Jo-Filipi 4:4 - MUMA MALER 2015

⁴ Beduru mamor pile kuom Ruoth kendo amedo wacho ni, beduru mamor.

Motingʼo Loko Manyien

⁴ Beduru mamor pile kuom Ruoth, kendo amedo jiwou ni beduru mamor!

Jo-Filipi 4:4 ပူးပေါင်းရင်းမြစ်များ

Zaburi 146:2

Anapake kuom ngimana duto. Ee, anadend Nyasacha gi wer ndalona duto.

Zaburi 33:1

Un ji duto morito chik Nyasaye, beduru mamor kuom gik ma Nyasaye osetimo, nimar joma kare ema onego opake.

Habakuk 3:18

to pod anamor amora kuom Ruoth Nyasaye, kendo anabed moil kuom Nyasaye jawarna.

Mathayo 5:12

Ka gik makamago otimorenu, to beduru mamor ahinya, nikech pok maduong’ okannu e polo, nimar kamano bende e kaka ne gisando jonabi mane okwongonu.

Tich Joote 16:25

Kar odiewuor tir, Paulo gi Sila noyudo lemo kendo wer ni Nyasaye, ka joma otwe mamoko to ochiko itgi winjogi.

Tich Joote 5:41

Joote noa e od bura kamor ahinya, nimar Nyasaye noseyierogi mondo giyud wichkuot nikech nying Yesu.

Jo-Rumi 12:12

Geno ma un-go mondo omi ubed mamor. Kisandou, to timuru sinani, kendo lemuru mak uweyo.

2 Jo-Korintho 6:10

Kata obedo ni wan gi kuyo maduong’, to wamor pile, kendo kata obedo ni wan kaka jochan, to wamiyo ji mathoth mwandu. Bende wan kaka joma onge gimoro, to kara wan gi gik moko duto.

Jo-Galatia 1:8

To kata ka ng’ato dipuonju Wach Maber machielo ma ok mano mane wapuonjou, bed ni en wan, kata mana malaika mar polo, to Nyasaye mondo okuong’e.

Jo-Filipi 2:18

Kamano e kaka un bende onego ubed mamor, mondo wabed mamor kaachiel.

Jo-Filipi 3:1

Koro oritu owetena, kendo beduru mamor kuom Ruoth. Onge teko moro ma aneno kuom nwoyonu weche mane asendikonu mokwongo, kendo en gima biro konyou.

1 Petro 4:13

To beduru mamor, kaka joma oriwore gi Kristo e masichene, mondo ubed gi mor mathoth, chieng, ma duong’ne maler ofwenyore.