Jo-Filipi 2:2 - MUMA MALER 2015

² to kara beduru gi paro achiel, gi chuny achiel mondo umi chunya opong’ gi mor.

Motingʼo Loko Manyien

² to kare beduru gi paro achiel, gihera achiel kod chuny achiel mondo umi chunya opongʼ gi mor.

Jo-Filipi 2:2 ပူးပေါင်းရင်းမြစ်များ

Zaburi 122:8

Awacho e nying owetena gi osiepena niya, “A Jerusalem, kue obed kodi.

Johana 3:29

Ng’at man gi miaha e wuon kisera, to osiep wuon kisera mochung’ kanyo bedo mamor kowinjo dwond wuon kisera. Mor ma kamano ema an bende an-go, kendo koro oroma chuth.

Tich Joote 1:14

Giduto ne gilamo Nyasaye pile gi chuny achiel, kaachiel gi mon moko kaka Maria min Yesu kod owete Yesu.

Tich Joote 2:1

Kane chieng’ Pentekost ochopo, noyudo joma oyie duto ochokore kanyakla.

Tich Joote 2:46

Pile ne gichokore gi chuny achiel e Hekalu, kendo ne gidhi e ot ka ot mondo gichamie Sap Ruoth. Ne gichiemo kaachiel gi mor,

Tich Joote 5:12

Joote notimo honni kod ranyisi mang’eny, kendo joma oyie duto ne chokore gi chuny achiel e Agoch Solomon.

Jo-Rumi 12:16

Beduru joma winjore, kendo kik ubed joma sungore, to beduru e achiel gi ji duto. Kik ukawru ni uriek.

1 Jo-Korintho 1:10

Owetena, asayou e nying Ruodhwa Yesu Kristo ni beduru gi winjruok uduto kuom gima uwacho, mondo kik ubed gi pogruok e kindu, to uriwru chutho kuom paro achiel kod dwaro achiel.

2 Jo-Korintho 13:11

Koro oritu owetena! Temuru mondo ubed joma kare, kuwinjo wechena. Beduru gi winjruok, kendo gi kue, eka Nyasach hera kod kue nobed kodu.

2 Jo-Korintho 2:3

Mano emomiyo nandikonu baruano. Ne ok adwar biro iru mondo ayud chuny lit kuom joma onego miya mor, nimar ang’eyo malong’o ni ka amor to un bende umor uduto.

2 Jo-Korintho 7:7

Ok birone kende ema nojiwowa, to jip mane oyudo kuomu, bende nojiwowa. Ne onyisowa kaka un gi siso ahinya mar nena, kendo kaka uywak, kendo kaka usiro wechena. Mano nomiyo amedo doko mamor moloyo.

Jo-Filipi 1:4

kendo pile ka alemonu to alemo gi mor,

Jo-Filipi 2:16

kunyisogi wach ngima. Ka utimo kamano, to unumi abed mamor chieng’ ma Kristo obiroe, nikech mano nonyis ni ng’uech ma aringoni, kod tich ma atiyo, ok ne akethoe tekra kayiem nono.

Jo-Filipi 2:20

En bende ema chunye chalo gi mara, kendo en ema oparou adier,

Jo-Filipi 4:2

Akwayo Yuodia gi Suntuke mondo jowinjre kuom Ruoth.

Jo-Kolosai 2:5

Kata obedo ni ok an kodu gi ringra, to an kodu gi chunya, kendo amor ahinya kaneno kaka uritoru maber, kendo kaka un gi yie motegno kuom Kristo.

2 Jo-Thesalonika 2:13

Un owetewa ma Ruoth ohero, nyaka wago ni Nyasaye erokamano pile nikech un, nimar un ema Nyasaye noyierou nyaka a chakruok mondo uyud warruok, ka opuodhou gi Roho, kendo kuom yie ma un-go kuom adiera.

2 Timotheo 1:4

Ka aparo kaka pi wang’i nochwer to agombo neni, mondo chunya obed gi mor mogundho,

Filemon 1:20

Par wachno owadwa! Adwaro ni mondo itimna ng’wono kuom Ruoth e wachni. Duog chunya kaka ja-Kristo wadwa.

2 Johana 1:4

Ne amor ahinya kane ayudo ni nyithindo moko wuotho e adiera, ka giluwo chik mane wayudo kuom Wuoro,

3 Johana 1:4

Onge gima miya mor moloyo ka awinjo ni nyithinda wuotho e adiera.