Jo-Filipi 2:17 - MUMA MALER 2015

¹⁷ Yie maru en misango muchiwo ni Nyasaye, omiyo kata ka obedo ni remba iolo kimedo e misangono, to berna, kendo adwaro mondo uduto ung’e kaka amor.

Motingʼo Loko Manyien

¹⁷ Kata obedo ni remba iolo oko kaka remb chiayo mitimogo misango kuom chiwruok kod tich maru kuom yie, to pod amor amora kendo ail kaachiel kodu.

Jo-Filipi 2:17 ပူးပေါင်းရင်းမြစ်များ

Kwan 28:6

(Mano e misango mitimo miwang’o mitimo pile mondo odum mamit ni Ruoth Nyasaye, mane ochak tim e got Sinai.)

Kwan 28:7

To misango miolo piny mitimego nobed divai moromo lita ariyo kuom im ka im. Nyaka uol divai makechno ei Kama Ler ka misango ni Ruoth Nyasaye.

Tich Joote 20:24

To an ok akwan ngimana ka gimoro kata matin, to adwaro mana ni mondo achop wuodha, kendo atiek tich mane Ruoth Yesu omiya mondo ati, ma en hulo Wach Maber mar ng’wono mar Nyasaye.

Tich Joote 21:13

To Paulo nodwokowa niya, “Utimo ang’o, kuywak kendo utemo mondo uneg chunya? An aseikora mondo otueya, kata mondo atho Jerusalem nikech nying Ruoth Yesu!”

Jo-Rumi 12:1

Emomiyo owetena, asayou kuom ng’wono mar Nyasaye mondo uchiw ringreu obed misango mangima kendo maler ma Nyasaye nyalo yiego, nikech mano e yo maradier mar lemo monego uluw.

Jo-Rumi 15:16

mondo abed jatich Kristo Yesu, kendo mondo ati tich dolo ni joma ok jo-Yahudi. Tijano en lando Wach Maber mar Nyasaye mondo joma ok jo-Yahudi obed misango malong’o ni Nyasaye, ma Roho Maler osepwodho.

2 Jo-Korintho 12:15

An to ayie chiworanu gi mor, katiyonu gi tekra duto. To ka an aherou ahinya kamano, koro mano dimi uhera mana matin koso?

2 Jo-Korintho 4:12

Kamano tho tiyo kuomwa, to un, ngima tiyo kuomu.

2 Jo-Korintho 6:10

Kata obedo ni wan gi kuyo maduong’, to wamor pile, kendo kata obedo ni wan kaka jochan, to wamiyo ji mathoth mwandu. Bende wan kaka joma onge gimoro, to kara wan gi gik moko duto.

2 Jo-Korintho 7:4

Chunya ni thuolo ka aloso kodu kendo an gi mor maduong’ nikech un! Kata obedo ni chandruokwa ng’eny kamano, to achung’ motegno, kendo amor mokadho!

Jo-Filipi 1:20

Kamano ageno ahinya ni ok anatim gimoro ma dikuod wiya e yo moro amora, to koro abiro wuoyo gi chir, kaka asetimo kinde duto, mondo gik moko duto ma atimo omi Kristo duong’, kata angima kata atho.

Jo-Filipi 2:18

Kamano e kaka un bende onego ubed mamor, mondo wabed mamor kaachiel.

Jo-Filipi 2:30

nimar nochiwo ngimane mi both otho nikech tich Kristo, mondo okonya gi kony mane un uwegi ok unyal konyago, nikech un mabor koda.

Jo-Filipi 4:18

Koro andikonu risit! Eri, an gi gik moko duto ma adwaro, kendo mokadho kanyo, ka koro Epafrodito osekelona chiwo mane uorona. Chiwouno en misango madum tik mang’ue mamit, ma Nyasaye oyiego, kendo long’one.

Jo-Kolosai 1:24

Emomiyo koro amor ka aneno masira nikech un. Mano e kaka ringra chopo gima orem kuom masiche mane Kristo oneno nikech kanyakla mar jo-Kristo ma en ringre.

1 Jo-Thesalonika 2:8

To ne waherou ahinya, omiyo ne ok wayie mana chiwore mondo wamiu Wach Maber mar Nyasaye kende, to ne wayie miyou chunywa bende, nikech hera maduong’ mane waherougo.

2 Timotheo 4:6

An to, ngimana chalo gi misango miolo piny e kendo-mar-misango, kendo kinde ma aago e pinyni chiegni,

1 Petro 2:5

Biuru ire ka gima un kite mangima, mondo ubed jodolo maler matimo misengni mag chuny ma Nyasaye oyiego kuom Yesu Kristo,

1 Johana 3:16

Koro waseng’eyo ni hera en ang’o, nikech Kristo nochiwo ngimane nikech wan. Kuom mano, wan bende onego wachiw ngimawa nikech owetewa.