Jo-Filipi 2:21 - MUMA MALER 2015

²¹ nikech ji duto dwaro mana mekgi giwegi, to ok dew wach Yesu Kristo.

Motingʼo Loko Manyien

²¹ Nikech ji duto dwaro mana gik makonyogi giwegi, to ok mag Yesu Kristo.

Jo-Filipi 2:21 ပူးပေါင်းရင်းမြစ်များ

2 Ruodhi 12:6

To kane Joash osebedo ruoth kuom higni piero ariyo gadek jodolo ne pok oloso kuonde ma nokethore e Hekalugo.

Isaya 56:11

Adier, gichalo guogi mowuor ma ok yieng’! Gin jokwath ma ok ong’eyo gimoro. Moro ka moro dhi e yore owuon, kadwaro ohande kamoro amora monyalo yudee.

Malaki 1:10

Ruoth Nyasaye Manyalo Gik Moko Duto owacho niya, “Da obedo maber ka ng’at achiel kuomu oloro dhorangeye mag laru mar Hekalu, mondo kik umok mach e kendona mar misango kayiem nono. Ok amor kodu, kendo ok nayie misengni muchiwona.

Mathayo 16:24

Bang’ mano, Yesu nowacho ni jopuonjrene niya, “Ka ng’ato dwaro luwa, to nyaka okwerre owuon, mi okaw msalape, kendo oluwa,

Luka 14:26

“Ka ng’ato obiro ira, to ok ojwang’o wuon kod min, gi chiege gi nyithinde koda ka ngimane owuon, to ok onyal doko japuonjrena.

Tich Joote 13:13

Paulo kod joma ne en go ne joa Pafo, mi okwang’ nyaka Perga e piny Pamfulia, to Johana noweyogi kuno, modok Jerusalem.

Tich Joote 15:38

to Paulo ne oparo ni ok ber dhi kode, nikech noyudo oseweyogi Pamfulia, modok kapok gitieko tijgi.

1 Jo-Korintho 10:24

Kik ng’ato dwar mana gik makonye en owuon to ng’ato ka ng’ato mondo odwar gik makonyo jomoko.

1 Jo-Korintho 10:33

to timuru mana kaka atimo. Atemo bedo malong’o ni ji duto e yore duto, ka ok apar mana gima dikonya, to aparo mana gima dikony ji duto, mondo oresgi.

1 Jo-Korintho 13:5

Hera ok tim gima kuodo wich, ok odwar mare kende, iye ok wang’, bende ok omak sadha.

2 Jo-Korintho 1:5

Kaka masiche moko mag sand mang’eny mane Kristo oneno koro bironwa mogundho e kaka kony mang’eny ma wayudo kuom Kristo bende koro bironwa mogundho.

Jo-Filipi 2:4

kendo kik upar mana gima konyou uwegi, to nyaka upar gima konyo jomoko bende.

2 Timotheo 1:15

Ing’eyo ni owete duto manie piny Asia, koda ka Fugelo, gi Hermogene, oseringo oweya kenda.

2 Timotheo 3:2

Ji nobed joma oherore kendgi giwegi, kendo ma ohero pesa. Ginibed joma wuorore kendo ma jong’ayi, kendo ma yanyo ji. Bende ok giniwinj jonywolgi, bende ok ginibed joma goyo erokamano, kata joma oluoro Nyasaye.

2 Timotheo 4:10

nimar Dema oseringo oweya, nikech ohero pinyni, kendo osedhi Thesalonika. Kreske to osedhi e piny Galatia kendo Tito osedhi e piny Dalmatia.

2 Timotheo 4:16

E kinde mokwongo mane achung’ie e bura mondo awach wachna, onge ng’ato mane ochwaka, to ji duto noringo oweya. To Nyasaye mondo ong’wonnigi.