Jo-Galatia 4:7 - MUMA MALER 2015

⁷ Kuom mano, koro ok in misumba, to in wuowi. To kaka in wuod Nyasaye, en owuon obiro miyo ichamo gikeni mokano ni yawuote.

Motingʼo Loko Manyien

⁷ Omiyo koro ok un wasumbini, to un nyithind ot, to nikech un nyithind ot, Nyasaye osemiyo wadoko jocham girkeni.

Jo-Galatia 4:7 ပူးပေါင်းရင်းမြစ်များ

Chakruok 15:1

Bang’ wechego Ruoth Nyasaye nofwenyore ni Abram, mowacho ne niya, “Abram, kik iluor! An okumbani, kendo pokni nobed maduong.”

Zaburi 16:5

A Ruoth Nyasaye, in kendi ema an kodi, kendo imiya gik moko duto ma adwaro. Ngimana duto nie lweti.

Zaburi 73:26

Parona gi denda nyalo bedo manyap, to in e tekra, A Nyasaye. In kendi e mwanduna nyaka chieng’.

Jeremia 10:16

Nyasach Jakobo to ok chal gi gigo, nimar en ema ochueyo gik moko duto, kendo oseyiero jo-Israel mondo obed joge owuon. Ruoth Nyasaye Manyalo Gik Moko Duto e nyinge.

Jeremia 31:33

Singruok ma anatim gi dhood Israel bang’ ndalogo ema: Anaket chiekena e parogi, kendo anandikgi e chunygi. Anabed Nyasachgi, mi ginibed jogaa.

Ywagruok 3:24

Awacho niya, “Ruoth Nyasaye kende ema an-go, omiyo ageno kuome.”

Mathayo 6:24

“Onge ng’ama nyalo tiyo ni ruodhi ariyo, nikech dosin gi moro, to ohero machielo, kata domi achiel luor, to ochayo machiel. Omiyo, ok unyal tiyo ni Nyasaye, mi kendo uchak uti ni mwandu.

Jo-Galatia 3:26

nimar kuom yie uduto un nyithind Nyasaye kuom Yesu Kristo.

Jo-Galatia 3:29

To ka un jo-Kristo, to kara un nyikwa Ibrahim, kendo unuyud mich mane Nyasaye osingore.

Jo-Galatia 4:31

Kuom mano, owetena, ok wan nyithind dhako ma misumba, to wan nyithind dhako man thuolo.

Fweny 21:7

Ng’at molocho noyud gigo, kendo anabed Nyasache, to enobed wuoda.