Jo-Filipi 2:11 - MUMA MALER 2015

¹¹ kendo ji duto mondo ohul ni Yesu Kristo e Ruoth, mondo Nyasaye Wuoro bende oyud duong’.

Motingʼo Loko Manyien

¹¹ kendo ji duto nohul ni Yesu Kristo en Ruoth, mondo Nyasaye Wuoro oyud duongʼ.

Jo-Filipi 2:11 ပူးပေါင်းရင်းမြစ်များ

Zaburi 110:1

Ruoth Nyasaye ne owacho ni ruodha niya, “Bed abeda korachwich ka nyaka chop aket wasiki obed raten tiendi.”

Zaburi 18:49

Kuom mano anapake e kind ogendini. Adier, anapak nyinge gi wer.

Jeremia 23:6

E ndalo lochne, jo-Juda nodag gi kue, kendo jo-Israel bende nodag maonge ng’ama chandogi. Ginichak ruodhno ni ‘Ruoth Nyasaye ma resowa.’ ”

Mathayo 10:32

“Ng’ato ang’ata mohulo ni en ng’ata e nyim ji, an bende nahul ni en ng’ata e nyim Wuora mae polo.

Luka 2:11

Kawuono osenywolnu Jawar e dala Daudi. En Mesia ma Ruoth.

Johana 12:42

To kata kamano, ji mang’eny, koda ka jodongo, noyie kuome, to ne giluoro jo-Farisai, omiyo ne ok gidwar hulo wachno, nikech ne dipo ka oriembgi e ut lemo,

Johana 13:13

Un uluonga ni ‘Japuonj’, kendo ni ‘Ruoth’, to mano uluonga kare, nikech mano e an.

Johana 13:14

To ka an, ma an Ruodhu kendo Japuonju ema aselwoko tiendeu, koro un bende onego ulwok tiende oweteu.

Johana 14:13

Kendo gimoro amora mukwayo e nyinga natim, mondo Wuoro oyud duong’ kuom Wuowi.

Johana 14:23

Yesu nodwoke niya, “Ng’at mohera norit wachna. Wuora bende nohere, mi wanabi ire, kendo wadag kode.

Johana 17:1

Kane Yesu osetieko wacho wechego, nong’iyo polo, mowacho niya, “Wuora, sana koro osechopo. Mi wuodi duong’.

Johana 20:28

To Thoma nodwoke ni, “Ruodha, kendo Nyasacha!”

Johana 5:23

mondo ji duto omi Wuowi duong’ mana kaka gimiyo Wuoro. Ng’at ma ok mi Wuowi duong’, to ok mi Wuoro mane ooro Wuowi duong’.

Johana 9:22

Jonywolne nodwoko kamano nikech ne giluoro jodong jo-Yahudi. Ne oyudo jodong jo-Yahudi osewinjore kendgi ni ng’ato ang’ata moyie ni Yesu e Mesia, to nyaka tam mondo kik dhi e od lemo.

Tich Joote 10:36

Ne ooro wachne ni jo-Israel, kokelonigi Wach Maber mar kue kuom Yesu Kristo, ma en Ruodh ji duto.

Tich Joote 2:36

“Jo-Israel duto koro nyaka ng’e maonge kiawa ni Nyasaye oseketo Yesu, mane uguro e msalaba, obed Ruoth kendo Mesia.”

Jo-Rumi 14:11

Mana kaka ondiki e Muma niya, “An Ruoth Nyasaye mangima, akuong’ora niya, ‘Ji duto nogona chonggi piny, kendo ng’ato ka ng’ato nohul ni an e Nyasaye.’ ”

Jo-Rumi 14:9

nikech Kristo notho kendo ochier modoko mangima mondo obed Ruodh joma otho gi joma ngima.

Jo-Rumi 15:9

kendo mondo joma ok jo-Yahudi opak Nyasaye nikech ng’wonone. Mano e kaka Muma wacho niya, “Emomiyo anapaki e kind joma ok jo-Yahudi. Adier, anapak nyingi gi wer.”

1 Jo-Korintho 12:3

Mano emomiyo adwaro nyisou mondo ung’e ni, onge ng’ama nigi Roho mar Nyasaye manyalo wacho ni, “Okuong’ Yesu”. To bende onge ng’ama nyalo wacho ni, “Yesu en Ruoth” mak mana ka en gi Roho Maler.

1 Jo-Korintho 15:47

Dhano mokwongo nochue gi lowo mar piny, to dhano mar ariyo noa e polo.

1 Jo-Korintho 8:6

wan to wan mana gi Nyasaye achiel, ma en Wuoro, kendo ma gik moko duto a kuome. Wantie mana ni mondo watine. Bende nitie Ruoth achiel kende, ma omiyo gik moko duto nitie, koda ka wan bende.

1 Petro 1:21

nimar en ema omiyo uyie kuom Nyasaye mane ochiere oa kuom joma otho, kendo omiye duong’. Adier, en ema omiyo ubedo gi yie kod geno kuom Nyasaye.

1 Johana 4:15

Ka ng’ato oyie ni Yesu en Wuod Nyasaye, Nyasaye osiko e iye, kendo en bende osiko ei Nyasaye.

1 Johana 4:2

To yo ma unyalo ng’eyogo ni en Roho mar Nyasaye e ma: Ng’ato ka ng’ato ma hulo ni Yesu Kristo osebiro e ringruok nigi Roho mar Nyasaye.

2 Johana 1:7

Jowuond mathoth osewuok e piny. Gin e jogo ma ok oyie ni Yesu Kristo nobiro kaka dhano. Ng’at ma kamano en jawuond, kendo en Jasik Kristo.

Fweny 3:5

Ng’at molocho bende norwakne lewni marachere, mana kaka girwako, kendo ok naruch nyinge oko ngang’ e kitap ngima, to anahul nyinge e nyim Wuora, kendo e nyim malaika mage.