.’

Tich Joote 4:27

“Chutho, Herode gi Pontio Pilato nochokore Jerusalem kod ogendini mamoko kaachiel gi jo-Israel, ka gipiem gi Yesu Jatichni Maler mane iyiero obedo Mesia.

Jo-Rumi 12:9

Herau mondo obed maonge miganga. Beduru mosin gi gik maricho, to sikuru kuom gik mabeyo.

Jo-Rumi 15:13

Nyasaye ma wuon geno opong’u gi mor duto kod kue nikech uyie kuome, mondo geno maru omedre mogundho kuom teko mar Roho Maler.

1 Jo-Korintho 1:9

Nyasaye mane oluongou mondo ubed e achiel gi wuode Yesu Kristo Ruodhwa en jaadiera.

2 Jo-Korintho 11:31

Nyasaye ma Wuon Ruoth Yesu ma ipako nyaka chieng’ ema ong’eyo ni ok ariambi.

Jo-Galatia 5:22

To gik ma Roho nyago gin: hera, mor, kue, horuok, ng’wono, ber, bedo jaadiera,

Jo-Efeso 1:3

Wagouru erokamano ni Nyasaye ma wuon Ruodhwa Yesu Kristo, nimar oseguedhowa, wan ma wan kuom Kristo, komiyowa mich duto mag Roho moa e polo.

Jo-Filipi 2:9

Mano emomiyo Nyasaye ne omiye duong’ ahinya e polo, kendo omiye nying’ moloyo nying’ duto.

Jo-Hibrania 2:11

Jal mapwodho ji, kaachiel gi jogo mipwodho, giduto gin nyithind ng’at achiel. Mano emomiyo oluongogi ni owetene, ma ok wiye okuot,

Jo-Hibrania 2:9

To gima waneno, en mana Yesu, mane Nyasaye omiyo obedo matin moloyo malaika kuom kinde manok mondo otho ni ji duto kuom ng’wonone mar Nyasaye. En ema Nyasaye nosesidhone osimbo mar duong’ kod pak, nikech rem mar tho mane oneno.

Jo-Hibrania 7:26

To jadolo maduong’ ma kamano ema wadwaro, nikech oler, kendo oonge ketho; chilo moro onge kuome, bende osepoge kuom joricho, kendo oseting’e malo moyombo polo.

1 Petro 1:3

Duong’ obed ni Nyasaye Wuon Ruodhwa Yesu Kristo. Kuom ng’wonone maduong’ nonywolowa gi nywol manyien kuom chiero Yesu oa kuom joma otho. Mano miyo wabedo gi geno mangima.

1 Johana 1:3

Wanyisou bende gik ma waseneno, kendo ma wasewinjo, mondo ubed e achiel kodwa, kaka wan bende wan e achiel gi Wuoro kod Wuode Yesu Kristo.

Fweny 2:15

Kamano bende in gi jomoko maluwo puonj jo-Nikolao, machalo gi puonj Balaamno.