Jo-Galatia 4:4 - MUMA MALER 2015

⁴ To kane ndalo mowinjore ochopo, Nyasaye nooro Wuode owuon. Wuodeno, dhako ema nonywolo, mi odak e bwo Chik Musa,

Motingʼo Loko Manyien

⁴ To ka kinde mane Nyasaye ochano nochopo, to nooronwa Wuode mane dhako onywolo, kendo mane onywol e bwo Chik,

Jo-Galatia 4:4 ပူးပေါင်းရင်းမြစ်များ

Chakruok 3:15

Anaket sigu e kindi gi dhako, kendo e kind kothi gi kothe. Nyikwaye noto wiyi, to in nika ofunj tiendgi.”

Chakruok 49:10

Juda nomak ludh loch, kochunge e kind tiendene, kobedo ruoth nyaka wuon loch ma biro rito ogendini duto, chopi.

Isaya 48:16

Suduru machiegni koda mondo uwinj wachnani: Nyaka nene pok asewuoyo ling’ling’. Chieng’ mane gigo duto chakore ne antie.” (To koro Ruoth Nyasaye oseora, kaachiel gi Roho mare.)

Isaya 7:14

Koro Ruoth Nyasaye owuon biro miyou ranyisi ma chalo kama: Nyako moro osemako ich, kendo obiro nywolo wuowi, ma obiro chako ni Emanuel, (ma tiende ni, Nyasaye ni kodwa.)

Jeremia 31:22

Ubiro digni kamano nyaka karang’o, un joma andhokegi? An Ruoth Nyasaye asechueyo gimoro ma hono: asemiyo dhako odoko maratego mana ka dichwo!”

Zekaria 6:12

kiwachone niya, ‘Weche ma Ruoth Nyasaye Manyalo Gik Moko Duto owacho e magi: Jali e ng’at miluongo ni Badyath. Obiro dhi nyime maber, kodongo piyopiyo kama entie, kendo obiro gero Hekalu mar Ruoth Nyasaye.

Malaki 3:1

To Ruoth Nyasaye Manyalo Gik Moko Duto dwoko kama: “Abiro oro jaotena otel, mondo olosna yo. Bang’e Ruoth mudwaro nobi apoya e Hekalu mare, kendo jaote mudwaro nenono nobi, mi nohul weche mag singruokna.

Kwan 28:22

Bende nyaka uchiw nywok mondo otimgo misango mar golo richo, upwodhrugo.

Mathayo 1:23

“Nyako nomak ich, mi nonywol wuowi, kendo nochake ni Emanuel, tiende ni, Nyasaye ni kodwa.”

Mathayo 3:15

To Yesu nodwoke niya, “We otimre kamano sani, nimar kamano e kaka watimo gik moko duto ma Nyasaye dwaro.” Mano omiyo Johana ne oyie mondo obatise.

Mathayo 5:17

“Kik upar ni asebiro ni mondo aketh Chik Musa kata ni mondo aketh weche jonabi, to asebiro mana ni mondo achopgi.

Mariko 1:15

kowacho niya, “Kinde osechopo! Loch Nyasaye chiegni. Lokreuru uwe richou, uyie kuom Wach Maber.”

Luka 1:31

Ibiro mako ich, kendo ninywol nyathi ma wuowi, michak nyinge ni Yesu.

Luka 1:35

Eka malaika nodwoke ni, “Roho Maler biro lor kuomi, kendo teko mar Nyasaye Maduong’ Moloyo biro umi. Kuom mano, nyathi maler mibiro nywolono noluong ni, ‘Wuod Nyasaye’.

Luka 2:7

mi ne onywolo nyathine makayo ma wuowi. Ne oboye gi nanga, mi opiele e sanduk mimiyoe dhok chiemo e kisika dhok, nikech thuolo ne onge e od welo.

Luka 20:44

Kamano waneno ni Daudi ema luongo Mesia ni Ruoth. Koro ere kaka Mesia dibed nyakwar Daudi?”

Johana 1:14

Wach nodoko dhano, mi odak kodwa, kende ne waneno duong’ne maler. En duong’ machalo gi duong’ mar Wuowi ma miderma, mopong’ gi ng’wono kod adiera.

