Jo-Galatia 6:3 - MUMA MALER 2015

³ Ka ng’ato galo ni en gimoro, ka ok en gimoro, to owuondore owuon.

Motingʼo Loko Manyien

³ To ka ngʼato okawore moketore e duongʼ ma oongego, to ngʼatno wuondore owuon.

Jo-Galatia 6:3 ပူးပေါင်းရင်းမြစ်များ

Ngeche 25:14

Ji ma sungore ni biro chiwo gik moko, to bang’e ok chiw, chalo gi boche polo kod yamo ma ok kel koth.

Ngeche 26:12

Ber bedo ng’at mofuwo mogik moloyo bedo ng’at maparo ni riek, to chutho ok riek.

Luka 18:11

Ja-Farisai nochung’ kar kende, mi olemo niya, ‘A Nyasaye, agoyoni erokamano, nikech ok achal gi jomoko duto, ma jomecho kendo jagang wach kendo ma joma terore. To bende ok achal gi jasol osuruni.

Tich Joote 5:36

nikech e ndalo moko mokadho, Theuda nobiro kawacho ni en jatelo, mi ji ma dirom mia ang’wen noluwe. To nonege, kendo ji duto mane luwe noke, mi kargi olal nono.

Jo-Rumi 12:16

Beduru joma winjore, kendo kik ubed joma sungore, to beduru e achiel gi ji duto. Kik ukawru ni uriek.

Jo-Rumi 12:3

Kaka Nyasaye osemiya mich kuom ng’wonone, anyisou ni ng’ato ka ng’ato kuomu kik ketre e duong’ moongego, to mondo opar maber maromre gi yie ma Nyasaye osepogone.

1 Jo-Korintho 13:2

Kata da bed ni an gi mich mar hulo wach moa kuom Nyasaye, kendo ang’eyo midhierni kod rieko duto, kendo kata da abed gi yie mogik ma anyalo gologo gode kuonde ma gintie, to aonge gi hera, to ok an gimoro ngang’!

1 Jo-Korintho 3:18

Kik ng’ato wuondre owuon! Ka ng’ato kuomu galo ni en ng’at mariek, kaka pinyni okwano rieko, to onego obed mofuwo, eka mondo obed mariek adier,

1 Jo-Korintho 8:2

Ka ng’ato paro ni ong’eyo gimoro, to mano nyiso ni pok ong’eyo gimoro kaka onego ong’e.

2 Jo-Korintho 12:11

Atimora ka ng’ama ofuwo, to un ema usemiyo abedo kamano. Ne onego upwoya, nimar kata obedo ni ok an gimoro, to joote muparo ni dongogo ok oloya kata matin.

2 Jo-Korintho 3:5

Wan to waonge gi teko moro kuomwa wawegi mamiyo wawacho ni wanyalo timo gimoro, to gima wan-go a mana kuom Nyasaye,

Jo-Galatia 2:6

To jogo mane onenore ka jotelo ne ok omiya wach moro manyien. (Awacho ni ne ginenore ka jotelo, nikech ok adewo gima gin, nimar Nyasaye ok odewo nenruok maoko mar dhano.)

Jo-Galatia 2:9

Kuom mano, Jakobo gi Petro kod Johana, ma ji oyiego ni jotelo mag kanyakla mar jo-Kristo, nong’eyo mich mane Nyasaye osemiya kuom ng’wonone, mi gimako lwet Barnaba kod lweta kaka ranyisi ni wariwore kodgi e tich. Ne wawinjore waduto ni wan wadhi ir joma ok jo-Yahudi to gin gidhi ir jo-Yahudi.

2 Timotheo 3:13

To joma richo gi joma wuondore nomed bedo joma richo moloyo, ka giwuondo ji, kendo gin bende iwuondogi.

Jakobo 1:22

To kik uwuondru, kuwinjo wach awinja, to beduru joma timo gima uwinjo.

Jakobo 1:26

Ka ng’ato galo ni en jalemo maber to ok orito lewe, to mano owuondore awuonda, kendo lemo mare onge tich.

1 Johana 1:8

Ka wawacho ni waonge richo, to wawuondore kendwa, kendo adiera onge e chunywa.