Jo-Filipi 2:13 - MUMA MALER 2015

¹³ nikech Nyasaye owuon ema tiyo e chunyu, komiyou dwaro kendo timo gima long’one.

Motingʼo Loko Manyien

¹³ nikech Nyasaye owuon ema tiyo e chunyu mondo omi umanye kendo utim dwarone maber.

Jo-Filipi 2:13 ပူးပေါင်းရင်းမြစ်များ

1 Ruodhi 8:58

to mondo okonywa keto chunywa kuome, wawuoth e yorene duto, kendo wamak chikene gi buchene kod wechene mane ochiko kwerewa.

2 Weche mag Ndalo 30:12

To piny Juda ema ne Nyasaye otiyoe gi teko, momiyogi chuny achiel mar winjo wachne kaka ruoth gi jodonge nochikogi.

Ezra 1:1

E higa mokwongo mar loch Kuros ruodh Persia, Ruoth Nyasaye nomiyo wachne mane Jeremia okoro, otimore. Nomiyo Kuros ruodh Persia ogoyo milome e pinje duto,, kendo olando wach gi barua, kowacho niya:

Ezra 1:5

Bang’e jodong dhout Juda gi Benjamin kod jodolo gi jo-Lawi, kaachiel gi ji mamoko duto mane Nyasaye ojiwo chunygi mondo ochak oger Hekalu mar Ruoth Nyasaye man Jerusalem, noikore dhi timo kamano.

Ezra 7:27

Ezra nowacho niya, “Apako Ruoth Nyasaye ma Nyasach kwerewa, moseketo wach makama e chuny ruoth mondo omed ber mar Od Ruoth Nyasaye man Jerusalem,

Nehemia 2:4

Ruoth nopenja ni, “Koro idwa ni atimni ang’o?” Nalamo Nyasach polo,

Ayub 33:29

Nyasaye timo gik ma kamago pile pile.

Zaburi 110:3

Chieng’ ma ikedo gi wasiki, to jou nochiwre mondo okedi, kendo yawuotgi nobi iri e gode maler, konur mana ka tho mamoko gokinyi.

Zaburi 119:36

Miya chuny mohero rito chikeni, kar bedo gi mwandu.

Zaburi 141:4

Rita mondo kata mana gombo timo richo kik agombi, kata kik akony joricho timo timbegi mamono. Bende kik iwe abed kodgi kaachiel e sewni maggi.

Ngeche 21:1

Ruoth Nyasaye ema nyiso ruoth gik monego otim, mana kaka ochiko aora kuma onego molie.

Isaya 26:12

A Ruoth Nyasaye, inimiwa kue, nikech gik moko duto ma wasetimo, in ema itimonwa.

Jeremia 31:33

Singruok ma anatim gi dhood Israel bang’ ndalogo ema: Anaket chiekena e parogi, kendo anandikgi e chunygi. Anabed Nyasachgi, mi ginibed jogaa.

Jeremia 32:38

Eka ginibed joga kendo anabed Nyasachgi.

Luka 12:32

“Kik uluor, un kueth matinni, nimar Wuonu ohero miyo ubed gi loch kaachiel kode.

Luka 2:14

“Duong’ obed ni Nyasaye e polo malo, kendo kue obedi e piny, ni joma Nyasaye oyiero!”

Johana 3:27

To Johana nodwokogi niya, “Onge ng’at manyalo bedo gi gimoro mak mana ka Nyasaye ema omiye.

Johana 6:45

Ondik e Kitap jonabi ni, ‘Nyasaye nopuonj ji duto.’ Omiyo ng’ato ka ng’ato ma owinjo dwond Wuoro mi opuonjore kuome, to biro mana ira.

Johana 6:65

Eka nomedo wacho niya, “Mano ema omiyo ne awachonu ni ng’ato ok nyal biro ira ka ok Wuora ema omiyo obiro.”

Tich Joote 11:21

Teko Ruoth Nyasaye ne ni kodgi, omiyo ji mathoth noyie, molokore ir Ruoth.

Jo-Rumi 12:3

Kaka Nyasaye osemiya mich kuom ng’wonone, anyisou ni ng’ato ka ng’ato kuomu kik ketre e duong’ moongego, to mondo opar maber maromre gi yie ma Nyasaye osepogone.

Jo-Rumi 9:11

To kane pok onywolgi, tiende ni kane pok gitimo gimoro maber kata marach,

Jo-Rumi 9:16

Emomiyo ok en wach gima ng’ato dwaro kata gima ng’ato timo momiyo Nyasaye yiere, to en mana wach ng’wono mar Nyasaye owuon.

1 Jo-Korintho 12:6

Nitie yore mopogore opogore ma teko Nyasaye tiyoe kuom ji, to Nyasaye achiel ema tiyo e yorego duto.

1 Jo-Korintho 15:10

To ng’wono mar Nyasaye ema osemiyo abedo kaka achaloni, kendo ng’wono mane omiya ok osebet kayiem nono. Chutho asetiyo matek moloyo joote mamoko duto, to ok gi tekra awuon, to ng’wono mar Nyasaye ema notiyo kuoma.

2 Jo-Korintho 3:5

Wan to waonge gi teko moro kuomwa wawegi mamiyo wawacho ni wanyalo timo gimoro, to gima wan-go a mana kuom Nyasaye,

Jo-Efeso 1:11

Nyasaye, mochano gik moko duto mondo obed kaka odwaro nyaka a chakruok, noyierowa wan jo-Yahudi mondo wabed joge owuon kuom Kristo.

Jo-Efeso 1:5

Nowalowa chon mondo wadok yawuote kuom Yesu Kristo, nikech mano e kaka ne odwaro, kendo omorgo.

Jo-Efeso 1:9

oseelonwa dwarone mopondo, tiende ni oseelonwa gik mane ochano chon kuom ng’wonone, mondo otim kuom Kristo ka ndalo ogik kare.

Jo-Efeso 2:8

Ne uyie kuome mi oresou mana kuom ng’wonone, to ok kuom gik mane utimo un uwegi. En mana mich mar Nyasaye!

2 Jo-Thesalonika 1:11

Mano emomiyo walemonu pile, kwakwayo ni mondo Nyasachwa omi ubed joma owinjore gi ngima moluongoue, kotiyo gi tekone mondo ochop dwaro mabeyo duto ma un-go, kendo omi tichu duto, mutiyo nikech yie ma un-go, odhi maber.

2 Timotheo 1:9

Nyasaye nowarowa kendo oluongowa mondo wabed joge owuon, ok nikech gimoro maber ma wasetimo, to mana nikech mano ema nodwaro kuom ng’wonone. Nyaka nene ne omiyowa ng’wononeno kuom Kristo Yesu.

Jo-Hibrania 13:21

mondo omiu gik moko duto mabeyo mondo utim dwarone. En ema mondo otim gima long’one e chunywa kuom Yesu Kristo. Duong’ obedne nyaka chieng’. Amin.

1 Petro 1:3

Duong’ obed ni Nyasaye Wuon Ruodhwa Yesu Kristo. Kuom ng’wonone maduong’ nonywolowa gi nywol manyien kuom chiero Yesu oa kuom joma otho. Mano miyo wabedo gi geno mangima.