Jo-Filipi 2:30 - MUMA MALER 2015

³⁰ nimar nochiwo ngimane mi both otho nikech tich Kristo, mondo okonya gi kony mane un uwegi ok unyal konyago, nikech un mabor koda.

Motingʼo Loko Manyien

³⁰ nikech nochiwo ngimane mi poth otho nikech tich Kristo, koketo ngimane e chandruok mondo okonya gi kony ma un uwegi ne ok unyal konyago.

Jo-Filipi 2:30 ပူးပေါင်းရင်းမြစ်များ

Tich Joote 20:24

To an ok akwan ngimana ka gimoro kata matin, to adwaro mana ni mondo achop wuodha, kendo atiek tich mane Ruoth Yesu omiya mondo ati, ma en hulo Wach Maber mar ng’wono mar Nyasaye.

Jo-Rumi 16:4

Ne gichiwo ngimagi nikech an! Agoyonigi erokamano, to ok an kenda, to kanyakla duto mag jo-Kristo ma ok jo-Yahudi bende goyonigi erokamano.

1 Jo-Korintho 15:53

nikech ringruok matowni nyaka rwakre gi ringruok ma ok tow. Adier, gima tho nyaka rwakre gi gima ok tho.

1 Jo-Korintho 16:10

To ka Timotheo obiro iru, to neuru ni obedo kodu koonge luoro, nikech otiyo ni Ruoth mana kaka an.

1 Jo-Korintho 16:17

Amor ahinya nikech Stefano gi Fortunato kod Akaiko josebiro, nimar gisekonya karu,

2 Jo-Korintho 12:15

An to ayie chiworanu gi mor, katiyonu gi tekra duto. To ka an aherou ahinya kamano, koro mano dimi uhera mana matin koso?

2 Jo-Korintho 4:12

Kamano tho tiyo kuomwa, to un, ngima tiyo kuomu.

Jo-Filipi 2:17

Yie maru en misango muchiwo ni Nyasaye, omiyo kata ka obedo ni remba iolo kimedo e misangono, to berna, kendo adwaro mondo uduto ung’e kaka amor.

Jo-Filipi 2:27

Adier, notuo, mi both otho, to Nyasaye nokeche, to ok en kende ema ne okeche to an bende nokecha, mondo kik abed gi kuyo nyadiriyo.

Jo-Filipi 4:10

Mano kaka an gi mor maduong’ kuom Ruoth, nikech uchako upara kendo, bang’ ndalo mang’eny ahinya! Ang’eyo ni ne ok uweyo para, to thuolo mar timo gimoro ema ne otamou.

Jo-Filipi 4:18

Koro andikonu risit! Eri, an gi gik moko duto ma adwaro, kendo mokadho kanyo, ka koro Epafrodito osekelona chiwo mane uorona. Chiwouno en misango madum tik mang’ue mamit, ma Nyasaye oyiego, kendo long’one.

Filemon 1:13

Da ahero mondo obed koda ka okonya kaeri, e kinde ma anie tuech nikech Injili ni.

Fweny 12:11

Owetewa ne oloye gi remb Nyarombo kendo gi Wach Nyasaye mane gihulo, bende ne ok gidewo ngimagi nyaka kar tho.