Jo-Galatia 1:9 - MUMA MALER 2015

⁹ Kaka ne wawacho chon, e kaka amedo wacho ni, ka ng’ato opuonjou Wach Maber machielo mopogore gi mane uyudo, to Nyasaye mondo okuong’e.

Motingʼo Loko Manyien

⁹ Mana kaka wasewacho e kaka achako awacho kendo: Ka ngʼato koro yalonu Injili ma opogore gi mane urwako, to Nyasaye mondo okwongʼe nyaka chiengʼ!

Jo-Galatia 1:9 ပူးပေါင်းရင်းမြစ်များ

Ngeche 30:6

Kik ihang wach ni, Nyasaye owacho gimoro ma ok owacho, nikech obiro kumi, monyisi ni in jamriambo.”

Jeremia 23:16

Ruoth Nyasaye Manyalo Gik Moko Duto wacho ji jo-Jerusalem niya, “Kik uwinj gima jonabi wachonu, nikech gimiyo ugeno kuom gik ma ok bi timore. Ginyisou gik ma giparo apara giwegi, to ok gik ma an ema awacho.

Tich Joote 18:23

to bang’ bedo kuno kuom ndalo moko noa, mi owuotho e gwenge duto man Galatia gi Frugia, kotego chuny jopuonjre duto.

Jo-Rumi 16:17

Akwayou owetena ni beduru motang’ gi joma kelo pogruok kendo miyo ji lal, ka gitamore luwo puonj mane uyudo. Ayeuru kuom joma kamago,

Jo-Rumi 9:3

Dayie mondo an awuon Nyasaye okweda, mi gola kuom Kristo, kapo ni mano dikonygi.

2 Jo-Korintho 1:17

To uparo ni kane achano kamano to ne an jahubagabaga koso? Koso uparo ni achano yorena mana kaka dhano chano, ka weche ariyo, ma “Ee” gi “Ooyo” okikore e chunya?

Rapar mar Chik 12:32

“Neuru ni urito gik moko duto machikou. Kik umedie gimoro, kata kik ugolie gimoro.

Rapar mar Chik 4:2

Kik umed gimoro kuom gik ma achikou, kata kik ugol gimoro kuomgi. Rituru chike mag Ruoth Nyasaye adimba, mana kaka amiyougi.

Jo-Filipi 3:1

Koro oritu owetena, kendo beduru mamor kuom Ruoth. Onge teko moro ma aneno kuom nwoyonu weche mane asendikonu mokwongo, kendo en gima biro konyou.

Jo-Filipi 4:4

Beduru mamor pile kuom Ruoth kendo amedo wacho ni, beduru mamor.