Jo-Galatia 2:5 - MUMA MALER 2015

⁵ To ne ok wayie winjo wachgi kata matin, mondo adiera mar Injili kik lalnu.

Motingʼo Loko Manyien

⁵ To ne ok waweyonegi thuolo kata matin, mondo eka adiera mar Injili kik lalnu.

Jo-Galatia 2:5 ပူးပေါင်းရင်းမြစ်များ

Nehemia 6:4

Ne giluonga kamano nyading’wen, to e kinde ka kinde nadwokogi mana machalre.

Tich Joote 15:2

To Paulo gi Barnaba nodhaw kodgi matek kakwerogi, omiyo owete noneno ni mondo ji ariyogo kaachiel gi jomoko odhi Jerusalem owuo gi joote kod jodong jo-Kristo kuom wachno.

Jo-Galatia 1:6

Awuoro kaka uselokoru piyopiyo uweyo Nyasaye mane oluongou kuom ng’wono mar Kristo, kendo koro uluwo Wach Maber machielo mopogore.

Jo-Galatia 2:14

To kane aneno ni timgino ok oluwore gi adiera mar Injili, ne awacho ni Petro e nyimgi duto niya, “In, in ja-Yahudi, to iluwo tim joma ok jo-Yahudi, koro marang’o ichuno joma ok jo-Yahudi mondo olu tim jo-Yahudi?”

Jo-Galatia 4:16

To koro asedoko jasiku nikech awachonu adiera koso?

Jo-Efeso 1:13

Kamano e kaka un joma ok jo-Yahudi bende ne uwinjo wach mar adiera, ma en Wach Maber mane okelonu warruok, mi uyie kuom Kristo, kendo Nyasaye nomiyou Roho Maler mane osingore ni nomiu, kaka ranyisi ni un joge.

Jo-Kolosai 1:5

Kane wach maradier, ma en Wach Maber obironu mokwongo, ne uwinjo wach geno ma okelo. Kuom mano, yieu kod herau owuok kuom gima ugeno ma okannu maber e polo.

1 Jo-Thesalonika 2:13

To bende wagoyo erokamano pile, nikech kane uyudo Wach Nyasaye mane wakelonu, to ne ok urwake mana ka wach dhano, to ne urwake ka Wach Nyasaye adier, matiyo e chunyu un joma oyie.

Juda 1:3

Osiepena, ne agombo ahinya mondo andiknu kuom warruok ma waduto wan-go, to koro aneno ni nyaka andiknu, kajiwou mondo umed kedo matek ni wach yie ma Nyasaye osemiyo joge dichiel kendo mogik.