Johana 10:36

Kane Nyasaye oluongo joma ne wachne obironigi ni, ‘Nyiseche’ kamano, koro ere gima omiyo uwacho ni apiem gi Nyasaye, ka awacho ni an Wuod Nyasaye? To an ema Nyasaye ne oyiera, mi oora e piny ka!

Johana 3:16

Nyasaye nohero piny ahinya kama, omiyo nochiwo Wuode ma miderma mondo ng’ama oyie kuome kik lal, to obed gi ngima ma nyaka chieng’.

Johana 6:38

nikech ok aselor aa e polo mondo atim gik ma Jal mane oora dwaro.

Johana 8:42

Yesu nowachonigi niya, “Ka dabed ni Nyasaye e wuonu adier, to da uhera, nikech an ne aa ka Nyasaye, kendo koro an kodu ka. Ne ok abiro gi tekona awuon, to En ema noora.

Tich Joote 1:7

To nodwokogi ni, “Ok en wachu ng’eyo kinde ma gik ma kamago biro timoree, nikech Wuora oseketonigi ndalo ma gibiro timoree gi tekone owuon.

Jo-Rumi 1:3

En Wach Maber mawuoyo kuom Wuode ma Ruodhwa Yesu Kristo. Korka anywola mar dhano, ne en nyakwar Daudi,

Jo-Rumi 15:8

Awachonu ni Kristo nodoko jatich jo-Yahudi mondo onyis ji ni Nyasaye en jaadiera, tiende ni mondo omi gima ne Nyasaye osingore ni kwerewa otimre,

Jo-Rumi 5:6

Kane pod ok wanyal gimoro, wan joma ok oluoro Nyasaye, to Kristo nothonwa e ndalo mane Nyasaye oketo.

Jo-Rumi 8:3

Gima Chik Musa ne ok nyal timo nikech nyawo mar dhano e gima Nyasaye notimo kane ooro Wuode e kido mar ringruok machal mana gi ringrewa matimo richo, mondo obed misango magolo richo. Kamano, kane en e ringruokno, nomiyo bura oloyo richo,

Jo-Rumi 9:5

Gin e nyikwa kwerewa madongo machon, kendo korka anywola, to Mesia ne oa e ogandagi. Opak Nyasaye Moloyo Gik Moko Duto nyaka chieng’! Amin.

Jo-Efeso 1:10

Osechano mondo oriw gik moko duto manie polo kod manie piny obed e achiel kuom Kristo.

Jo-Kolosai 2:14

Norucho wach mane ondiki motueyowa ni nyaka wamak Chik. Wachno nodonjonwa kuom kethowa duto to ne ogole oko chuth, kogurogo e msalaba.

1 Timotheo 2:6

En ne ochiwore mondo owar ji duto. Kamano kane kinde mowinjore ochopo, to nonyiso ratiro ni Nyasaye dwaro waro ji duto.

1 Timotheo 3:16

Chutho, mano kaka adiera mar yie mwapuonjo duong’ ahinya! Owacho niya, “Kristo nobiro e ringruok ka dhano. Roho ne onyis ni oonge gi ketho. Malaika ne onene. Ne oland nyinge e kind ogendini. Ji ne oyie kuome e piny ngima Ne otere malo e duong’.”

Jo-Hibrania 2:14

Emomiyo kaka nyithindogo nigi ringruok mar dhano, e kaka Yesu bende nokawo ringruok mar dhano. Notimo kamano mondo, kuom thone, oketh loch jal man gi teko mar tho, tiende ni Satan,

Jo-Hibrania 9:10

nimar gik mobadhe gin mana chiemo gi gik ma imadho kod tim lwok mopogore opogore. Magi gin mana chik mag tim maoko ma oketi mondo oti nyaka chop kinde ma Nyasaye losoe gik moko manyien.

1 Johana 4:14

Waseneno ni Wuoro nooro Wuode mondo obed Jawar mar piny, kendo wanyiso ji wachno.

1 Johana 4:2

To yo ma unyalo ng’eyogo ni en Roho mar Nyasaye e ma: Ng’ato ka ng’ato ma hulo ni Yesu Kristo osebiro e ringruok nigi Roho mar Nyasaye.