Jo-Filipi 2:12 - MUMA MALER 2015

¹² Kuom mano, osiepena, kaka ne uwinjo wachna kane an kodu, koro ka an mabor kodu, to ber mondo uwinj wachna moloyo. Tiuru gi luoro kod kibaji, mondo umi warruok ochop kare,

Motingʼo Loko Manyien

¹² Kuom mano, osiepena mageno, mana kaka usebedo kuwinjo wachna kinde duto, ok mana ka antie kodu, to koro moloyo ka aonge, dhiuru nyime ka urito warruoku mondo ochop kare, kupongʼ gi luoro kod bolruok,

Jo-Filipi 2:12 ပူးပေါင်းရင်းမြစ်များ

Ezra 10:3

Emomiyo koro wasingrueru ni Nyasachwa ni wanariemb mon-go gi nyithindgi, kaka useng’adonwa rieko, un kod jogo moluoro chik Nyasaye, kendo watimuru gima chik dwaro.

Zaburi 119:120

Luoro ma aluorigo miyo denda tetni. Buche ming’ado bende miyo kihondko maka.

Zaburi 2:11

Tiuru ni Nyasaye gi luoro,

Ngeche 10:16

Tich matek ema kelo ngima ni ng’at makare. To timbe jaricho kelone mana masira.

Ngeche 13:4

Ng’at ma jasamwoyo nyalo dwaro gimoro ahinya, to ok onyal yudo. Jakinda to yudo gik moko duto ma odwaro.

Isaya 66:2

Gigi duto an ema achueyo, kendo an e wuon-gi. An Ruoth Nyasaye ema awacho kamano. Ng’at ma abiro konyo en ng’at mamuol, ma chunye otur, kendo ma tetni kowinjo wachna.

Isaya 66:5

Winjuru wach Ruoth Nyasaye, un mutetni kowuoyo. Owacho kama: “Joweteu mosin kodu, kendo modagu nikech uhero nyinga, wacho niya, ‘Ruoth Nyasaye mondo onyis duong’ne maler, mondo waneye ane mor ma un go!’ To kata kamano gin ema ginine wichkuot.”

Mathayo 11:12

Chakre ndalo Johana Jabatiso nyaka chil kawuono, ji osebedo kadwaro donjo e Piny Ruodh Polo gi teko, kendo joma rateke ema donjoe,

Mathayo 11:29

Rwakuru lodi ma amiyou e ng’utu, kendo puonjreuru kuoma, nikech chunya muol kendo dembore.

Tich Joote 16:29

Eka jarit jela noluongo mondo okelne taya kendo nopodho e tiend Paulo gi Sila kokirni.

Tich Joote 9:6

To a malo, idhi Damaski kuma idhi wachonie gima onego itim.”

Jo-Rumi 2:7

Joma osiko katimo maber, kendo dwaro pak gi duong’ moa kuom Nyasaye, kod ngima ma ok rum, nomi ngima ma nyaka chieng’.

1 Jo-Korintho 15:58

Emomiyo owetena mahero, chung’uru motegno ma ok ung’ingni, kutiyo matek pile e tich Ruoth, kendo kung’eyo ni tich mutiyo kuom Ruoth ok nobed kayiem nono.

1 Jo-Korintho 2:3

Kane abiro iru, to ne anyap, kendo luoro nomiyo denda duto otetni,

1 Jo-Korintho 4:14

Ok andik wechegi ni mondo akuodgo wiu, to andikogi mana ni mondo ang’adnugo rieko, kaka nyithinda ma ahero.

2 Jo-Korintho 7:15

Kapo ni ne apakoune, to ok usemiyo wiya okuot. Pile kaka wasebedo mana ka wawachonu adiera kende, kamano bende e kaka pak mane wapakougo medore ameda, koparo kaka uduto ne umako wach, kendo kaka ne urwake gi luoro kod kibaji.

Jo-Efeso 6:5

Un wasumbini, winjuru wach ruodhiu mae pinyni, kuluor kendo kutetni, kendo timuru kamano gi chuny achiel, mana kaka uwinjo Kristo.

Jo-Filipi 1:27

To koro nyaka une ni ngimau mapile obedo mowinjore gi Wach Maber mar Kristo. Kata ka abiro nenou, kata ka ok abiro, to adwaro winjo ni uchung’ motegno gi chuny achiel, mondo uked ni adiera mar Wach Maber.

Jo-Filipi 1:29

Nyasaye onyisou ni oherou, ok mana nikech osemiyo uyie kuom Kristo kende, to nikech osemiyo uneno masira bende nikech en.

Jo-Filipi 1:5

nikech kony ma usekonyago e tich lando Injili, chakre chieng’ mokwongo nyaka chil kawuono.

Jo-Filipi 1:6

Ang’eyo malong’o ni Nyasaye mane ochako tich maber e chunyu biro dhi kode nyime nyaka chope chieng’ ma Yesu Kristo obiroe.

Jo-Filipi 2:19

Ageno ni ka Ruoth Yesu oyie, to abiro oro Timotheo iru mapiyo, eka chunya noduogi ka awinjo wach ma kuomu.

Jo-Filipi 4:1

Emomiyo owetena ma ahero, chung’uru motegno kuom Kristo. Siso oloya kodu ahinya, jowadwa. Un ema umiya mor, kendo un e osimbona, manyiso ni aselocho.

Jo-Filipi 4:15

Un jo-Filipi, ung’eyo maber ni e ndalo mane akwongo landoe Injili, kane aa piny Makedonia, onge kanyakla mar jo-Kristo kata achiel mane okonya gi chiwo mar pesa, mak mana un.

1 Jo-Thesalonika 1:3

E nyim Nyasachwa kendo Wuonwa, wiwa ok nyal wil gi timbe ma usetimo nikech yie ma un-go, gi tich matek musetiyo nikech hera ma ungo, kendo gi kinda ma unyisogo ni ugeno kuom Ruodhwa Yesu Kristo.

2 Timotheo 2:10

Mano emomiyo adhil e weche duto nikech joma Nyasaye oseyiero, mondo gin bende giyud warruok man kuom Kristo Yesu, kod duong’ne mochwere.

Jo-Hibrania 12:1

Emomiyo ka koro oganda mang’ongo mar joneno opie molworowa ka bor polo kama, to wan bende waweuru ting’ duto kod richo maduodowa, kendo waringuru matek, kwanano ni ng’uech moseketwae.

Jo-Hibrania 4:1

Koro Nyasaye oseweyonwa singruok ni wanyalo donjo kama entie mondo wayue kode. Omiyo watang’uru mondo ng’ato kuomwa kik par ni thuolo mar donjo e yueyono osekadhe,

Jo-Hibrania 4:11

Emomiyo waketuru chunywa mondo wadonji e yueyono. Kik watamre yie kaka jogo notamore, nono to walal.

Jo-Hibrania 5:9

Kendo kane osebedo ng’ama kare chuth, nodoko jakel warruok mosiko ni ji duto mawinjo wachne,

1 Petro 2:11

Osiepena, akwayou ni kaka un welo kendo jodak e pinyni, beduru motang’ gi gombo mag ringruok makedo gi chunyu pile.

2 Petro 3:18

To donguru kuom ng’wono, kumedo ng’eyo Ruodhwa kendo Jawarwa Yesu Kristo. Duong’ obedne kawuono kendo nyaka chieng’. Amin.