Jo-Galatia 5:7 - MUMA MALER 2015

⁷ Ne onwang’o uchako maber. Ng’ano mane otamou mondo kik uwinj adiera? Ere kaka ne osemou?

Motingʼo Loko Manyien

⁷ Jo-Galatia, yande uringo ngʼwech maber, en ngʼa moseduodou motamou luwo adiera?

Jo-Galatia 5:7 ပူးပေါင်းရင်းမြစ်များ

Mathayo 13:21

To wachno ok moki e chunye, omiyo ok odag aming’a kendo ka chandruok kata sand moro obiro nikech wachno, to opodho piyopiyo nono.

Tich Joote 6:7

Kamano Wach Nyasaye nolandore, kendo kwan jopuonjre nomedore ahinya e Jerusalem. Jodolo mang’eny bende noyie kuom Yesu.

Jo-Rumi 10:16

To ok en ni ji duto ne oyie Wach Maberno, to obet mana kaka Isaya wacho niya, “Ruoth, ere ng’ama oseyie wach mwalando?”

Jo-Rumi 15:18

An ok dawuo kuom gimoro ma an asetimo, to dawuo mana kuom gik mane Kristo osemiyo atimo mondo joma ok jo-Yahudi oluor Nyasaye.

Jo-Rumi 16:26

To koro Nyasaye mochwere osechiko ni mondo oele e lela mondo ogendini duto oyie kuome kendo omak chikne, mana kaka jonabi nondiko e Muma.

Jo-Rumi 2:8

To joma dwaro mana gigi giwegi, kendo ok dwar gima kare, to dwaro mana luwo gima ok kare noyud kum gi mirima mager.

Jo-Rumi 6:17

To wagoyo ni Nyasaye erokamano nikech kata obedo ni yande un wasumb richo, to koro urito puonj mane omiu gi chunyu duto.

1 Jo-Korintho 9:24

Donge ung’eyo ni jong’uech duto ringo e pap, to achiel kende ema yudo pok? Un bende ringuru mondo uyombi.

2 Jo-Korintho 10:5

kod sunga mamon gi rieko mar Nyasaye. Waketo paro duto mag dhano e tuech mondo owinj Kristo.

Jo-Galatia 2:2

Ne adhi nikech Nyasaye nonyisa ni mondo adhi, mi achokora gi jodong kanyakla mar jo-Kristo kar kendgi, kendo nanyisogi Wach Maber ma alando ni joma ok jo-Yahudi, nimar ne ok adwar ni mondo tich mane asebedo ka atiyo, kata mapod atiyo, obed kayiem nono.

Jo-Galatia 3:1

Yaye, un jo-Galatia mofuwogi! Ng’ano moseirou, un mane onyisu wach tho Yesu ratiro, mana ka gima ogure e msalaba e wang’u kunenoni?

Jo-Galatia 5:10

An gi geno kuomu kuom Ruoth ni ok nurwak paro moro mayore, to ng’ato ang’ata machando parou noyud kum kuom Nyasaye, bed ni en ng’ama nade!

2 Jo-Thesalonika 1:8

e mach maliel mondo ochul kuor ni joma ok oyie Nyasaye, kendo ni joma odagi winjo Wach Maber man kuom Ruodhwa Yesu.

Jo-Hibrania 11:8

Yie ema nomiyo Ibrahim oyie luong mar Nyasaye, mi odhi e piny mane Nyasaye osingore ni nomiye, kendo noweyo pinygi ka okia kuma odhiye.

Jo-Hibrania 12:1

Emomiyo ka koro oganda mang’ongo mar joneno opie molworowa ka bor polo kama, to wan bende waweuru ting’ duto kod richo maduodowa, kendo waringuru matek, kwanano ni ng’uech moseketwae.

Jo-Hibrania 5:9

Kendo kane osebedo ng’ama kare chuth, nodoko jakel warruok mosiko ni ji duto mawinjo wachne,

1 Petro 1:22

Koro kaka usepwodho chunyu kuom winjo wach mar adiera, kendo uheroru maonge miganga kaka owete, omiyo herreuru chuth gi chunyu duto,